Suro-Suro 19:16 - Kaili Ledo

¹⁶ Tona nipesua nu seta haitu nekavantu bo nombabaga ira sampe pura-pura ira papitu namala nidagina. Nangova ira nalai lako ri banuana nabaka-baka, bo ira novuloamo sabana pakeara nisemparakasinamo.

Suro-Suro 19:16 ပူးပေါင်းရင်းမြစ်များ

Markus 5:15

Nakavapa ira nte i Yesus, nikitara tona nipesua nu seta pangane nonturomo. Ia nobajumo bo nanotomo pekirina. Jadi naeka puramo ira nanggita ia.

Lukas 8:35

Nangepe tesa ntopojaga bavu, hau puramo ira manggita anu najadi. Tempo ira nakava nte i Yesus, nikitara tona nipesua nu seta pangane nakabasakamo lako ri seta-seta bo nonturo ri sinjori i Yesus. Nopakeamo ia bo nanotomo rarana. Nanggita haitu, naeka puramo ira.

Suro-Suro 19:15

Tapi nesanamo seta haitu, “Ane i Yesus, nisaniku Ia, bo i Paulus nisaniku munimo. Tapi komiu tu, isema?”

Suro-Suro 19:17

Pura-pura toYahudi bo tona ledo toYahudi, anu nonturo ri ngata Efesus nangepe kajadia haitu. Nokumaa puramo ira bo niulira i Pue Yesus nakuasa mpuu.

Suro-Suro 3:8

Ia kaliu-liu nekavantu bo neangga bo nompamula nolipa hau tumai. Naupu sia, nesuamo ia riara doyata Banua nu Alatala nosanggani-nggani nte i Petrus bo i Yohanes. Ia nolipa bo nekavantu-vantu nantoiya Alatala.

2 Petrus 2:19

Guru-guru haitu nojanji ivei: “Ane raoseakamiu pepatuduki kami, komiu makabasaka lako ri atura-atura! Komiu mamala movia nuapa-nuapa rapodotamiu.” Tapi nau niulira makabasaka, ira mboto nikuasai pokainggu-pokainggu anu nompakarugi manusia. Apa tona nidagi dota rarana nadaa, batuana ia nipobatua nu dota rarana haitu.