Suro-Suro 19:11 - Kaili Ledo

¹¹ Alatala nombadekei kuasa ka i Paulus novia kabaraka-kabaraka anu ledo ria kasimbayuna.

Suro-Suro 19:11 ပူးပေါင်းရင်းမြစ်များ

Yohanes 14:12

Pariaramo tesaKu hitu, isema-sema nomparasaya Yaku, mamala movia anu nipoviaKu. Bo ledo aga haitu, madeapa vai rapoviana pade anu nipoviaKu, sabana Yaku hau manjili nte TuamaKu.

Suro-Suro 14:3

I Paulus bo Barnabas nasae nonturo ri sia. Ledo naeka ira notesa i Pue Yesus ka tona. Nitesara pepotoveNa bo kabelo raraNa bo i Pue nombadekei kuasa ka ira movia kabaraka-kabaraka bo tanda-tanda nipokumaaka ala rasani ntodea tesa nu suro-suro haitu mpuu-mpuu nakana.

Suro-Suro 15:12

Naupu i Petrus notesa ivesia, pura-pura tona nasiromu ri sia nalinomo bo nompetalingai i Barnabas bo i Paulus nombasili tesa kabaraka-kabaraka bo tanda-tanda anu nipokumaaka nipoviara nte kuasa nu Alatala tempo ira naria ri ngata ntona ledo toYahudi.

Suro-Suro 16:18

Bara sako-eo kasaena mombine haitu ledo naupu-upu nongare ivesia. Kaupuna domo nosabara i Paulus nangepe mombine haitu, jadi neili ntaliku ia bo nanguli ka seta anu nombakuasai mombine haitu, “Ante kuasa i Yesus Kristus, kutudu iko palaimo lako ri mombine tutu!” Naupu sia, seta haitu nalai mpuumo lako ri mombine haitu.

Suro-Suro 5:12

Nadea mpuu kabaraka bo tanda-tanda nipokumaaka nipovia nu suro-suro ri mata ntodea. Bo topangoseaka i Yesus nosangu rara nasiromu ri Banua nu Alatala ri Tambale Magau Salomo.

Suro-Suro 8:13

I Simon mboto nomparasaya, bo naupu ia nidiu, nituntunina njuumo i Filipus. Nokumaa mpuu ia nanggita kabaraka-kabaraka bo tanda-tanda nipokumaaka nipovia i Filipus.

Galatia 3:5

Alatala najoi raraNa nompopanau Nosa GasaNa ka komiu bo nipoviaNa kabaraka-kabaraka ri tatangamiu. Jadi berimba? NipoviaNa pura-pura haitu sabana komiu nangoseaka Atura agama? Tantu ledo! NipoviaNa pura-pura haitu sabana komiu nangepe bo nomparasaya Kareba Belo i Kristus!

Ibrani 2:4

Bo Alatala mboto nompakalanto kareba nipatolelera mpuu-mpuu nakana. Apa nipoviaNa mpengaya-ngaya kabaraka bo tanda nipokumaaka, bo nipaleleNa pompakule lako ri Nosa GasaNa nangoseaka dotaNa mboto.