Suro-Suro 16:6 - Kaili Ledo

⁶ Nosa Gasa nu Alatala ledo nombadekei gi Paulus mompatolele tesa nu Alatala ri propinsi Asia. Jadi nipapolara polipara hau ri bagia Frigia bo Galatia.

Suro-Suro 16:6 ပူးပေါင်းရင်းမြစ်များ

Lukas 1:2

Nitulisira nangoseaka tesa nipatolele ka kita, haitumo tesa ntona nanggita kajadia haitu ante matara mboto lako ri pamulana.

Suro-Suro 10:19

I Petrus da nompekirika batuana anu nipopakita ka ia pangane, Nosa Gasa nu Alatala nanguli ka ia, “Petrus, naria tatalu tona nakava nompaelo iko.

Suro-Suro 11:12

Bo Nosa Gasa nu Alatala nantudu yaku hau nosanggani-nggani ante ira bo nee makaja raraku. Jadi haumo yaku. Aono sampesuvu sampomparasaya lako ri ngata Yope nantuntuni yaku hau ri ngata Kaisarea, bo kami pura-pura nesua rabanua i Kornelius.

Suro-Suro 16:7

Tempo ira nakava ri pobingga bagia Misia, ira madota mapola mesua ri propinsi Bitinia. Tapi Nosa Gasa i Yesus nombatagi ira mapola.

Suro-Suro 18:23

Bara sakuya kasaena ia nonturo ri Antiokhia, pade hau vaimo ia ri bagia Galatia bo Frigia ala mompakaroso pomparasaya ntopangoseaka i Yesus.

Suro-Suro 19:10

Aga ivesiamo nipovia i Paulus rompae kasaena, sampe pura-pura tona nonturo ri propinsi Asia, toYahudi bo tona ledo toYahudi, nangepe Tesa nTupu.

Suro-Suro 20:16

Lako ri pamula polipa kami, i Paulus nompakatantu domo ia mesai ri ngata Efesus, ala nee masae gaga ri propinsi Asia. Apa nasara rarana hau mantuntuni eo mbaso Pentakosta ri ngata Yerusalem.

Suro-Suro 20:28

Komiu kana mombajagai karomiu mboto. Jagai muni todea topomparasaya, anu niparasayaka Nosa Gasa ka komiu. Komiu kana mompiara todea nu Alatala, nasimbayu mpo topoevu nompiara bimbana. Apa Tuputa Yesus namate bo raaNa natiti mombasompo dosata ala kita majadi todeaNa.

Suro-Suro 20:4

Naria bara sako-ndua tona nomporoa i Paulus, haitumo, i Sopater ana i Pirus lako ri ngata Berea, i Aristarkhus bo i Sekundus toTesalonika, bo i Gayus lako ri ngata Derbe. Naria muni i Timotius, i Tikhikus bo i Trofimus, lako ri propinsi Asia pura.

Suro-Suro 21:27

Napara kaupuna pitu-eo nipakatantu ka ada pompakagasa karo, bara sako-ndua toYahudi lako ri propinsi Asia nanggita i Paulus riara Banua nu Alatala. Nipakagadora todea ri sia bo nisakara i Paulus,

Suro-Suro 6:9

Tapi naria muni tona nangeva ia. Ira haitu toYahudi anu nosambaya ri banua petupu niuli Banua Petupu nu Batua-Batua Nikabasaka. Ira toYahudi ntanina lako ri ngata Kirene bo ngata Aleksandria. Ira bo toYahudi lako ri propinsi Kilikia bo lako ri propinsi Asia nangeva bo nosisanai nte i Stefanus.

Suro-Suro 8:29

Jadi Nosa Gasa nanguli ka i Filipus, “Koi ragamo doka ntona hautu.”

Roma 16:5

Pakavote muni tabeku ka todea topomparasaya anu nodade ri banuara. Pakavote tabeku ka i Epenetus nipotoveku. Iamo tona paratama nomparasaya i Yesus Kristus ri propinsi Asia.

1 Korintus 12:11

Pura-pura haitu nipovia nu Nosa Gasa sangu haitu. Ia nobagi pompakule-pompakule simbo ntanina, nangoseaka dota nu Nosa Gasa mboto.

1 Korintus 16:1

Kapolana, sampesuvu-sampesuvu, kutesa doi rapasiromumiu mombatulungi sampesuvuta sampomparasaya napakasi ri ngata Yerusalem. Kana rapoviamiu mpo niparentaku ka todea topomparasaya ri ngata Galatia.

1 Korintus 16:19

Nadea tabe lako nte todea topomparasaya ri propinsi Asia. Bo tarima muni nadea tabe lako nte i Akwila bo i Priskila nosanggani-nggani ante todea topomparasaya anu nasiromu ri banuara, apa komiu pura-pura nosampesuvu sabana pomparasayamiu i Pue Yesus.

2 Korintus 1:8

Sampesuvu-sampesuvu, kami madota ala rasanimiu kasusa bo kapari nirasai kami ri propinsi Asia nadaa mpuu. Pepandasa nirasai kami neliu gagamo sampe naupu rara kami, domo nisarumaka kami matuvu.

Galatia 3:1

Nadoyo mpuu komiu toGalatia! Isema nanjalipuyo komiu sampe komiu domo nadota nangoseaka pepatuduki nakana? Nipakalantoku mpuu nanguli ka komiu bara ipia patuju kamate i Yesus Kristus ri kayu salib.

2 Timotius 1:15

Nisanimu pura-pura topomparasaya lako ri propinsi Asia nompalaisi yaku. Nau i Figelus bo i Hermogenes, nalai munimo.

2 Timotius 4:10

apa domo nadea tona nomporoa yaku. I Demas nompalaisi yaku sabana ia aga nompotove katuvuna ri dunia hitu. Nalai rou ri ngata Tesalonikamo ia. Bo i Kreskes rou ri propinsi Galatia, bo i Titus rou ri bagia Dalmatia.

Ibrani 11:8

Lako ri pomparasaya i Abraham, nioseakana parenta nu Alatala. Alatala nompokio ia bo nituduNa hau ri ngata nakavao. Alatala nojanji ngata haitu majadi bagia i Abraham. Jadi, nau dopa nisanina ri umba ngata rakalauna haitu, nipalaikanamo ngatana mboto nangoseaka parenta nu Alatala.

1 Petrus 1:1

Sampesuvu-sampesuvu anu nipelisi majadi todea nu Alatala bo nonturo mpo topesovo nasimpotare ri umba-umba ri propinsi Pontus, Galatia, Kapadokia, Asia bo Bitinia: Sura hitu lako nte yaku i Petrus, suro i Yesus Kristus. Kuperapi Alatala mpuu-mpuu mabelo nte komiu bo mompakatinonto raramiu. Komiu nipelisi nTuamata Alatala majadi todeaNa nangoseaka niaNa mboto lako ri lamba pamulana. Bo Nosa Gasa nompakajadi komiu todea nagasa, nipatani ka Alatala, ala komiu matundu nte i Yesus Kristus bo dosamiu raampungiNa sabana raaNa natiti ri kayu salib.

Pompakita 1:11

Suara haitu nanguli ivei: “Tulisimo anu mukita bo pakatu ka todea topomparasaya nonturo ri pitu ngata, haitumo ngata-ngata Efesus, Smirna, Pergamus, Tiatira, Sardis, Filadelfia bo Laodikia.”

Pompakita 1:4

Sampesuvu-sampesuvu sampomparasaya anu nonturo ri pitu ngata ri propinsi Asia. Yaku i Yohanes, merapi komiu mantarima katinonto bo belo lako nte Alatala anu nariamo lako ri lamba pamulana, bo naria sii-sii, bo maria sampe ri kasae-saena. Bo kuperapi ratarimamiu belo bo katinonto lako nte papitu Nosa nu Alatala anu naria ri ngayo Gadera Kamagaua nu Alatala,