Suro-Suro 18:10 - Kaili Ledo

¹⁰ sabana Yaku nomporoa komiu. Nee maeka, ledo ria saitoa tona mamala movia anu nadaa ka komiu, apa ri ngata hitu nadea todeaKu.”

Suro-Suro 18:10 ပူးပေါင်းရင်းမြစ်များ

Matius 1:23

“Saito randaa matiana bo mompoanaka saito ngana langgai. Bo ngana haitu rapoposanga i Imanuel.” Yesaya 7:14 (Imanuel riara basa Ibrani batuana: “Alatala mosanggani ante kita.”)

Matius 10:30

Tapi komiu nelabipa noali ri panggita nu Alatala. Nau buluamiu nirekeNa bo nisaniNa puramo.

Matius 28:20

Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”

Lukas 21:18

Tapi naupa ivesia, ledo makuya-kuya komiu, nau sambesa buluamiu ledo ria malipo.

Yohanes 10:16

Da nariapa bimba-bimbaKu ntanina anu dopa nesua riara gimpu hitu. Ira muni kana Kukeni tumai. Ira mombatalingai suaraKu bo pura-pura bimbaKu majadi salunu rapoevu ntona saito.

Yohanes 11:52

Bo ledo aga toYahudi, tapi nibotusina muni i Yesus mamate ka pura-pura ana-ana nu Alatala ntanina ri umba-umba ri dunia, ala ira rapasiromu majadi sangu.

Suro-Suro 15:14

I Simon Petrus dako notentei ka kita tove nu Alatala ka tona ledo toYahudi. Lako ri pamulana, Alatala nompekirika ira. PatujuNa, rapelisiNa lako nte ira tona majadi todeaNa.

Suro-Suro 15:18

anu nompopaisani patujuNa lako nggauluname.” Amos 9:11-12

Suro-Suro 18:11

Sabana haitu, i Paulus nonturo ri ngata Korintus sampae santanga kasaena bo nompatuduki Tesa nu Alatala ka tona ri sia.

Suro-Suro 18:9

Naria sambongi, Tupu neonga nte i Paulus riara pangipina, bo nanguli “Nee maeka ka tona! Nee menonto mompatolele TesaKu,

Roma 8:31

Jadi sampesuvu-sampesuvu. Ane rapekirita pura-pura anu nipovia nu Alatala ka kita, maroso rarata. Apa ane Alatala mosabingga ka kita, isema mompakule mangeva kita?

2 Korintus 12:9

Tapi niuliNa ka yaku, “Nemo. Nipotoveku iko, bo haitu naganamo ka iko. Apa ane nalente iko, kuasaKu malanto mpuumo riara nggatuvumu.” Jadi, haitumo sampe yaku nadamba nangoe anu nompopakita kalenteku, apa ane yaku nalente, kuasa i Kristus nokarajaa riara ntaiku.

2 Timotius 4:17

Tapi i Pue Yesus nantulungi yaku, bo Ia nompakaroso yaku sampe nipakuleku nompatolele pura-pura Kareba Belo ka pura-pura tona anu ledo toYahudi ri sii. Kaupuna yaku nikabasaka lako ri kuasa ntona madota mompatesi yaku.

2 Timotius 4:22

Kuperapi i Pue Yesus momporoa iko, Timotius. Kuperapi Ia bate-batena mabelo nte komiu pura-pura. Tabe lako nte yaku, Paulus