Suro-Suro 18:7 - Kaili Ledo

⁷ Naupu sia, i Paulus nompalaisi ira bo hau nonturo ri banua ri sinjori nu banua petupu. Tupu nu banua haitu nosanga i Titius Yustus. Ia ledo toYahudi tapi ia nombasomba Alatala.

Suro-Suro 18:7 ပူးပေါင်းရင်းမြစ်များ

Yohanes 9:31

Nisanita Alatala ledo nangepe posambaya ntona nadosa, tapi Ia nompetalingai posambaya ntona netupu nte Ia bo nangoseaka dotaNa. Ane tona haitu ledo lako nte Alatala, berimbamo Ia mompakabelo mataku?

Suro-Suro 10:2

I Kornelius natundu nte Alatala. Naupa ira ledo toYahudi tapi ira sambanua netupu nte Alatala. Ia nasaro nantulungi toYahudi anu napakasi, bo ia nasaro nosambaya ka Alatala.

Suro-Suro 10:22

Niulira, “Kami hii nitudu Kapten Kornelius tumai. Nau ia ledo toYahudi, ia tona nanoa bo ia natundu nte Alatala bo pura-pura toYahudi nombabila ia. Naria malaeka nu Alatala nantudu ia mompokio komiu hau ri banuana ala raepena anu raulimiu ka ia.”

Suro-Suro 13:42

Naupu sia, nesuvumo i Paulus bo i Barnabas lako ri banua petupu bo niperapi ntodea ala manjili vai ira ri eo penonto meonga mompapola anu nitesara pangane.

Suro-Suro 13:43

Naupu puramo tona nesuvu lako ri banua petupu pangane, nadea toYahudi bo tona ntanina anu nesua agama Yahudi, nomporoa i Paulus bo i Barnabas. Suro-suro haitu nompakaroso rarara ala ira bate-batena manjarumaka kabelo nu Alatala.

Suro-Suro 13:50

Tapi tomaoge-tomaoge bo mombine-mombine anu naria nturona bo natundu nte Alatala, nipakapane ntoYahudi sampe i Paulus bo i Barnabas nipandasa bo nipopalai lako ri ngata haitu.

Suro-Suro 16:14

Naria saito mombine ri sia lako ri ngata Tiatira nosanga i Lidia. Ia topobalu kae nosura sese mpalola, anu nasuli mpuu alina. Ia nombasomba Alatala mamimo. Tempo niepena tesa i Paulus, Alatala nompakanoto rarana sampe nitarimana pepatuduki haitu.

Suro-Suro 17:4

Nangepe tesa i Paulus, bara sako-ndua toYahudi nomparasaya tesa haitu bo nantuntuni i Paulus bo i Silas. Ivesia muni toYunani, nadea natundu nte Alatala, bo mombine-mombine naria nturona ri ngata haitu, nadea muni nomparasaya.

Kolose 4:11

Tabe muni lako nte i Yesus anu nidae i Yustus. Lako ri pura-pura toYahudi anu nomparasaya i Kristus, aga ira tatalu nokajaraa nte yaku sii-sii nangelo tona majadi todea ri Poparenta nu Alatala. Ira mpuu-mpuu nantulungi yaku.