Suro-Suro 17:15 - Kaili Ledo

¹⁵ Tona nanggeni i Paulus, nomporoa ia sampe nakava ri ngata Atena. Naupu sia nanjilimo ira hau ri ngata Berea, nanggeni petevai i Paulus ka i Silas bo i Timotius ala ira masalisa mombatuntuni ia hau ri ngata Atena.

Suro-Suro 17:15 ပူးပေါင်းရင်းမြစ်များ

Suro-Suro 15:3

Todea topomparasaya ri ngata Antiokhia nanggeni gi Paulus sampe nakava ri savaliku ngata. Lako ri ngata haitu ira noliu ri propinsi Fenisia bo bagia Samaria. Bo nitesara munimo ka topomparasaya ri sia nadea tona ledo toYahudi nombakabasaka pomparasayara nggaulu ala mangoseaka Alatala. Kareba haitu mpuu-mpuu nompakadamba rara ntopomparasaya ri sia.

Suro-Suro 17:14

Jadi topomparasaya ri ngata Berea nasalisa nanggeni i Paulus nesuvu lako ri ngata Berea hau ri bivi ntalinti. Tapi i Silas bo i Timotius da naboli ri ngata Berea.

Suro-Suro 17:16

I Paulus da nompopea i Silas bo i Timotius ri ngata Atena, nasusa mpuu rarana nanggita kadea nu pinoito-pinoito nisomba ntoAtena.

Suro-Suro 17:21

(Niulira ivesia apa pura-pura toAtena bo tosangatana anu nonturo ri Atena, nadamba mpuu nonturo-nturo nangepe bo nombajaritai tesa nabaru sampe nabiasa ledo ria tempona nombatui anu santanina.)

Suro-Suro 17:22

Jadi i Paulus neangga ri ngayo ntopolibu ri Bulu Areopagus haitu bo nanguli, “Heh komiu toAtena! Nikitaku riara mpengaya-ngaya pokainggumiu, komiu mpuu-mpuu noagama.

Suro-Suro 18:1

Naupu haitu i Paulus nompalaisi ngata Atena bo hau ri ngata Korintus.

Suro-Suro 18:5

Nakavapa i Silas bo i Timotius lako ri propinsi Makedonia, nikabasaka i Paulusmo pokarajaana novia tenda, bo eo-eo nipatolelena Kareba Belo lako nte Alatala ka toYahudi. Nipakalantona ka ira i Yesusmo Magau Topompakasalama manusia anu nijanji nu Alatala.

1 Tesalonika 3:1

Kaupuna domo nipakule kami nantaamaka kalentora rara kami. Jadi nipekiri kami agina kami bo i Silas maboli ri ngata Atena

Titus 3:12

Ane makava i Artemas bara i Tikhikus anu kutudu tou nte iko ri situ ri Kreta ngena, pasimbukumo mosinggava nte yaku ri ngata Nikopolis, apa niaku monturo ri ngata Nikopolis sampe maupu tempo ranindi.