Suro-Suro 18:14 - Kaili Ledo

¹⁴ I Paulus madota mesana, tapi Gubernur Galio kaliu-liu nanguli, “He, komiu toYahudi! Ane rapana nipangadukamiu tona nombaliunaka atura pomarenta, bara tona novia anu nadaa, masipato yaku mosabara mangepe pangaduamiu haitu.

Suro-Suro 18:14 ပူးပေါင်းရင်းမြစ်များ

Matius 5:2

Pade nompamulamo Ia nompatuduki ira ivei:

Markus 9:19

Jadi nanguli i Yesus ka ira, <>

Suro-Suro 13:10

bo niulikana, “He, topebagiu nggaraka, ana nu Magau Seta! Ikomo nangeva pura-pura anu nabelo! Nakuya iko ledo nenonto nombatenggosi tesa nu Alatala nanoa?

Suro-Suro 13:18

Patapulu-mpae kasaena Alatala nosabara nte pokainggura ri karava bai.

Suro-Suro 21:39

Nesanamo i Paulus, “Ledo. Yaku hii toYahudi, lako ri Tarsus ngata mbaso ri propinsi Kilikia. Kuperapi, dekei kaku loga motesa ka todea hitu.”

Suro-Suro 25:11

Ane rapana mpuu-mpuu niliunakaku atura-atura bara nipoviaku anu masipato rahuku mate ka yaku, nasadiamo yaku mamate! Tapi pangaduara hitu ledo nakana, jadi ledo naria saitoa mamala mombadekei yaku ka ira. Yaku mekitangara ri ngayo Magau Mbaso!”

Suro-Suro 25:26

Aga dopa nisaniku nuapa kutulisi ka Magau Mbaso, apa dopa ria katantuna kasalana. Haitumo sabana yaku nompopositingayo ia nte komiu pura-pura, nelabipa komiu, Magau Agripa nibilaku. Patujuku, ane maupu ia raparesata ri sii, kana mariamo anu mamala kutulisi ka Magau Mbaso.

Roma 13:3

Apa tona nokainggu nabelo ledo paraluu maeka ka pomarenta. Aga tona nokainggu nadaa masipato maeka ka pomarenta. Jadi ane ledo madota kita matuvu maeka nte pomarenta, kita kana movia anu nabelo, bo kita ratoiya ntopeparenta.

2 Korintus 11:1

Sampesuvu-sampesuvu, kuperapi komiu mosabara ruru mangepe yaku motesa mpo todoyo. Komiu nosabara mami nte yaku.

2 Korintus 11:4

Nitesa kamimo i Yesus ka komiu bara ipia, bo nitarimamiumo Nosa Gasa bo niparasayamiumo Kareba Belo. Tapi hitupa nikitaku komiu nadamba nantarima tona ntanina anu nombatesa Yesus ntanina. Bo nasadia muni komiu nantarima kuasa ntanina bo nomparasaya kareba ntanina.

Ibrani 5:2

Pakeni-pakeni nTopanggeni Pesomba aga manusia muni bo nadea kalentera. Haitumo sabana nalusu rarara nantulungi tona nadoyo bo nasalandala.