Suro-Suro 17:18 - Kaili Ledo

¹⁸ Nosinjula tesa muni ia nte guru-guru anu nangoseaka pepatuduki i Epikuros bo guru-guru nangoseaka pepatuduki anu niuli Stoa. Bara sako-ndua guru-guru haitu nosisanai ante i Paulus. Naupu sia, naria sanu nanguli, “Nuapa nisani ntona moitu? Pangisanina aga sakide, tapi tesana nadea!” Bo naria tona ntanina nanguli, “Ia bara madota mompopaisani viata-viata nisomba ntosangatana ka kita!” Niulikara ivesia apa i Paulus notesa i Yesus, bo nitesana muni tona natuvu mpanjili lako ri kamatena.

Suro-Suro 17:18 ပူးပေါင်းရင်းမြစ်များ

Markus 9:14

Tempo i Yesus, ante i Petrus, i Yakobus bo i Yohanes nanjili hau mosinggava nte anaguruNa ntanina, nikitara nadea tona nantagui anaguruNa. Bo naria bara sako-ndua guru agama nosinjanai ante ira.

Lukas 11:53

Naupu notesa ivesia nalaimo i Yesus. Nompamula lako ri tempo haitu, nadua mpuu rara nu guru-guru agama bo toFarisi nte Ia. Nipasimbukura mangopa tesa i Yesus ala ratesaNa mpengaya-ngaya,

Suro-Suro 26:23

haitumo, Magau Topepakasalama anu nijanji nu Alatala, kana mombarasai susa bo mamate. Ia kana majadi tona paratama anu namate bo natuvu mpanjili ala rakeniNa reme ka pura-pura manusia, ka toYahudi bo tona ledo toYahudi, ala rasanira berimbana Alatala mompakasalama manusia.”

Suro-Suro 4:2

ToSaduki ledo nomparasaya tomate matuvu mpanjili. Jadi narau mpuu ira nangepe i Petrus bo Yohanes nompatuduki ka todea i Yesus natuvu mpanjili lako ri kamateNa. Sabana, pepatudukira haitu nompakalanto tomate matuvu mpanjili.

Suro-Suro 5:42

Bo eo-eo ri Banua nu Alatala bo muni ri banua-banua ntona, ira nompatolele Kareba Belo bo nompatuduki ka tona i Yesusmo Magau Topepakasalama anu nijanji nu Alatala.

Suro-Suro 6:9

Tapi naria muni tona nangeva ia. Ira haitu toYahudi anu nosambaya ri banua petupu niuli Banua Petupu nu Batua-Batua Nikabasaka. Ira toYahudi ntanina lako ri ngata Kirene bo ngata Aleksandria. Ira bo toYahudi lako ri propinsi Kilikia bo lako ri propinsi Asia nangeva bo nosisanai nte i Stefanus.

Roma 1:22

Pangulira iramo tonoto pekiri, tano aga todoyo!

1 Korintus 3:18

Nee mombabagiu karomiu mboto! Ane maria nte komiu tona nompekiri karona mboto napande ri panggita nu manusia, agina ia majadi madoyo ri panggita nu manusia ala ia mpuu-mpuu majadi mapande.

1 Korintus 4:10

Kami nireke ntona todoyo sabana kami nangoseaka i Kristus. Tapi nangoseaka pekirimiu, komiumo topomparasaya nanoto! Kami nireke ntona nalente tapi nangoseaka pekirimiu, komiumo naroso! Kami nisalai ntona tapi komiu nitoiya ntona!

Kolose 2:8

Komiu kana mainga, nee sampe komiu rabagiu ntona ante pepatuduki ledo nakana bo ledo ntoto noguna. Apa pepatuduki haitu aga nangoseaka pekiri nu manusia, bo nopuna lako ri malaeka-malaeka nadaa anu nombakuasai dunia. Pepatuduki haitu ledo nopuna lako nte i Kristus.