Suro-Suro 16:19 - Kaili Ledo

¹⁹ Tempo nisani ntopobatua mombine haitu domo namala ira manggava doi, nisakaramo i Paulus bo i Silas, bo niumbunjaira hau ri potomu mantingayo topoparenta ngata haitu.

Suro-Suro 16:19 ပူးပေါင်းရင်းမြစ်များ

Matius 24:9

Tempo haitu komiu rasaka bo radekei ka tona anu mompandasa komiu bo mompatesi komiu. Komiu rapovuu mata ntona lako ri umba-umba ngata sabana komiu topangoseaka Yaku.

Markus 13:9

Komiu kana mainga-inga sabana komiu rasaka bo rakeni rapangadu ri ngayo ntopotangara. Komiu raboba riara banua-banua petupu bo rakeni rapoposintingayoka gubernur-gubernur bo magau-magau sabana komiu nomparasaya Yaku. Bo haitumo loga ka komiu motesa pomparasayamiu Yaku ka ira.

Suro-Suro 14:19

Naupu haitu, bara sako-ndua toYahudi lako ri ngata Antiokhia ri propinsi Pisidia bo muni lako ri ngata Ikonium nakava ri ngata Listra. ToYahudi haitu nantanara todea ri ngata Listra ala ira muni mangeva i Paulus sampe ira nombarempe i Paulus ante vatu bo niumbunjaira hau ri savaliku ngata. Niulira namatemo ia.

Suro-Suro 14:5

ToYahudi bo pakeni ntoYahudi nosanggani-nggani ante tona ntanina ledo toYahudi, nasintuvu mompandasa bo mombarempe i Paulus bo i Barnabas ante vatu.

Suro-Suro 15:22

Nangepe tesa i Yakobus, nasitujumo suro-suro bo pakeni ntanina bo pura-pura topomparasaya mompelisi bara sako-ndua tona lako nte ira mboto ratudu hau ri ngata Antiokhia mosanggani-nggani nte i Paulus bo i Barnabas mompasimbayu asele nu polibu ka topomparasaya hamai. Nipelisiramo i Silas bo i Yudas anu nidae muni i Barsabas. Tona randua haitu nibila ntodea topangoseaka i Yesus ri Yerusalem.

Suro-Suro 15:26

I Paulus bo i Barnabas mai, ledo natove rarara nte katuvura mboto, nau rapatesi ntona, ira bate-batena mokarajaa ka Tuputa Yesus Kristus.

Suro-Suro 15:40

I Paulus nompelisi i Silas momporoa ia. Bo topomparasaya ri ngata Antiokhia nosambaya ala Alatala mompoasi bo mombajagai ira randua riara polipara. Naupu haitu nalaimo ira.

Suro-Suro 16:16

Naria sanggani, tempo kami hau ri posiromu posambaya pangane, kami nosinggavaka saito batua mombine. Mombine haitu nipesua nu seta anu natau nombaboto anu majadi ri tempo makava. Ia nombaboto rasi ntona, jadi nadea saro nikavana ka tona nompobatua ia.

Suro-Suro 16:20

Nikenira i Paulus bo i Silas hau mantingayo topoparenta nu Magau Mbaso Roma, bo tona nompobatua mombine nanguli ivei: “Tona hitu toYahudi anu nompakagado ngata hitu.

Suro-Suro 16:25

Nitasere natanga bongina, i Paulus bo i Silas nosambaya bo nodade nantoiya Alatala. Tona ntanina nitarunggu ri sia nompetalingai ira nodade.

Suro-Suro 16:29

Topojaga tarunggu nerapi poindo bo nangova hau ri tarunggu. Nolete-letemo ia nantaputu ri ngayo i Paulus bo i Silas.

Suro-Suro 17:6

Tapi ledo nikavara i Paulus bo i Silas ri sia. Jadi niumbunjairamo i Yason bo bara sako-ndua topomparasaya ntanina ri sia hau ri ngayo ntopoparenta-topoparenta ngata bo nongare, “I Paulus bo i Silas haitu nompakagado tona ri umba-umba dunia! Sii-sii ira nakava nompakagado ngatata hitu muni!

Suro-Suro 21:30

Nangepe haitu, pura-pura tona ri ngata Yerusalem nagado mpuumo, bo ira mpasanggani-nggani nangova hau ri Banua nu Alatala nombasaka i Paulus. Niumbunjaira i Paulus hau ri savalikuna bo niupira vamba Banua nu Alatala ala ledo magado riarana.

Suro-Suro 8:3

I Saulus nompasimbuku njuu mompandasa topangoseaka i Yesus ala domo raparasayara i Yesus. Nipebutuna banuara nipesuana bo isema-sema nomparasaya i Yesus, langgai bo mombine, niumbunjaina ri savalikuna bo nisuarakana riara ntarunggu.

Suro-Suro 9:16

Damo Yaku mboto manguli ka ia kasusa rakavana sabana nioseakana Yaku bo nipatolelena karebaKu.”

2 Korintus 6:5

Kami niboba bo nisuaraka riara ntarunggu. Todea nonasu nangeva kami, kami nokarajaa ntamo, biasa kami ledo namonjo, biasa ledo nangande.

Filipi 1:30

Apa komiu muni raeva ntona tempo komiu mompasimbuku mompatolele Kareba Belo, nasimbayu mpo anu nikitamiu najadi nte yaku bara ipia bo hitupa niepemiu da najadi nte yaku sii-sii.

1 Tesalonika 2:2

Dopame kami nakava ri ngatamiu, kami mpuu-mpuu nipandasa bo nipakadaa ntona ri ngata Filipi. Nisanimiumo tesana. Nau nadea tona nangeva kami, tapi Tuputa nompakaroso rara kami ala kami ledo maeka mompatolele Kareba BeloNa ka komiu ri ngata Tesalonika.

1 Timotius 6:10

sabana pompotove doi puna mpengaya-ngaya kadaa. Sanu tona nompasimbuku nangelo doi sampe nasalandalamo bo domo nioseakara pepatuduki nakana, bo aga mpengaya-ngaya kasusa nikavara anu nompakabuku rarara.

Yakobus 2:6

Tapi nau ivesia, da nisalaimiupa ira bo tona nakalumana nibilamiu. Tano mai, tona nakalumana nantamanaka komiu bo nangumbunjai komiu hau ri ngayo ntopotangara!