Suro-Suro 18:5 - Kaili Ledo

⁵ Nakavapa i Silas bo i Timotius lako ri propinsi Makedonia, nikabasaka i Paulusmo pokarajaana novia tenda, bo eo-eo nipatolelena Kareba Belo lako nte Alatala ka toYahudi. Nipakalantona ka ira i Yesusmo Magau Topompakasalama manusia anu nijanji nu Alatala.

Suro-Suro 18:5 ပူးပေါင်းရင်းမြစ်များ

Lukas 12:50

Tapi da nariapa peparajea kana Kurasai. Bo nasusa mpuu raraKu ane dopa majadi.

Lukas 16:28

Da nariapa alima sampesuvuku hamai. Tudumo i Lazarus hau mompainga ira ala ira ledo mesua ri ponturo pepandasa hitu.’

Yohanes 1:41

Naliu i Andreas nosinggava nte i Yesus, haumo ia nasalisa nangelo sampesuvuna i Simon bo nanguli, “Kami nosinggava nte Mesias!” (Batuana “Magau Topepakasalama anu nijanji nu Alatala”. Riara basa Yunani “Kristus”.)

Yohanes 10:24

Bo nakavamo pakeni ntoYahudi nantagui Ia hamai. Nekutanamo ira, “Sampe maipia Iko mompakaingu kami? Ane Iko mpuu-mpuu Magau Topepakasalama anu nijanji nu Alatala, uli pakalanto ka kami!”

Yohanes 15:27

Bo komiu muni mompopaisani Yaku ka todea sabana komiu nosanggani-nggani ante Yaku lako ri pamula panggaviaKu ri dunia hitu.”

Yohanes 3:28

Niepemiu mbotomo tesaku bara ipia. Niuliku yaku ledo Magau Topepakasalama anu nijanji nu Alatala. Yaku aga tona nisuro mokolu ka Magau haitu.

Suro-Suro 10:42

Bo nituduNa kami mompatolele Kareba Belo haitu ka pura-pura tona, bo manguli ka tona Iamo nianggataka nu Alatala majadi Topotangara pura-pura manusia da natuvu bo anu namatemo.

Suro-Suro 15:22

Nangepe tesa i Yakobus, nasitujumo suro-suro bo pakeni ntanina bo pura-pura topomparasaya mompelisi bara sako-ndua tona lako nte ira mboto ratudu hau ri ngata Antiokhia mosanggani-nggani nte i Paulus bo i Barnabas mompasimbayu asele nu polibu ka topomparasaya hamai. Nipelisiramo i Silas bo i Yudas anu nidae muni i Barsabas. Tona randua haitu nibila ntodea topangoseaka i Yesus ri Yerusalem.

Suro-Suro 16:1

I Paulus bo i Silas nompapola polipara hau ri ngata Derbe, pade napola hau ri ngata Listra. Ri sia naria saito topangoseaka i Yesus nosanga i Timotius. Tinana toYahudi anu nomparasaya i Yesus munimo. Tapi tuamana toYunani.

Suro-Suro 16:12

Lako ri sia kami nantende hau ri ngata Filipi, haitumo ngata mbaso ri propinsi Makedonia. Ngata Filipi haitu ngata ponturo ntodea nu Magau Mbaso. Kami nonturo ri sia bara sako-mbongi kasaena.

Suro-Suro 16:9

Bongina haitu ri ngata Troas, naria anu nipopakita nu Alatala ka i Paulus. Nikitana saito tona lako ri propinsi Makedonia neangga ri ngayona. Tona haitu nerapi mpuu-mpuu nte i Paulus, “Kaimo tumai mantulungi kami ri Makedonia!”

Suro-Suro 17:3

Lako ri Buku Gasa, nipopakitana ka ira bo nitenteina ka ira Magau Topepakasalama anu nijanji nu Alatala kana rapandasa bo rapatesi, bo matuvu mpanjili lako ri kamateNa. Niulina, “I Yesus nipatoleleku ka komiu, Iamo Magau Topepakasalama nijanji nu Alatala.”

Suro-Suro 18:28

Nakuasa mpuu tesa i Apolos sampe nidagina pesanai ntoYahudi ri ngayo ntodea. Lako ri Buku Gasa nipakalantona ka ira i Yesusmo Magau Topompakasalama manusia anu nijanji nu Alatala.

Suro-Suro 2:36

Bo i Petrus nompakaupu tesana, bo nanguli, “Jadi sampesuvu-sampesuvu, haitumo sampe kita toIsrael pura-pura, kana rasanita mpuu-mpuu, i Yesus hitumo anu nipakumiu ri kayu salib, Iamo nipelisi nu Alatala majadi Tupu bo Magau Topepakasalama!”

Suro-Suro 20:21

Yaku nasaro nompainga komiu pura-pura, toYahudi bo tona ledo toYahudi, ala komiu majea lako ri dosamiu bo matundu nte Alatala bo momparasaya Tuputa Yesus.

Suro-Suro 20:23

Aga nisaniku ri umba-umba ngata nikalauku, Nosa Gasa nompopaisani ka yaku, yaku rasuaraka riara ntarunggu bo mombarasai kasusa bo kapari ri ngata Yerusalem.

Suro-Suro 20:24

Tapi ledo kupotove katuvuku hitu. Nau yaku mpuu-mpuu rapatesi, ledo makuya, asaa kupakaupu pokarajaa nidekei i Pue Yesus ka yaku mompatolele Kareba Belo anu nombatesa kabelo nu Alatala nte kita.

Suro-Suro 4:20

Kami hii ledo mamala menonto motesa anu nikita kami bo anu niepe kami mboto.”

Suro-Suro 9:22

Tapi nasae-sae nantambai-mbai karoso i Saulus nompatuduki tona. Ia mpuu-mpuu natau nompakalanto ka ira, i Yesusmo Magau Topepakasalama anu nijanji nu Alatala, sampe toYahudi nonturo ri ngata Damsyik domo nipakulera nombabali tesana.

2 Korintus 1:19

Apa i Yesus Kristus ledo nabali-bali. Iamo Ana nu Alatala anu nipatolele kami i Silas bo i Timotius ka komiu. Ia ledo nebalingoya, ledo sanggani nanguli, “Iyo”, bo sanggani nanguli, “Ledo.” TesaNa bate-batena namala raparasaya.

2 Korintus 11:9

Bo tempo yaku nonturo nte komiu, ane naria paraluuku, ledo nipakasesaku komiu. Apa nuapa-nuapa niparaluuku haitu nipakagana nu sampesuvu-sampesuvu sampomparasaya nakava lako ri propinsi Makedonia. Yaku bate-batena nompasimbuku ala ledo mompakasesa komiu mompekirika katuvuku. Bo batena kupasimbuku ivesia, ledo kuperapi nte komiu.

2 Korintus 5:14

Tove i Kristus nombakuasai kami sampe kami nokainggu ivesia. Apa niparasaya kami, saito tona namate nanjambei kita pura-pura, jadi nasimbayu mpo kita pura-pura namate.

Filipi 1:23

Yaku nitaja mpekiri rongaya. Yaku mpuu-mpuu madota mompalaisi dunia hitu hau monturo mosanggani-nggani ante i Kristus, sabana haitumo nabelopa.

1 Tesalonika 3:2

bo i Timotius sampesuvuta sampomparasaya nitudu kami tuou nte komiu. I Timotius roa kami nokarajaa ka Alatala. Ia nantulungi kami nompatolele Kareba Belo anu notesaki i Kristus. Ia nitudu kami tou mompakadidi raramiu bo mompakaroso pomparasayamiu

1 Tesalonika 3:6

Tapi hitupa nanjilimo i Timotius lako ritu nte komiu, bo nitesana ka kami karebamiu anu nompakadamba rara kami, ivei: “ToTesalonika naroso pomparasayara, bo nosimpotove. Ira bate-batena nantora kita ante damba rara bo ira nalentora manggita kita nasimbayu mpo kita nalentora manggita ira.”

1 Petrus 5:12

Yaku notulisi sura nambuku hitu ante petulungi i Silas, sampesuvuta sampomparasaya. Nisaniku ia namala raparasaya. Patujuku notulisi sura hitu ala mompakaroso raramiu bo mompakalanto ka komiu Alatala mpuu-mpuu nompotove bo nombatulungi kita evamo nitesaku pangane. Jadi komiu kana batena manjarumaka pepotoveNa haitu.