Suro-Suro 16:8 - Kaili Ledo

⁸ Jadi nolipamo ira noliu ri bagia Misia sampe nakava ri ngata Troas ri bivi ntasi.

Suro-Suro 16:8 ပူးပေါင်းရင်းမြစ်များ

Suro-Suro 16:11

Kami nompalaisi ngata Troas bo nesavi kapala mbaso hau ri levuto Samotrake. Kamailena napolamo kami sampe nakava ri ngata Neapolis ri propinsi Makedonia.

Suro-Suro 16:7

Tempo ira nakava ri pobingga bagia Misia, ira madota mapola mesua ri propinsi Bitinia. Tapi Nosa Gasa i Yesus nombatagi ira mapola.

Suro-Suro 20:5

Ira papitu nokolu ka kami bo i Paulus, bo nipopeara ri ngata Troas kami.

Suro-Suro 20:6

Naupu haitu pade nituntuni kami dala kabatana sampe ri ngata Filipi. Naliutaka eo mbaso ntoYahudi niuli Posusa Roti Ledo Noragi, kami nesavi kapala lako ri ngata Filipi. Lima-mbongi kami ri dala pade nosintomu ante roa-roa kami ri ngata Troas. Jadi kami nonturo ri sia saminggu kasaena.

2 Korintus 2:12

Kapolana, tempo yaku nakava ri ngata Troas mompatolele Kareba Belo i Kristus, i Pue nombadekei ka yaku loga nabelo mokarajaa hamai.

2 Timotius 4:13

Ane tumai iko, keni baju ranindiku anu niboliku ri ngata Troas ri banua i Karpus. Bo keni tumai muni buku-bukuku, nelabipa buku-buku nipovia lako ri kulimba.