Suro-Suro 18:21 - Kaili Ledo

²¹ Ia nopalakana nte ira bo nanguli, “Ane rapodota nu Alatala, tumai vai yaku.” I Priskila ante i Akwila naboli ri Efesus tapi i Paulus nesavi kapala ntasi bo napola sampe ri ngata Kaisarea.

Suro-Suro 18:21 ပူးပေါင်းရင်းမြစ်များ

Matius 26:39

Naupu haitu, i Yesus napola haunapa sakide lako nte ira tatalu bo notungga sampe ri tana nosambaya. NiuliNa, “Tata, ane mamala, Kuperapi ala peparajea anu rapambela ka Yaku, nee rapambela ka Yaku. Tapi nee dotaKu majadi, damo aga dotaMiu majadi!”

Markus 6:46

Nogaapa nte todea, haumo Ia mosambaya ri bulu.

Lukas 9:61

Naria muni tona ntanina nanguli ka i Yesus, “Guru, yaku muni madota mangoseaka Komiu. Tapi pakaloga ntani ruru yaku hau mopalakana nte kami sambanua.”

Suro-Suro 15:29

Nee rakandemiu kandea nipesomba ka tupu-tupu ntanina. Nee rakandemiu raa, bo nee rakandemiu bau lako ri binata nikoje, haitumo anu ledo nisuvuraka raana. Bo nee mosampaturu ante tona ledo bereimiu mboto. Ane raoseakamiu atura-atura haitu, nabelomo. Sampe ri siimo ruru isi sura kami.”

Suro-Suro 18:19

Ri polipara haitu, ira nesai ri ngata Efesus. I Paulus nesua ri banua petupu bo nosinjula pekiri ante toYahudi ri sia.

Suro-Suro 18:20

Niperapira i Paulus masae sakide monturo ante ira, tapi ledo nadota ia.

Suro-Suro 18:24

Tempo haitu, naria saito toYahudi nosanga i Apolos. Ia lako ri ngata Aleksandria ri tana Mesir bo nakava ri ngata Efesus. I Apolos mai natau mpuu notesa, bo nisanina mpuu isi Buku Gasa.

Suro-Suro 19:1

Tempo i Apolos da naria ri ngata Korintus, i Paulus nompesayo ngata-ngata ri buluna ri bagia Galatia bo Frigia, sampe nakava ri ngata Efesus. Ri sia ia nosinggava ante bara sako-ndua topomparasaya i Yesus.

Suro-Suro 19:17

Pura-pura toYahudi bo tona ledo toYahudi, anu nonturo ri ngata Efesus nangepe kajadia haitu. Nokumaa puramo ira bo niulira i Pue Yesus nakuasa mpuu.

Suro-Suro 19:21

Naliutaka kajadia-kajadia haitu, i Paulus nonia hau ri propinsi Makedonia bo Akhaya, pade mapola hau ri ngata Yerusalem. Niulina ka roana, “Maupu yaku hau ri ngata Yerusalem, pade hau ri ngata Roma.”

Suro-Suro 20:16

Lako ri pamula polipa kami, i Paulus nompakatantu domo ia mesai ri ngata Efesus, ala nee masae gaga ri propinsi Asia. Apa nasara rarana hau mantuntuni eo mbaso Pentakosta ri ngata Yerusalem.

Suro-Suro 21:14

Ledo nadota i Paulus nangepe tesa kami. Jadi nenontomo kami nombatagi ia. Niuli kami, “Damo dota nTupu majadi.”

Suro-Suro 21:29

(Niulira ivesia, sabana nikitaramo i Trofimus, tona ledo toYahudi lako ri ngata Efesus. I Trofimus nomporoa i Paulus riara ngata. Nisarumakara i Paulus nanggeni ia nesua ri Banua nu Alatala, tano ledo.)

Roma 1:10

Kuperapi mpuu-mpuu nte Alatala, ane rapodotaNa, rapalogaNa yaku tou mosinggava nte komiu.

Roma 15:32

Kuperapi muni, ane rapodota nTupu, yaku mamala tou mesai nte komiu ante damba nu raraku, bo kita mamala mosipakavoe rarata.

1 Korintus 15:32

Yaku nosieva ante tona nadaa ri ngata Efesus anu nasimbayu mpo binata-binata nasoa. Nuapa gunana yaku matuvu mantingayo kasusa ivehaitu ane ledo ria panjarumakaku yaku rapakatuvu mpanjili? Ane tona namate ledo rapakatuvu mpanjili, agina kita matuvu mpo panguli ntona ivei: “Kamaimo kita mangande bo manginu bo madamba-damba eo hitu, sabana maile bara mamatemo kita, bo katuvuta maupumo.”

1 Korintus 16:7

Yaku ledo madota aga mesai sampalai nte komiu sii-sii. Ane rapodota nTupu, yaku madota masae sakide monturo nte komiu.

1 Korintus 16:8

Tapi hitupa yaku maroo ri ngata Efesus sampe Eo Mbaso Pentakosta,

1 Korintus 4:19

Tapi ane rapodota nTupu, masalisa yaku tou nte komiu. Bo ane makava yaku, kupeinta mboto nuapa rapovia ntona nalanga rarana haitu. Kupeinta ira bara mpuu-mpuu nakuasa atau aga notesa nggoo.

2 Korintus 13:11

Jadi sampesuvu-sampesuvuku, pakadambamo raramiu. Pasimbukumo mompakabelo pokainggumiu mpanjili. Tarimamo pepatudukiku hitu! Komiu kana matuvu mosangu pekiri bo mosangu rara, bo mosinggabelo. Bo Alatala, puna pepotove bo katinonto, mosanggani-nggani ante komiu.

Efesus 1:1

Sampesuvu-sampesuvu anu najadi todea nu Alatala bo naroo nomparasaya i Yesus Kristus ri ngata Efesus: Sura hitu lako nte yaku i Paulus, anu nianggataka najadi suro i Yesus Kristus nangoseaka dota nu Alatala.

Ibrani 6:3

Kamaimo, kita meguru pepatuduki kapolana. Bo ane i Pue mompaloga, haitumo rapoviata!

Yakobus 4:15

Aginapa komiu manguli ivei: “Ane rapodota nTupu, kami matuvu bo movia anu hitu, bara anu haitu.”

1 Petrus 3:17

Aginapa kita mombarasai kasusa sabana pokaingguta nabelo, ane ivesia mami dota nu Alatala, pade mombarasai kasusa sabana pokaingguta nadaa.

Pompakita 1:11

Suara haitu nanguli ivei: “Tulisimo anu mukita bo pakatu ka todea topomparasaya nonturo ri pitu ngata, haitumo ngata-ngata Efesus, Smirna, Pergamus, Tiatira, Sardis, Filadelfia bo Laodikia.”

Pompakita 2:1

Bo Ana nu Manusia nombatudu yaku motulisi ka malaeka anu nanggeniaka todea topomparasaya ri ngata Efesus ivei: “Hitumo tesa lako nte Yaku anu nantipale pitu-angu betue ri pale ngganaKu bo nolipa ri olo pitu-nggada poindo bulava.