Suro-Suro 18:6 - Kaili Ledo

⁶ Tapi aga nievara bo nisalaira i Paulus. Jadi i Paulus nombavurenggenaka pakeana, tandana ia mompalaisi ira sabana nipoarara tesana. Niulina, “Ane komiu rahuku nu Alatala, salamiu mboto, ledo salaku! Mompamula sii-sii yaku hau mompatolele Tesa nu Alatala ka tona ledo toYahudi!”

Suro-Suro 18:6 ပူးပေါင်းရင်းမြစ်များ

Matius 10:14

Ane tupu banua bara tupu ngata ledo madota mantarima komiu atau ledo madota mangepe tesamiu, palaimo komiu lako nte ira bo tapaimiu sovu lako ri kadamiu.

Matius 21:41

Nesana ira, “Natantumo rapatesina ira nadaa haitu bo rabolina taluana ka tona ntanina anu madota mombadekei ka ia bagiana lako ri asele ntalua ri tempona.”

Matius 21:43

Nanguli muni i Yesus ka ira, “Ivesia muni sanu komiu nompoara Yaku. Jadi Kuuli ka komiu, bagiamiu riara Poparenta nu Alatala raala lako nte komiu bo radekei ka tona ntanina anu mangoseaka dota nu Alatala.

Matius 22:10

Jadi haumo batua-batuana mompasiromu pura-pura tona raposinggavakara ri dala-dala jama, tona nabelo, bo tona nadaa sampe naponu pura banua posusa haitu ante torata.

Matius 27:25

Nesana todea, “Ivesia mamimo! Damo kami bo muli-muli kami manjimbuaka kamateNa!”

Matius 8:11

Pariaramo! Tempo bara maipia madea tona ledo toYahudi majadi todea nu Alatala. Ira makava lako ri mpandakena bo mpanauna mosusa madamba-damba ri Poparenta nu Alatala singgani-nggani ante i Abraham, i Ishak bo i Yakub.

Lukas 22:65

Nadea muni tesa-tesara nadaa nompongeika Ia.

Lukas 9:5

Ane ledo ratarima ntona komiu, palaikamo ngata haitu bo tapaimiu sovu lako ri kadamiu, tandana Alatala mompoara ira.”

Suro-Suro 13:51

Jadi i Paulus bo i Barnabas nombasapulai sovu lako ri kadara, tandana tona haitu nipoara nu Alatala. Bo nalaimo ira hau ri ngata Ikonium.

Suro-Suro 26:11

Nadea ngganimo yaku nompandasa ira riara banua petupu. Nipasimbukuku nobarusu ira ala domo raoseakara i Yesus. Nagigi mpuu raraku nompekirika ira sampe yaku hau nangelo ira ri ngata-ngata nakavao.”

Suro-Suro 26:20

Yaku nompatolele ka pura-pura tona, kita kana majea lako ri dosa-dosata bo mombadekei katuvuta ka Alatala. Ane kita mpuu-mpuu majea lako ri dosa-dosata haitu, kana rapopakitatamo ante pokainggu mabelo. Pamula-mulana nipatoleleku kareba haitu ka toYahudi ri ngata Damsyik, pade hau ri ngata Yerusalem bo njumangu bagia Yudea. Bo nitesaku muni ka tona ledo toYahudi.

Suro-Suro 28:28

Kaupuna i Paulus nanguli, “Sampesuvu-sampesuvuku. Kareba Belo nanguli berimba Alatala mompakasalama manusia. Jadi nau ledo ratarimamiu, kana rasanimiu, Kareba Belo haitu nipatolelemo ka tona ledo toYahudi bo iramo mangoseakana.”

Roma 3:29

Tantumo Alatala ledo aga Alatala ntoYahudi, tapi Alatala ntona ledo toYahudi muni.

1 Timotius 5:22

Nee masalisa gaga mombadika palemu ri karo ntona manganggataka ia majadi pakeni ntopomparasaya. Paresa ntani ruru ingguna, apa ane ia movia dosa ngena, ikomo rapakasala. Nee sampe karomu matekeni nte dosa ntona ntanina. Jagaimo pokainggumu mboto ala iko batena matuvu ante pokainggu nagasa.

2 Timotius 2:25

Ia kana malusu rarana mompatuduki tona nangeva ia, mbelaka da mamala ira rakeni nu Alatala majea lako ri pokainggura nasala bo mangisani pepatuduki nakana.

1 Petrus 4:14

Ane komiu rasalai ntona sabana komiu nangoseaka i Kristus, kana masana mpuumo komiu. Apa ane komiu rasalai sabana pomparasayamiu, batuana Nosa Gasa nu Alatala anu nakuasa, naria mpuu riara nggatuvumiu.

1 Petrus 4:4

Tapi sii-sii nahera roa-roamiu sabana komiu domo nangoseaka ira nompebasa nokainggu nadaa ante ledo ria rekena, bo haitumo sabana nisalaira komiu.