Suro-Suro 18:28 - Kaili Ledo

²⁸ Nakuasa mpuu tesa i Apolos sampe nidagina pesanai ntoYahudi ri ngayo ntodea. Lako ri Buku Gasa nipakalantona ka ira i Yesusmo Magau Topompakasalama manusia anu nijanji nu Alatala.

Suro-Suro 18:28 ပူးပေါင်းရင်းမြစ်များ

Suro-Suro 18:5

Nakavapa i Silas bo i Timotius lako ri propinsi Makedonia, nikabasaka i Paulusmo pokarajaana novia tenda, bo eo-eo nipatolelena Kareba Belo lako nte Alatala ka toYahudi. Nipakalantona ka ira i Yesusmo Magau Topompakasalama manusia anu nijanji nu Alatala.

Suro-Suro 9:22

Tapi nasae-sae nantambai-mbai karoso i Saulus nompatuduki tona. Ia mpuu-mpuu natau nompakalanto ka ira, i Yesusmo Magau Topepakasalama anu nijanji nu Alatala, sampe toYahudi nonturo ri ngata Damsyik domo nipakulera nombabali tesana.

Lukas 24:44

Naupu haitu, niuliNamo ka ira, “Hitumo niuliKu ka komiu bara ipia tempo Yaku da naria nosanggani ante komiu. Pura-pura anu niboto nu nabi-nabi nggaulu nantesaki Yaku, kana rapakadupa. Haitumo, anu nitulisi ri Buku Atura Agama nitulisi Nabi Musa, Buku Nabi-nabi ntanina, bo Buku Mazmur.”

Suro-Suro 17:3

Lako ri Buku Gasa, nipopakitana ka ira bo nitenteina ka ira Magau Topepakasalama anu nijanji nu Alatala kana rapandasa bo rapatesi, bo matuvu mpanjili lako ri kamateNa. Niulina, “I Yesus nipatoleleku ka komiu, Iamo Magau Topepakasalama nijanji nu Alatala.”

Yohanes 5:39

Komiu natutu neguru isi Buku Gasa sabana niulimiu riara buku haitu rakavamiu katuvua mabelo sampe ri kasae-saena. Tano isi Buku Gasa haitumo anu nompakalanto isema Yaku.

Lukas 24:27

I Yesus nombatesa ka ira pura-pura anu nitulisi ri Buku Gasa, anu nombaboto karoNa mboto, nompamula lako ri buku-buku nitulisi Nabi Musa sampe ri buku-buku nabi ntanina.

Suro-Suro 18:25

Ia nipatuduki ntona sampe nisanina tesa i Pue Yesus. Jadi tempo ia nakava ri ngata Efesus, nitesana kareba i Yesus ante mpuu-mpuu rarana bo nambela mpuu tesana, nau dopa nisanina pura-pura pepatuduki i Yesus. Aga pombadiu i Yohanes Topediu nisanina.

Lukas 1:80

Ana i Zakharia haitu, kasae-sae kambaso-mbaso karona bo kanoto-noto rarana. Nambasopa, haumo ia nonturo ranggarava bai, nantongoraka gantana ia mompamula mompatolele tesa nu Alatala ka toYahudi.

Suro-Suro 8:35

Jadi, i Filipus nompasimbayu Kareba Belo i Yesus ka tona haitu nompamula lako ri tesa-tesa nibacana pangane.