Suro-Suro 19:23 - Kaili Ledo

²³ Ri tempo haitu, neumbamo kagado mbaso ri ngata Efesus sabana ledo nipokonora pepatuduki i Pue Yesus.

Suro-Suro 19:23 ပူးပေါင်းရင်းမြစ်များ

Suro-Suro 18:26

Ledo naeka rara i Apolos notesa ri banua petupu ntoYahudi. Tempo i Priskila bo i Akwila nangepe ia, nikeniramo ia hau ri banuara. Bo ri sia nitesakara pakalanto nia nu Alatala mompakasalama manusia sabana anu nipovia i Yesus.

Suro-Suro 19:9

Tapi bara sako-ndua ira nakaa bagara bo ledo nadota nomparasaya. Ira nanjalai nia nu Alatala ri ngayo ntodea, haitumo niaNa mompakasalama manusia sabana anu nipovia i Yesus. Haitumo sabana i Paulus nompalaisi ira, bo nikenina topangoseaka i Yesus hau ri sikola i Tiranus. Eo-eo ia nosinjula pekiri ante tona ri sia.

Suro-Suro 22:4

Haitu sampe nipandasaku topangoseaka pepatuduki i Yesus. Naria sanu nipatesiku, naria sanu nisakaku bo nisuarakaku riara ntarunggu, langgai bo mombine.

Suro-Suro 24:14

Tapi yaku kana mompangaku ri ngayomiu, yaku netupu nte Alatala nantuntuni pepatuduki i Yesus. Panguli ntoYahudi gahitu, pepatuduki haitu nasala. Tapi yaku bate-batena netupu nte Alatala anu nisomba ntotua kami nggaulu, bo nomparasaya pura-pura anu nitulisi riara Buku Atura Agama bo Buku Nabi-nabi.

Suro-Suro 24:22

Jadi Gubernur Feliks nompopenonto polibu haitu apa nisanina mami pepatuduki i Yesus. Niulina, “Kupakaupu parakara hitu ane mariamo Tadulako Lisias ri sii.”

Suro-Suro 9:2

bo nerapi sura kuasa rakenikana ka pakeni agama ri banua petupu ntoYahudi ri ngata Damsyik. Patujuna, ane rakavana topangoseaka Pepatuduki i Yesus, bara langgai bara mombine, rasakana bo rakenina hau ratangara ri ngata Yerusalem.

2 Korintus 11:26

Nadea ngganimo nirasaiku kasusa riara mpolipaku. Naria uve lono. Naria muni topeago. Yaku nipandasa ntoYahudi bo muni tona ledo toYahudi. Yaku nombarasai susa riara ngata bo ri kataolosana bo rara ntasi. Bo yaku nombarasai susa lako nte tona nanguli ira sampesuvu sampomparasaya, tano mai ledo.

2 Korintus 6:5

Kami niboba bo nisuaraka riara ntarunggu. Todea nonasu nangeva kami, kami nokarajaa ntamo, biasa kami ledo namonjo, biasa ledo nangande.

2 Korintus 6:9

Sanu tona noreke kami hii ledo ria gunana, tapi sanu nombatesa kabelo pokarajaa kami bo kareba haitu natolelemo. Nadea nggani kami sakidepa mamate, tapi peintamo, kami da natuvu! Kami nasaro nipandasa ntona tapi kami ledo namate.