Suro-Suro 16:23 - Kaili Ledo

²³ Naupu ira nicambu pakadua, nisuaraka ri ntarunggumo. Topojaga tarunggu nitudu mombajagai ira pakabelo-belo.

Suro-Suro 16:23 ပူးပေါင်းရင်းမြစ်များ

Matius 26:48

Lave niuli i Yudas mamimo ka ira tandana ala rasanira umbana i Yesus. Niulina, “Tona kueki, iamo i Yesus. Sakamo Ia!”

Lukas 21:12

Tapi dopame majadi pura-pura haitu, komiu rasaka ntona bo rapandasara. Komiu ratangara ri banua petupu bo rasuaraka riara ntarunggu. Komiu rakeni muni ri ngayo nu magau-magau bo gubernur-gubernur sabana komiu nangoseaka Yaku.

Suro-Suro 12:18

Naeo mpadondo nasesa mpuumo tantara-tantara anu nojaga tarunggu haitu. Ira naingu bo naeka mpuu nompekirika anu najadi nte i Petrus.

Suro-Suro 12:4

Naupu i Petrus nisaka, nisuarakara riara ntarunggu, bo Magau Herodes nantudu ampa lunu tantara mombajagai ia, ampa tantara salunu. Patuju i Herodes ala i Petrus ratangara ri ngayo ntodea maliutaka Eo Mbaso Paskah.

Suro-Suro 16:27

Natekaja bo nembangumo topojaga tarunggu haitu. Nikitana pura-pura vamba nateunggemo, nibituna gumana mompatesi karona mboto, apa nisarumakana tona nitarunggu nalai puramo.

Suro-Suro 16:36

Nangepe haitu topojaga tarunggu nanguli ka i Paulus, “Topomparenta ri ngata nomparenta yaku mombakabasaka komiu. Jadi hitupa komiu mamala manjili. Pakabelo-belo ri dala.”

Suro-Suro 5:18

Nisakara suro-suro, bo nisuarakara riara ntarunggu ngata.

Suro-Suro 5:23

Niulira, “Nakavapa kami ri tarunggu, nikita kami vamba ntarunggu niupi bo nigunji pakabelo-belo bo topojaga-topojaga naria pura ri vamba. Tapi tempo kami nombaungge vamba haitu, ledo ria saitoa tona nikava kami riarana.”

Suro-Suro 8:3

I Saulus nompasimbuku njuu mompandasa topangoseaka i Yesus ala domo raparasayara i Yesus. Nipebutuna banuara nipesuana bo isema-sema nomparasaya i Yesus, langgai bo mombine, niumbunjaina ri savalikuna bo nisuarakana riara ntarunggu.

Suro-Suro 9:2

bo nerapi sura kuasa rakenikana ka pakeni agama ri banua petupu ntoYahudi ri ngata Damsyik. Patujuna, ane rakavana topangoseaka Pepatuduki i Yesus, bara langgai bara mombine, rasakana bo rakenina hau ratangara ri ngata Yerusalem.

2 Korintus 11:23

Batua i Kristus ira? Tesaku hitu eva tesa ntogila! Yaku batua i Kristus anu nelabi nabelopa pade ira! Nantamopa pokarajaaku pade pokarajaara! Nasaropa yaku nisuaraka riara ntarunggu pade ira! Yaku nicambu pakandasapa pade ira, bo nadea ngganimo yaku sakidepa namate!

2 Korintus 6:5

Kami niboba bo nisuaraka riara ntarunggu. Todea nonasu nangeva kami, kami nokarajaa ntamo, biasa kami ledo namonjo, biasa ledo nangande.

Efesus 3:1

Jadi, haitu pura-pura sabana yaku, Paulus, nosambaya ka Alatala. Yaku nitarunggu sabana nompatolele Kareba Belo i Yesus Kristus ka komiu tona ledo toYahudi.

Efesus 4:1

Jadi sampesuvu-sampesuvu, sabana haitu pura-pura, siimo petevai lako nte yaku anu nitarunggu ri sii sabana pomparasayaku i Pue Yesus. Yaku mpuu-mpuu nerapi ala komiu matuvu ante pokainggu masipato ka todea nu Alatala, apa komiu nipokioNa majadi todeaNa.

2 Timotius 2:9

Yaku hii nipandasa sabana nompatolele Kareba Belo haitu. Yaku nipou rante nasimbayu mpo tona nadaa. Tapi Tesa nu Alatala ledo namala rarante, kana matolele ri umba-umba.

Filemon 1:9

Tapi nantora pepotovemu, aga kuperapi nte iko bo ledo kuparenta. Yaku hii natuamo bo nitarunggu sii-sii sabana nompatolele kareba i Yesus Kristus.

Pompakita 1:9

Yaku hii i Yohanes, sampesuvumiu sampomparasaya. Yaku nombarasai susa bo pari nasimbayu ante pura-pura topangoseaka i Yesus, bo yaku muni najadi todea riara PoparentaNa nasimbayu ante pura-pura topangoseaka i Yesus, bo yaku muni nosabara tempo nipandasa, nasimbayu ante pura-pura topangoseaka i Yesus. Yaku nitaniaka ri levuto Patmos, sabana nompatolele Tesa nu Alatala bo pepatuduki i Yesus.

Pompakita 2:10

Tapi nee maeka komiu mantingayo kasusa bo kapari anu domo masae kana rarasaimiu. Pariaramo! Magau nu Seta mompopesua sanu komiu hau rantarunggu bo mompesori komiu ala moura pomparasayamiu. Komiu rapandasa sapulu eo kasaena. Tapi nee maupu raramiu momparasaya Yaku nau komiu rapatesi, sabana Kudekei ka komiu hadia padagi, haitumo komiu matuvu mabelo sampe ri kasae-saena.