Suro-Suro 18:3 - Kaili Ledo

³ bo nonturo nte ira sabana popaelo i Paulus nasimbayu ante popaelora, haitumo novia tenda. Ira tatalu nokarajaa nosinggani-nggani.

Suro-Suro 18:3 ပူးပေါင်းရင်းမြစ်များ

1 Korintus 4:12

Kami nokarajaa ntamo ante pale kami mboto nangelo katuvua. Ane nipindasi ntona kami, kami nerapi Alatala mombadekei belo ka tona haitu. Ane nipandasa ntona kami, kami bate-batena nosabara.

1 Korintus 9:14

Ivesia muni i Pue Yesus nompakatantu ala topanggeni Kareba Belo matuvu lako ri petulungi ntona anu nantarima Kareba Belo haitu.

1 Korintus 9:15

Tapi nau naria nturoku merapi ivesia, ledo sanggania niperapiku ratanggumiu. Bo ledo muni nitulisiku sura hitu ala komiu mompamula mombatanggu katuvuku! Nadamba raraku sabana dopa niperapiku nte komiu bo aginapa yaku mamate pade kadambaku haitu rapakalipo ntona!

1 Korintus 9:18

Jadi nuapa tamboku? Nadamba raraku nompatolele Kareba Belo ledo nerapi gaji bo ledo muni nerapi petulungi anu masipato kutarima lako ri pokarajaaku nompatolele Kareba Belo. Kadambaku haitumo nirekeku tamboku.

2 Korintus 11:7

Tempo yaku nompatolele Kareba Belo ka komiu, yaku ledo ntoto nerapi gaji lako nte komiu. Yaku nompakaede raraku nokarajaa ante paleku mboto nompaelo ala manggeni belo ka komiu pura-pura. Jadi, berimba nirasaimiu? Nasala poviaku ivesia?

2 Korintus 11:9

Bo tempo yaku nonturo nte komiu, ane naria paraluuku, ledo nipakasesaku komiu. Apa nuapa-nuapa niparaluuku haitu nipakagana nu sampesuvu-sampesuvu sampomparasaya nakava lako ri propinsi Makedonia. Yaku bate-batena nompasimbuku ala ledo mompakasesa komiu mompekirika katuvuku. Bo batena kupasimbuku ivesia, ledo kuperapi nte komiu.

2 Korintus 12:13

Ledo nipoposisalaku komiu ante todea topomparasaya ntanina. Aga sangaya ledo nipoviaku nte komiu, haitumo yaku ledo nekitanggu nte komiu. Nipekirimiu nasala yaku novia ivesia? Ledo ntoto!

1 Tesalonika 2:9

Sampesuvu-sampesuvu, natantu da nitoramiu pompasimbuku kami bo kasusa kami bara ipia. Eo bongi kami nompasimbuku nokarajaa nompaelo mboto ala komiu ledo masesa mompekirika katuvu kami tempo nompatolele Kareba Belo nu Alatala ka komiu.

1 Tesalonika 4:11

Pasimbukumo matuvu mosinggabelo nte tona ntanina, pasiayumo bagomiu mboto! Nee mombagalo bago ntona ntanina. Karajaamo pompaelomiu mboto nangoseaka anu niparenta kami ka komiu bara ipia.