Suro-Suro 18:15 - Kaili Ledo

¹⁵ Tapi haitu aga posisala panggava ka tesa-tesa bo sanga-sanga bo atura-atura agamamiu mboto! Kana rapasiayumiu mboto. Yaku hii ledo mombatangara parakara ivehitu!”

Suro-Suro 18:15 ပူးပေါင်းရင်းမြစ်များ

Matius 27:24

Kaupuna nalantomo ka i Pilatus ledo ria gunana mompapola motesa ka ira, sabana ira aga nantambai nongare-ngare, sakidepa majadi kagado. Jadi nialana uve, nitoposina palena ri ngayo ntodea, bo niulina ka ira, “Yaku ledo manjimbuaka sala lako ri kamate ntona nanoa hitu. Komiumo manjimbuakana.”

Matius 27:4

Niulikana ira, “Nadosamo yaku! Yaku nompobalu tona ledo nasala bo Ia nihuku mate!” Nesana ira, “Haitu ledo urusa kami! Urusamu mboto!”

Yohanes 18:31

Nanguli i Pilatus ka ira, “Alamiumo Ia, bo ratangaramiu mbotomo salaNa nangoseaka atura-atura agamamiu!” Tapi nesana pakeni ntoYahudi haitu, “Ledo ria kuasa kami mombahuku mate tona.”

Suro-Suro 18:13

Nipangadura ia ivei: “Tona hitu nanggeni todea metupu nte Alatala ante pepatuduki nosisala ante Atura-atura nidekei Nabi Musa ka kami!”

Suro-Suro 23:29

Ri sia, niepeku pangaduara aga nosinggambela ante atura-atura agamara mboto. Ledo ria salana anu masipato ratarunggu atau rahuku mate ka ia.

Suro-Suro 25:11

Ane rapana mpuu-mpuu niliunakaku atura-atura bara nipoviaku anu masipato rahuku mate ka yaku, nasadiamo yaku mamate! Tapi pangaduara hitu ledo nakana, jadi ledo naria saitoa mamala mombadekei yaku ka ira. Yaku mekitangara ri ngayo Magau Mbaso!”

Suro-Suro 25:19

Ira aga nosisala panggava ka agamara mboto, bo muni ka saito tona nosanga i Yesus. Tona haitu namatemo, tapi i Paulus nanguli Ia natuvu mpanjili.

Suro-Suro 26:3

Nelabipa vai, Pua, sabana komiu mpuu-mpuu nangisani pura-pura ada bo pepatuduki nipoposisala kami toYahudi. Sabana haitu, yaku merapi mpuu-mpuu nte komiu, mosabara mangepe tesaku hitu.

1 Timotius 1:4

Ulika ira, tumo mompekirika tutura-tutura anu ledo nakana bo sunju-sunju muli ntotua nggaulu anu ledo ria kaupu-upuna. Pura-pura haitu aga nanggeni tona mosinjanai, bo ledo nanggeni tona mangoseaka nia nu Alatala mompakasalama manusia sabana pomparasayara Ia.

1 Timotius 6:4

Tona haitu nalanga rarana. Ia netitau tapi ledo nisanina nuapa-nuapa. Ia aga nagila nangelo saba bo nosinjanai ka batua nu tesa. Pepatudukira haitu aga nanggeni tona nasiriati, nosinggarau, nosiuli-uli, nosirai,

2 Timotius 2:23

Nee mupesua potesa ntodoyo anu ledo nisanira pepatuduki nakana. Nisanimu mboto tesa ivehaitu aga mompopeumba posinjanai.

Titus 3:9

Tapi naria muni tona aga nosibali-balika anu ledo ria gunana, bo notesaki sunju muli nu muli ntotua nggaulu anu nikarara mboto. Ira aga nosinjanai bo nosinggarau ka atura-atura agama. Petalilikamo potesa-tesa ivehaitu, apa ledo ntoto naria gunana bo ledo nanggeni belo.