Suro-Suro 17:7 - Kaili Ledo

⁷ I Yason hitu nantarima ira ri banuana. Pura-pura ira topomparasaya nombaliunaka atura-atura nipakatantu Magau Mbaso Roma, apa niulira da nariapa magau ntanina nosanga i Yesus.”

Suro-Suro 17:7 ပူးပေါင်းရင်းမြစ်များ

Lukas 10:38

Naupu haitu i Yesus ante anaguruNa nompapola polipara, nesai ri sangu ngata. Ri sia naria saito mombine nosanga i Marta nogaga i Yesus hau ri banuana.

Lukas 23:2

Ri sia ira nombarai Ia. Niulikara i Pilatus, “Tona hitu nikava kami nompatuduki tona mangeva pomarenta. NitagiNa tona mombayari balasitee ka Magau Mbaso Kaisar, bo niuliNa Iamo i Kristus, saito Magau.”

Yohanes 19:12

Nangepe tesa i Yesus, nipasimbuku i Pilatusmo mombakabasaka i Yesus. Tapi nongare vaimo toYahudi, “Isema-sema nompangaku karona magau, iamo bali nu Magau Mbaso Kaisar! Jadi ane komiu mombakabasaka tona tutu, komiu muni bali nu Magau Mbaso Kaisar!”

Suro-Suro 16:21

Nipatudukira tona movia anu nitagi nu atura-atura ri ngatata hitu! Ledo mamala kita todea Magau Mbaso mantarima atau mangoseaka ada nipatudukira!”

Suro-Suro 17:5

Tapi toYahudi anu ledo nomparasaya i Yesus, nasiriati nanggita i Paulus bo i Silas, sabana nadea mpuu tona nomparasaya tesa i Paulus. Jadi nipasiromura tona aga notondodo-ndodo ri potomu, anu ledo naria pokarajaana. Nadeapa ira nasiromu, hau nipakagadoramo ngata haitu. Nakava ri banua i Yason anu niponturo i Paulus bo i Silas, nisuakira banua haitu rapangala i Paulus bo i Silas. Patujura ala gi Paulus mesuvu mantingayo todea.

Suro-Suro 17:8

Nangepe tesara haitu, todea bo topoparenta ngata, nagado.

Yakobus 2:25

Ivesia muni tesa i Rahab, bajinga lako ri ngata Yerikho nggaulu. Ia nireke nanoa ri panggita nu Alatala sabana pokaingguna. I Rahab nantarima mata-mata ntoYahudi riara banuana bo nitulungina ira nalai lako ri ngata haitu moliu ri dala ntanina.

1 Petrus 2:15

Alatala nompokono komiu mokainggu nabelo ala tona nadoyo anu ledo nisanina nuapa-nuapa domo mabia manjalai komiu, apa malantomo pesalaira haitu ledo nakana.