Suro-Suro 17:5 - Kaili Ledo

⁵ Tapi toYahudi anu ledo nomparasaya i Yesus, nasiriati nanggita i Paulus bo i Silas, sabana nadea mpuu tona nomparasaya tesa i Paulus. Jadi nipasiromura tona aga notondodo-ndodo ri potomu, anu ledo naria pokarajaana. Nadeapa ira nasiromu, hau nipakagadoramo ngata haitu. Nakava ri banua i Yason anu niponturo i Paulus bo i Silas, nisuakira banua haitu rapangala i Paulus bo i Silas. Patujura ala gi Paulus mesuvu mantingayo todea.

Suro-Suro 17:5 ပူးပေါင်းရင်းမြစ်များ

Matius 27:18

I Pilatus nanguli ivesia apa nisaninamo pakeni ntoYahudi nombadekei i Yesus ka ia sabana nasiriati.

Suro-Suro 13:45

Nanggita todea haitu, nasiriati mpuumo rara nu pakeni ntoYahudi. Nisalaira i Paulus, bo nievara pura-pura anu niulina.

Suro-Suro 14:19

Naupu haitu, bara sako-ndua toYahudi lako ri ngata Antiokhia ri propinsi Pisidia bo muni lako ri ngata Ikonium nakava ri ngata Listra. ToYahudi haitu nantanara todea ri ngata Listra ala ira muni mangeva i Paulus sampe ira nombarempe i Paulus ante vatu bo niumbunjaira hau ri savaliku ngata. Niulira namatemo ia.

Suro-Suro 14:2

Tapi toYahudi anu ledo nadota nomparasaya, aga nompakapane rara ntona ntanina ledo toYahudi sampe navuu matara nanggita topangoseaka i Yesus.

Suro-Suro 17:13

ToYahudi ri ngata Tesalonika nangepe i Paulus naria ri ngata Berea nompatolele Tesa nu Alatala. Jadi hau muni ira ri ngata Berea bo nipoviara kagado bo nipakapanera rara ntodea.

Suro-Suro 17:6

Tapi ledo nikavara i Paulus bo i Silas ri sia. Jadi niumbunjairamo i Yason bo bara sako-ndua topomparasaya ntanina ri sia hau ri ngayo ntopoparenta-topoparenta ngata bo nongare, “I Paulus bo i Silas haitu nompakagado tona ri umba-umba dunia! Sii-sii ira nakava nompakagado ngatata hitu muni!

Suro-Suro 17:7

I Yason hitu nantarima ira ri banuana. Pura-pura ira topomparasaya nombaliunaka atura-atura nipakatantu Magau Mbaso Roma, apa niulira da nariapa magau ntanina nosanga i Yesus.”

Suro-Suro 17:9

Kaupuna i Yason nte roa-roana topomparasaya haitu nipopovaya pade nikabasakaramo.

Suro-Suro 18:12

Tempo i Galio najadi gubernur ri propinsi Akhaya, toYahudi ri ngata Korintus nasintuvu nangeva i Paulus. Ia nisakara bo nikenira ratangara ri ngayo Gubernur Galio

Suro-Suro 19:40

Apa anu najadi eo hitu mamala mompakadaa kita pura-pura! Pomarenta Magau Mbaso mamala mombarai kita topeeva, sabana ledo ria nuapa-nuapa mamala raulita mompakakana kagado hitu!”

Suro-Suro 7:9

Totua-totuata, nasiriati nanggita tueira i Yusuf, sampe ia nipobalura ka toMesir. Ia nipajadi batua, tapi Alatala nombatulungi ia,

Roma 16:21

I Timotius, roaku sampokarajaa nompakavote tabe ka komiu. Ivesia muni i Lukius, i Yason bo i Sosipater, roa-roaku toYahudi.

1 Korintus 3:3

apa komiu da nangoseaka dota raramiu nadaa. Komiu da nasiriati bo nosipobali. Pokainggu ivehaitu nompopakita komiu da nangoseaka dota raramiu nadaa nasimbayu mpo tona ledo nosisani ante Alatala.

2 Korintus 11:26

Nadea ngganimo nirasaiku kasusa riara mpolipaku. Naria uve lono. Naria muni topeago. Yaku nipandasa ntoYahudi bo muni tona ledo toYahudi. Yaku nombarasai susa riara ngata bo ri kataolosana bo rara ntasi. Bo yaku nombarasai susa lako nte tona nanguli ira sampesuvu sampomparasaya, tano mai ledo.

Galatia 5:21

Nario matara nte mbara-mbara ntona, ira nanginu sampe nalangu bo nasiromu nangande bo nanginu sampe nabasa, bo nadea muni pokainggu ntanina ivehaitu. Jadi evamo niuliku ka komiu bara ipia, kupopatora ka komiu sangganipa: tona nokainggu ivegahaitu ledo ntoto manggava bagia ri Poparenta nu Alatala.

Galatia 5:26

Nee kita mompakalanga rarata, nee mosipodua rara bo nee masiriati.

1 Tesalonika 1:6

Bo tempo komiu nangepe Kareba Belo, nipasialamiu pokainggu kami bo pokainggu i Pue Yesus muni. Nau nipakasusa mpuu komiu, komiu nadamba nantarima Kareba Belo apa Nosa Gasa nu Alatala nompakadamba raramiu.

Yakobus 4:5

Nee rapekirimiu anu niuli ri Buku Gasa ledo nakana. Niuli ivei: Alatala nompajadi rara ntaita tapi rara ntaita haitu nadea mpuu nipoinona.