Suro-Suro 16:5 - Kaili Ledo

⁵ Jadi ivesiamo pomparasaya ntopangoseaka i Yesus nipakaroso, bo eo-eo nantambai kadea ntopomparasaya.

Suro-Suro 16:5 ပူးပေါင်းရင်းမြစ်များ

Suro-Suro 11:21

Kuasa nTupu naria nte ira sampe nadea toAntiokhia nomparasaya bo nombadekei katuvura ka i Pue Yesus.

Suro-Suro 12:24

Namatepa ia, kasae-sae nantambai-mbaimo kadea ntona nangepe Tesa nu Alatala, bo nomparasaya i Pue Yesus.

Suro-Suro 15:41

Ira nombalintiku pura-pura propinsi Siria bo Kilikia. Nipakarosora pomparasaya ntopangoseaka i Yesus hamai.

Suro-Suro 2:47

Ira nasaro nombatoiya Alatala bo pura-pura todea ntanina nompodamba ira. Bo eo-eo nantambai kadea ntona nipakasalama nu Alatala.

Suro-Suro 4:4

Tapi topangepe pepatuduki nu suro-suro pangane, nadeamo nomparasaya i Yesus. Jadi kadea ntopomparasaya i Yesus nantambai sampe nitasere lima-njobu tonana.

Suro-Suro 5:14

Kasae-sae katambai-mbai kadea ntopangoseaka i Yesus, langgai bo mombine.

Suro-Suro 6:7

Ivesiamo kareba nu Alatala nipatolele njuu bo kadea ntopomparasaya i Yesus ri ngata Yerusalem nantambai mpuumo. Bo nadea muni topanggeni pesomba nangoseaka i Yesus.

Suro-Suro 9:31

Jadi todea topangoseaka i Yesus ri njumangu bagia Yudea, Galilea bo Samaria domo nipandasa. Kasae-sae kadea-dea tona nomparasaya i Yesus, bo todea topomparasaya nantambai karoso pomparasayara sabana ira natundu nte Alatala, bo sabana Nosa Gasa nantulungi ira.

Roma 16:25

Ratoiyata Alatala! Ia nakuasa mompakaroso pomparasayamiu mpo niuli ri Kareba Belo nipatoleleku, haitumo kareba i Yesus Kristus. Kareba i Kristus haitumo nia nu Alatala anu nitabuniakaNa lako ri lamba pamulana.

1 Korintus 15:58

Jadi sampesuvu-sampesuvu nipotoveku, pakaroso pomparasayamiu bo nee molengga-lengga. Pasimbuku ante mpuu-mpuu raramiu mantui pokarajaa nidekei i Pue Yesus ka komiu, apa nisanimiu ledo ria nuapa-nuapa anu ledo ria gunana rapoviamiu ka Ia. Natantu kana maria aselena.

Galatia 5:1

I Kristus nombakabasaka kita lako ri Atura agama ala kita mpuu-mpuu makabasaka. Jadi pakaroomo raramiu ala komiu batena makabasaka. Nee rapalamba karomiu rapobatua mpanjili.

Kolose 2:6

Sampesuvu-sampesuvu, nitarimamiumo i Yesus Kristus najadi Tupumiu. Jadi komiu kana batena matuvu mosangu rara ante Ia.

1 Tesalonika 3:13

Kami merapi Alatala mompakaroso raramiu ala komiu magasa bo ledo makura nuapa-nuapa ri ngayo nTuamata Alatala tempo Tuputa i Yesus makava ante pura-pura todeaNa anu nagasa.

1 Tesalonika 3:2

bo i Timotius sampesuvuta sampomparasaya nitudu kami tuou nte komiu. I Timotius roa kami nokarajaa ka Alatala. Ia nantulungi kami nompatolele Kareba Belo anu notesaki i Kristus. Ia nitudu kami tou mompakadidi raramiu bo mompakaroso pomparasayamiu

2 Tesalonika 2:16

Alatala nompotove kita, bo lako ri kabelo nu raraNa, Ia ledo naupu-upu nompakavoe rarata, bo nidekeiNa ka kita panjarumaka nabelo. Jadi kuperapi Tuputa Yesus Kristus bo Tuamata Alatala mompakavoe bo mompakaroso raramiu ala tesamiu bo pokainggumiu batena nabelo.

Ibrani 13:9

Nee sampe komiu masalandala lako ri pepatuduki nakana ante mangoseaka mpengaya-ngaya pepatuduki anu nontani lako ri pomparasayata, evamo pepatuduki atura-atura pangande. Nadea tona bara ipia nangoseaka atura-atura pangande, tapi atura haitu ledo nanggeni belo ka topangoseakana. Aginapa kita mompakaroso rarata mompekirika kabelo rara nu Alatala, apa haitumo anu nanggeni belo ka kita.

1 Petrus 5:10

Komiu kana mombarasai susa, tapi ledo masae. Maliu haitu Alatala mboto mompakagana nuapa-nuapa nakura nte komiu. Ia mompakaroo raramiu sampe ledo maria tona ntanina mamala mompopolengga atau mompopoura pomparasayamiu. Alatala mpuu-mpuu mompakaroso komiu apa nabelo mpuu raraNa bo Iamo nompokio komiu manggava bagia ri kuasaNa bo kaogeNa sampe ri kasae-saena sabana komiu nosangu rara ante i Kristus.