Suro-Suro 17:11 - Kaili Ledo

¹¹ Tona ri ngata Berea nabelo rarara, ledo mpo tona ri ngata Tesalonika. Nadamba rarara nangepe kareba i Yesus bo eo-eo niparesara Buku Gasa ala rasanira bara makana tesa i Paulus bara ledo.

Suro-Suro 17:11 ပူးပေါင်းရင်းမြစ်များ

Matius 13:23

Tapi savua nanavu ri tana naboya nirapaka tona nangepe Tesa nu Alatala bo nipariarara sampe naria mpuu-mpuu asele riara nggatuvura. Naria sanu aselena saatu-nggani kadeana, naria onopulu-nggani kadeana bo naria talupulu-nggani kadeana.”

Lukas 1:2

Nitulisira nangoseaka tesa nipatolele ka kita, haitumo tesa ntona nanggita kajadia haitu ante matara mboto lako ri pamulana.

Lukas 11:3

Dekei ka kami kandea niparaluu kami eo-eo.

Lukas 16:29

Nesana i Abraham, ‘Nariamo Buku Atura Agama nitulisi Nabi Musa bo Buku nu Nabi-nabi nte ira. Dekeikamo ira mangoseaka anu nitulisi riara buku-buku haitu!’

Lukas 24:44

Naupu haitu, niuliNamo ka ira, “Hitumo niuliKu ka komiu bara ipia tempo Yaku da naria nosanggani ante komiu. Pura-pura anu niboto nu nabi-nabi nggaulu nantesaki Yaku, kana rapakadupa. Haitumo, anu nitulisi ri Buku Atura Agama nitulisi Nabi Musa, Buku Nabi-nabi ntanina, bo Buku Mazmur.”

Yohanes 3:21

Tapi isema-sema nangoseaka Alatala anu nakana, ia manggaparai reme haitu ala pokaingguna malanto rakita nangoseaka dota nu Alatala.”

Yohanes 5:39

Komiu natutu neguru isi Buku Gasa sabana niulimiu riara buku haitu rakavamiu katuvua mabelo sampe ri kasae-saena. Tano isi Buku Gasa haitumo anu nompakalanto isema Yaku.

Suro-Suro 10:33

Haitumo sampe nitudukumo nasalisa tona hau mangulika komiu tumai. Nabelo mpuu raramiu nakava tumai. Hitupa kami nasiromu puramo ri panggita nu Alatala, ala raepe kami pura-pura anu niuliNa ratesamiu ka kami.”

Suro-Suro 11:1

Suro-suro i Pue Yesus bo topomparasaya ri njumangu bagia Yudea, nangepe tona ledo noagama Yahudi nomparasaya tesa nu Alatala munimo.

Suro-Suro 17:1

I Paulus bo i Silas nompapola polipara noliu ri ngata Amfipolis bo ngata Apolonia sampe nakava ri ngata Tesalonika. Ri sia naria banua petupu ntoYahudi.

Suro-Suro 2:41

Naupu nangepe tesa i Petrus, nantambaimo kadea ntona nomparasaya i Yesus, bo ira nidiu, tandana ira topangoseaka Ia. Bo ri eo haitu tona nomparasaya i Yesus natetambai talu-njobu kadeana.

1 Tesalonika 1:6

Bo tempo komiu nangepe Kareba Belo, nipasialamiu pokainggu kami bo pokainggu i Pue Yesus muni. Nau nipakasusa mpuu komiu, komiu nadamba nantarima Kareba Belo apa Nosa Gasa nu Alatala nompakadamba raramiu.

1 Tesalonika 2:13

Naria sangayapa ntanina sampe kami nasaro notarima kasi nte Alatala. Sabana, tempo komiu nantarima Tesa nu Alatala nipatolele kami ka komiu, ledo nirekemiu aga tesa nu manusia. Tesa haitu nitarimamiu mpo tesa lako nte Alatala mboto. Bo tesa haitu mpuu-mpuu tesa nu Alatala anu nokarajaa riara nggatuvumiu topomparasaya i Kristus.

2 Tesalonika 2:10

Rapakena mpengaya akala nadaa mombabagiu tona anu masipato mami mamate bo rapopogaa lako nte Alatala. Ira mamate bo rapopogaa lako nte Alatala sampe ri kasae-saena sabana ira ledo nadota mantarima bo mompotove pepatuduki nakana lako ri Alatala, anu nompakule mompakasalama ira.

Yakobus 1:21

Jadi, kabasaka puramo kabiasamiu naruto bo nadaa. Pakaede raramiu bo pariaramo tesa nu Alatala anu nitudaNa riara ntaimiu. Apa tesa haitu nakuasa mompakasalama komiu.

1 Petrus 2:2

Ngana kodi dako nesuvu naino rarana nantomi uve njusu ntinana. Ivesia muni komiu kana maino rara mangepe Tesa nu Alatala anu najadi kandea nagasa ka nyawamiu. Ivesiamo posisanimiu nte Alatala mantambai maroso, sampe ratarimamiu pura-pura belo nipakasadiaNa ka tona nipakasalamaNa.