Suro-Suro 17:3 - Kaili Ledo

³ Lako ri Buku Gasa, nipopakitana ka ira bo nitenteina ka ira Magau Topepakasalama anu nijanji nu Alatala kana rapandasa bo rapatesi, bo matuvu mpanjili lako ri kamateNa. Niulina, “I Yesus nipatoleleku ka komiu, Iamo Magau Topepakasalama nijanji nu Alatala.”

Suro-Suro 17:3 ပူးပေါင်းရင်းမြစ်များ

Lukas 24:32

Pade nosiulikamo ira, “Siamo sampe nasana rarata tempo Ia notesa ka kita ri dala pangane bo nombatentei isi Buku Gasa ka kita!”

Lukas 24:44

Naupu haitu, niuliNamo ka ira, “Hitumo niuliKu ka komiu bara ipia tempo Yaku da naria nosanggani ante komiu. Pura-pura anu niboto nu nabi-nabi nggaulu nantesaki Yaku, kana rapakadupa. Haitumo, anu nitulisi ri Buku Atura Agama nitulisi Nabi Musa, Buku Nabi-nabi ntanina, bo Buku Mazmur.”

Lukas 24:46

NiuliNa ka ira, “Riara Buku Gasa nitulisi, Magau Topepakasalama kana rapandasa bo rapatesi bo eo katataluna matuvu mpanjili lako ri kamateNa.

Yohanes 20:9

Sampe eo haitu dopa muni nisanira patuju ntesa nitulisi riara Buku Gasa nggaulu anu nanguli i Yesus kana matuvu mpanjili lako ri kamateNa.

Suro-Suro 1:4

Naria saeo i Yesus nasiromu nte ira, niulikaNa ira, “Neepa ruru malai lako ri ngata Yerusalem. Popeamo sampe TuamaKu Alatala mompopanau Nosa Gasa nipejanjikaNa, evamo niuliKu muni ka komiu bara ipia.

Suro-Suro 18:28

Nakuasa mpuu tesa i Apolos sampe nidagina pesanai ntoYahudi ri ngayo ntodea. Lako ri Buku Gasa nipakalantona ka ira i Yesusmo Magau Topompakasalama manusia anu nijanji nu Alatala.

Suro-Suro 18:5

Nakavapa i Silas bo i Timotius lako ri propinsi Makedonia, nikabasaka i Paulusmo pokarajaana novia tenda, bo eo-eo nipatolelena Kareba Belo lako nte Alatala ka toYahudi. Nipakalantona ka ira i Yesusmo Magau Topompakasalama manusia anu nijanji nu Alatala.

Suro-Suro 3:18

Nabi-nabi nggaulu anu niposumba nu Alatala nanguli Magau Topepakasalama kana mombarasai susa bo pari. Anu nipoviamiu hitu nompakadupa anu niuli nu Alatala ka nabi-nabiNa.

Suro-Suro 9:22

Tapi nasae-sae nantambai-mbai karoso i Saulus nompatuduki tona. Ia mpuu-mpuu natau nompakalanto ka ira, i Yesusmo Magau Topepakasalama anu nijanji nu Alatala, sampe toYahudi nonturo ri ngata Damsyik domo nipakulera nombabali tesana.

Galatia 3:1

Nadoyo mpuu komiu toGalatia! Isema nanjalipuyo komiu sampe komiu domo nadota nangoseaka pepatuduki nakana? Nipakalantoku mpuu nanguli ka komiu bara ipia patuju kamate i Yesus Kristus ri kayu salib.