Suro-Suro 18:23 - Kaili Ledo

²³ Bara sakuya kasaena ia nonturo ri Antiokhia, pade hau vaimo ia ri bagia Galatia bo Frigia ala mompakaroso pomparasaya ntopangoseaka i Yesus.

Suro-Suro 18:23 ပူးပေါင်းရင်းမြစ်များ

Lukas 1:3

Jadi naupu yaku nomparesa pura-pura kajadia haitu pakabelo-belo, nompamula lako ri pantepuuna, nipekiriku nabelopa ane yaku muni motulisi makana sunju ka komiu.

Lukas 22:32

Tapi niposambayaKukamo iko, Simon, ala pomparasayamu ledo moura. Jadi maupu iko rapesori bo muoseaka mpanjili Yaku, iko kana mompakaroso pomparasaya nu roamu.”

Lukas 22:43

[Pade nakavamo saito malaeka lako ri suruga mompakaroso raraNa.

Suro-Suro 14:22

Ri ngata-ngata haitu ira nompakaroso rara ntopangoseaka i Yesus bo nompopatora ira nee molengga-lengga momparasaya. Niulira, “Kita kana mombarasai kasusa bo kapari ruru pade mamala kita mombarasai kasana ri Poparenta nu Alatala.”

Suro-Suro 15:32

Naliu haitu, i Yudas bo i Silas nasae notesa nte topomparasaya ri Antiokhia ala mompakadidi rarara bo mompakaroso pomparasayara, apa ira randua nabi anu nompakule mompasimbayu tesa nidekei nu Alatala ka ira.

Suro-Suro 15:41

Ira nombalintiku pura-pura propinsi Siria bo Kilikia. Nipakarosora pomparasaya ntopangoseaka i Yesus hamai.

Suro-Suro 16:40

Jadi i Paulus bo i Silas nompalaisi tarunggu bo hau ri banua i Lidia. Ri sia ira nasiromu ante topangoseaka i Yesus bo nompakaroso rarara. Naupu haitu nalaimo ira lako ri ngata Filipi.

Suro-Suro 16:6

Nosa Gasa nu Alatala ledo nombadekei gi Paulus mompatolele tesa nu Alatala ri propinsi Asia. Jadi nipapolara polipara hau ri bagia Frigia bo Galatia.

Suro-Suro 19:1

Tempo i Apolos da naria ri ngata Korintus, i Paulus nompesayo ngata-ngata ri buluna ri bagia Galatia bo Frigia, sampe nakava ri ngata Efesus. Ri sia ia nosinggava ante bara sako-ndua topomparasaya i Yesus.

Suro-Suro 2:10

lako ri tana Frigia bo Pamfilia, lako ri tana Mesir bo lako ri tana Libia napara ngata Kirene. Naria muni lako ri ngata mbaso Roma.

1 Korintus 16:1

Kapolana, sampesuvu-sampesuvu, kutesa doi rapasiromumiu mombatulungi sampesuvuta sampomparasaya napakasi ri ngata Yerusalem. Kana rapoviamiu mpo niparentaku ka todea topomparasaya ri ngata Galatia.

Galatia 1:9

Tempo kami da naria nte komiu bara ipia, niuli kami mami ivesia, bo sii-sii kuuli vai sangganipa, ane maria tona mompatolele pepatuduki anu nosisala ante Kareba Belo nitarimamiumo, tona haitu rapopogaa lako nte Alatala sampe ri kasae-saena.

Galatia 4:14

Bo nau duaku haitu nompakasusa komiu, ledo ntoto narunggu raramiu bo ledo nipoaramiu yaku. Nitarimamiumo yaku, nitarimamiu mpo malaeka nu Alatala, atau mpo i Yesus Kristus mboto!

1 Tesalonika 3:2

bo i Timotius sampesuvuta sampomparasaya nitudu kami tuou nte komiu. I Timotius roa kami nokarajaa ka Alatala. Ia nantulungi kami nompatolele Kareba Belo anu notesaki i Kristus. Ia nitudu kami tou mompakadidi raramiu bo mompakaroso pomparasayamiu

1 Tesalonika 4:18

Sabana haitu, sampesuvu-sampesuvu, posipakavoemo raramiu ante pepatuduki hitu.

1 Tesalonika 5:14

Kami merapi nte mpuu-mpuu rara, onteakamo tona namau nokarajaa. Pakarosomo rara ntona naeka. Tulungimo tona anu paraluu ratulungi. Posabaramo nte tona pura-pura.