Suro-Suro 18:17 - Kaili Ledo

¹⁷ Nesuvupa ira, nisakaramo pakeni ri banua petupu ntoYahudi anu nosanga i Sostenes, bo nibobara ia ri ngayo banua potangara. Tapi Gubernur Galio ledo ntoto nipeilina.

Suro-Suro 18:17 ပူးပေါင်းရင်းမြစ်များ

Matius 27:19

I Pilatus da nonturo ri Ponturo Potangara haitu, nakavamo saito tona nanggeni petevai nu berei i Pilatus, nanguli ivei: “Nee ratangara parakara ntona ledo nasala haitu! Iamo sampe pangipiku nadaa ibongi.”

Markus 5:22

Da ri tinggi rano Ia, nakavamo saito pakeni ri banua petupu ntoYahudi nosanga i Yairus. Tempo nikitana i Yesus, nantaputumo ia ri kadaNa

Suro-Suro 17:32

Tempo todea nangepe tesa tomate natuvu mpanjili lako ri kamatena, naria sanu ira nompongirika i Paulus, sabana ledo niparasayara tomate mamala matuvu mpanjili. Tapi naria muni sanu nanguli, “Kami da madota mangepe hanupa tesamu tutu!”

Suro-Suro 18:8

Pakeni ri banua petupu haitu nosanga i Krispus. Ira sambanua nomparasaya i Yesus muni. Nadea toKorintus ntanina nangepe kareba nikeni i Paulus, bo nomparasaya i Yesus bo nidiu, tandana ira topangoseaka i Yesus.

1 Korintus 1:1

Sampesuvu-sampesuvu, todea nu Alatala ri ngata Korintus: Komiu nipelisi nu Alatala majadi todeaNa mboto sabana komiu nosangu rara ante i Yesus Kristus. Komiu nipokio majadi todea nu Alatala mosanggani-nggani ante pura-pura tona ri umba-umba dunia anu nekakai nte i Yesus Kristus, Tupura bo Tuputa muni. Sura hitu lako nte kami, i Paulus bo sampesuvuta sampomparasaya i Sostenes. Yaku nipelisi nu Alatala majadi suro i Yesus Kristus nangoseaka dota nu Alatala mboto.

1 Korintus 1:23

Tapi kami aga nompatolele Kareba kamate i Kristus ri kayu salib. KamateNa haitu nompakadua rara ntoYahudi, bo nireke ntoYunani aga tesa ledo ria gunana.