Suro-Suro 19:34 - Kaili Ledo

³⁴ Tapi nisani ntodeapa ia toYahudi, nongaremo ira mpasanggani-nggani, “Nambaso kaoge i Artemis, viata nisombata ntoEfesus!” Aga haitu nisili-silira rojaa kasaena.

Suro-Suro 19:34 ပူးပေါင်းရင်းမြစ်များ

Matius 6:7

Bo ane komiu mosambaya, nee mompakandoe posambayamiu bo mombasili-sili tesa eva kabiasa ntona ledo nosisani nte Alatala. Nisarumakara ane posambayara mandoe, Alatala kana mompetalingai ira.

Suro-Suro 16:20

Nikenira i Paulus bo i Silas hau mantingayo topoparenta nu Magau Mbaso Roma, bo tona nompobatua mombine nanguli ivei: “Tona hitu toYahudi anu nompakagado ngata hitu.

Suro-Suro 19:24

Naria saito pande nu salaka nosanga i Demetrius ri ngata haitu. Pokarajaana novia banua-banua kodi lako ri salaka. Banua-banua haitu nolenje mpo banua petupu ka viata Artemis. Nadea mpuu doi nikava i Demetrius bo topokarajaa ka ia lako ri pokarajaara haitu.

Suro-Suro 19:26

Sii-sii nikitamiu bo niepemiu mbotomo anu nipovia i Paulus! Ia nanguli ka todea, pinoito-pinoito nu viata nipovia mpale manusia, ledo viata mpuu. Bo nadeamo tona nomparasaya pepatudukina haitu, ledo aga ri ngata Efesus hitu, tapi ri pura-pura propinsi Asia muni!

Suro-Suro 19:28

Nangepe tesa i Demetrius, tona nasiromu haitu nobilisi mpuumo rarara, sampe ira nongare-ngare, “Matuvu Artemis, viata nisombata ntoEfesus!”

Suro-Suro 19:33

Naria saito toYahudi nosanga i Aleksander nipopokolu ntoYahudi ri ngayo ntodea. Bara sako-ndua tona lako ri todea haitu nombatentei ka ia nuapa najadi. I Aleksander nanganggataka palena, tandana ia madota motesa manjaliku karona ri ngayo ntodea.

Suro-Suro 19:35

Kaupuna, sekertaris ngata namalamo nompakalino todea. Nanguli ia ka ira, “Sampesuvu-sampesuvu toEfesus! Nisani ntona pura-pura, kita toEfesus hitumo tona nompiara banua petupu nu viata Artemis anu nelabi kaogena bo vatu nabaraka anu nanau lako ri langi!

Roma 2:22

Komiu nompatuduki ka tona, <> tapi komiu mboto nobualo! Komiu narau nanggita topompakande viata, tapi komiu mboto nangala anu naria riara banua petupu viata haitu!

Pompakita 13:4

Nisombara ule naga sabana ia nombadekei kuasa ka binata nadaa haitu, bo nisombara muni binata nadaa. Niulira, “Ledo ntoto naria kasimbayuna binata hitu! Ledo ria saitoa mabia mangeva ia!”