Suro-Suro 19:21 - Kaili Ledo

²¹ Naliutaka kajadia-kajadia haitu, i Paulus nonia hau ri propinsi Makedonia bo Akhaya, pade mapola hau ri ngata Yerusalem. Niulina ka roana, “Maupu yaku hau ri ngata Yerusalem, pade hau ri ngata Roma.”

Suro-Suro 19:21 ပူးပေါင်းရင်းမြစ်များ

Suro-Suro 16:12

Lako ri sia kami nantende hau ri ngata Filipi, haitumo ngata mbaso ri propinsi Makedonia. Ngata Filipi haitu ngata ponturo ntodea nu Magau Mbaso. Kami nonturo ri sia bara sako-mbongi kasaena.

Suro-Suro 18:12

Tempo i Galio najadi gubernur ri propinsi Akhaya, toYahudi ri ngata Korintus nasintuvu nangeva i Paulus. Ia nisakara bo nikenira ratangara ri ngayo Gubernur Galio

Suro-Suro 18:21

Ia nopalakana nte ira bo nanguli, “Ane rapodota nu Alatala, tumai vai yaku.” I Priskila ante i Akwila naboli ri Efesus tapi i Paulus nesavi kapala ntasi bo napola sampe ri ngata Kaisarea.

Suro-Suro 19:22

Jadi nituduna randua topotulungi ia mokolu ka ia hau ri propinsi Makedonia. Sangara randua haitu, i Timotius bo i Erastus. Tapi i Paulus mboto da nonturo bara sakuyapa kasaena ri propinsi Asia.

Suro-Suro 19:29

Kagado haitu natolele sampe ri njumangu ngata Efesus. Todea nombasaka i Gayus bo i Aristarkhus, haitumo randua roa i Paulus sampolipa lako ri propinsi Makedonia. Ira niumbunjai ntodea hau nesua ri tana lapa rangata haitu.

Suro-Suro 20:16

Lako ri pamula polipa kami, i Paulus nompakatantu domo ia mesai ri ngata Efesus, ala nee masae gaga ri propinsi Asia. Apa nasara rarana hau mantuntuni eo mbaso Pentakosta ri ngata Yerusalem.

Suro-Suro 20:22

Hitupa yaku hau ri ngata Yerusalem nangoseaka parenta Nosa Gasa nu Alatala ka yaku. Dopa nisaniku nuapa pura majadi nte yaku hamai.

Suro-Suro 21:17

Nakava kami ri ngata Yerusalem, topomparasaya ri sia nantarima kami ante damba rara.

Suro-Suro 21:4

Ri ngata Tirus haitu, kami hau nanggita topangoseaka i Yesus bo nonturo nte ira saminggu kasaena. Ante pekeniaka Nosa Gasa ira nompainga i Paulus, nee mantende hau ri ngata Yerusalem.

Suro-Suro 23:11

Kamaile bongina, i Pue Yesus neangga ri sinjori i Paulus bo nanguli, “Pakaroo raramu. Nipatolelemumo tesaKu ri ngata Yerusalem, ivesia muni tesaKu kana mupatolele ri ngata Roma!”

Suro-Suro 27:1

Naupu haitu Gubernur Festus nompakatantu i Paulus bo kami anu nomporoa ia, kana mesavi kapala ntasi hau ri ngata Roma ri propinsi Italia. Jadi i Paulus ante bara sako-ndua tona ntanina anu nitavani, niparasayaka i Yulius, saito balengga ntantara lako ri tantara-tantara Magau Mbaso.

Suro-Suro 27:24

‘Nee maeka, Paulus! Iko kana mapola mantingayo Magau Mbaso. Lako ri kabelo nu Alatala nte iko, pura-pura tona nosanggani-nggani ante iko ri kapala hitu masalama pura.’

Suro-Suro 28:16

Nakavapa kami ri ngata Roma, nidekeimo loga ka i Paulus monturo ri banua mboto ante tantara saito anu mombajagai ia ri sia.

Roma 1:11

Apa naoge mpuu raraku mosinggava nte komiu ala yaku mamala mombabagi pedekei nu Alatala ka komiu, haitumo Nosa Gasa anu mompakaroso pomparasayamiu.

Roma 1:13

Sampesuvu-sampesuvu, kana rasanimiu nadea ngganimo yaku nonia tou mosinggava nte komiu tapi nasaro natelava sampe sii-sii. Patujuku mosinggava nte komiu ala madea komiu mangoseaka i Pue Yesus nasimbayu mpo anu najadi nte tona ledo toYahudi ri ngata ntanina.

Roma 1:15

Haitumo sampe naoge raraku mompatolele Kareba Belo ka komiu toponturo ri ngata Roma muni.

1 Korintus 16:5

Maupu kupelioda ira ri propinsi Makedonia pade tou mompeinta komiu, apa yaku nonia moliu ri Makedonia mami.

1 Korintus 4:19

Tapi ane rapodota nTupu, masalisa yaku tou nte komiu. Bo ane makava yaku, kupeinta mboto nuapa rapovia ntona nalanga rarana haitu. Kupeinta ira bara mpuu-mpuu nakuasa atau aga notesa nggoo.

2 Korintus 10:16

Maliu haitu, mamala kami hau mompatolele Kareba Belo sampe ri ngata-ngata ntanina anu makavao lako nte komiu. Kami ledo madota mangoe pokarajaa nipovia kami ri bagia mpokarajaa ntona ntanina.

Galatia 2:1

Naliu sapulu pata-mpae, sangganipa vai yaku hau ri ngata Yerusalem nosanggani ante i Barnabas. Bo nikeniku muni i Titus.

1 Tesalonika 1:7

Jadi katuvumiu najadi jonjo nipasiala ntopomparasaya i Yesus pura-pura ri propinsi Makedonia bo propinsi Akhaya.