Suro-Suro 16:34 - Kaili Ledo

³⁴ Naupu haitu, nikeninamo i Paulus bo i Silas hau ri banuana, bo nipakandena ira. Ira sambanua nadamba mpuu rarara sabana ira nomparasaya Alatalamo. Naupu sia, i Paulus bo i Silas nikeni mpanjili hau ri tarunggu.

Suro-Suro 16:34 ပူးပေါင်းရင်းမြစ်များ

Lukas 15:32

Tapi kita masipato mosusa madamba sabana tueimu namate, natuvu mpanjili. Ia nalipomo tapi sii-sii nikavata mpanjili.’ ”

Lukas 19:6

Jadi, nompari-mparimo i Zakheus nanau bo nitarimana i Yesus ante damba rarana.

Lukas 5:29

Naupu sia, i Lewi novia posusa ka i Yesus ri banuana. Nadea topesingara balasitee ante tona ntanina nangande nosanggani-nggani nte ira ri posusa haitu.

Suro-Suro 11:14

Raulina ka iko berimba komiu sambanua mamala rapakasalama.’ ”

Suro-Suro 16:15

Naupu haitu i Lidia sambanua nidiu, tandana ira topangoseaka i Yesus. Naupu ira nidiu, i Lidia nombagaga kami hau ri banuana. Niulina, “Nikitamiu yaku hii mpuu-mpuu nomparasaya i Pue Yesus. Jadi kamaimo monturo ri banua kami.” Nipasimbukuna kami hau ri banuana.

Suro-Suro 16:35

Naeo mpadondo topoparenta-topoparenta ri ngata Filipi nantudu polisi hau ri tarunggu, mompapola parenta ka topojaga tarunggu ivei: “Kabasakamo tona randua nitarunggu riavi!”

Suro-Suro 2:46

Eo-eo ira nasiromu ri doyata Banua nu Alatala. Ira notava-tava nasiromu ri banuara notubi-tubi roti nantora i Yesus, bo nangande nosanggani-nggani ante damba rarara bo ante liangu rara.

Suro-Suro 8:39

Nesore ira lako riara nu uve, Nosa Gasa nu Alatala nangala i Filipus lako ri sia bo domo nikita ntoEtiopia. ToEtiopia haitu nompapola polipana bo nadamba mpuu rarana.

Roma 15:13

Alatala mpuu-mpuu puna panjarumakata! Kuperapi Ia mompakadamba mpuu raramiu bo mombadekei ka komiu katuvua mabelo sabana komiu nomparasaya Ia. Kuperapi panjarumakamiu nte Ia mantambai maroso ante kuasa lako ri Nosa GasaNa.

Roma 5:11

Bo ledo aga haitu. Nadamba rarata sabana posangu rarata nte Alatala, anu nirasaita sabana anu nipovia nTuputa Yesus Kristus. Apa lako nte i Yesus Kristus kita nipoposinggabelo nte Alatala.

Roma 5:2

Kita nomparasaya i Yesus, jadi nidekeiNa ka kita loga mombarasai kabelo rara nu Alatala bo sii-sii nirasaitamo riara nggatuvuta. Nadamba mpuu rarata sabana naroso panjarumakata rakavata bagia ri kaoge nu Alatala.

Galatia 5:22

Tapi ane tona nikeniaka Nosa Gasa nu Alatala, iveimo inggura: ira nosimpotove, ira nadamba bo natinonto rarara. Ira nosabara, nalusu bo nabelo rarara nte tona ntanina. Ira namala raparasaya,

Filipi 4:17

Yaku ledo aga madota mantarima pedekeimiu. Tapi yaku madota ala belo ratambai ka komiu lako ri poviamiu nabelo haitu.

Filipi 4:4

Sampesuvu pura-pura, kadambamo raramiu sabana komiu nosangu rara ante i Pue Yesus. Sangganipa kuuli ka komiu, kadambamo raramiu!

Filemon 1:7

Sampesuvuku, nadamba mpuu yaku, bo raraku nipakaroso nangepe pepotovemu ka todea nu Alatala. Bo petulungimu mpuu-mpuu nompakasana rarara!

1 Yohanes 3:18

Sampesuvu-sampesuvu nipotoveku, nee aga mompotove sampesuvuta sampomparasaya ri sumba. Kita kana mompotove mpuu bo kita kana mompopakita tove haitu ante pokainggu nabelo.