Suro-Suro 16:15 - Kaili Ledo

¹⁵ Naupu haitu i Lidia sambanua nidiu, tandana ira topangoseaka i Yesus. Naupu ira nidiu, i Lidia nombagaga kami hau ri banuana. Niulina, “Nikitamiu yaku hii mpuu-mpuu nomparasaya i Pue Yesus. Jadi kamaimo monturo ri banua kami.” Nipasimbukuna kami hau ri banuana.

Suro-Suro 16:15 ပူးပေါင်းရင်းမြစ်များ

Matius 10:41

Isema-sema nantarima saito suro nu Alatala sabana ia mpuu-mpuu suro nu Alatala, tona haitu manggava tambo nasimbayu eva anu radekeika suro haitu. Bo isema-sema nantarima saito tonoa sabana ia mpuu-mpuu nanoa, tona haitu manggava tambo nasimbayu eva tambo radekei ka tona nanoa haitu.

Matius 3:6

Ira nompangaku dosara bo ira nidiuna ri Binangga Yordan tanda najeamo lako ri dosara.

Lukas 14:23

Jadi nanguli tupu nu posusa ka batuana haitu, ‘Ane ivesia, koi hau ri dala mbaso bo dala kodi ri savaliku ngata. Saravimo tona tumai, ala maponu pura ponturo ri banuaku!

Lukas 24:29

Tapi ira nompopetaa Ia. “Mesai ri sii ante kamimo ruru, apa nanggoviamo, masolomo eo.” Jadi i Yesus nesua nosanggani ante ira hau rabanua.

Suro-Suro 11:14

Raulina ka iko berimba komiu sambanua mamala rapakasalama.’ ”

Suro-Suro 16:31

Nesana i Paulus bo i Silas, “Parasayamo i Pue Yesus Kristus, bo komiu sambanua rapakasalama.”

Suro-Suro 16:33

Ri tanga bongi haitu muni topojaga tarunggu nanggeni ira hau ri uve bo nompegasa bakara. Naupu haitu, kaliu-liu ira sambanua nidiu, tandana ira nomparasaya i Yesus.

Suro-Suro 16:34

Naupu haitu, nikeninamo i Paulus bo i Silas hau ri banuana, bo nipakandena ira. Ira sambanua nadamba mpuu rarara sabana ira nomparasaya Alatalamo. Naupu sia, i Paulus bo i Silas nikeni mpanjili hau ri tarunggu.

Suro-Suro 18:8

Pakeni ri banua petupu haitu nosanga i Krispus. Ira sambanua nomparasaya i Yesus muni. Nadea toKorintus ntanina nangepe kareba nikeni i Paulus, bo nomparasaya i Yesus bo nidiu, tandana ira topangoseaka i Yesus.

Suro-Suro 8:12

Tapi i Filipus nompatolele Kareba Belo ka ira. Kareba Belo haitu nanguli Poparenta nu Alatala bo i Yesus Kristus, Magau Topepakasalama. Niparasayaramo kareba haitu bo ira nidiumo, langgai bo mombine, tandana ira nomparasaya i Yesus.

Suro-Suro 8:38

Naliu sia, nipopetaanamo dokana, bo nanaumo ira randua lako ri doka bo hau riara nu uve. ToEtiopia haitu nidiu i Filipusmo, tandana niparasayana i Yesus.

Roma 16:23

Tarima muni tabe lako nte i Gayus. Yaku i Paulus, nipalogana nonturo ri banuana, bo topomparasaya ri sii muni biasa nasiromu nodade ri banuana. Tarimamo tabe lako nte i Erastus, topompasiayu doi ri ngata hitu. Bo tarima muni tabe lako nte sampesuvuta i Kwartus.

2 Korintus 12:11

Sampesuvu-sampesuvu, yaku hii notesa mpo todoyo, tapi komiu nompasuu yaku notesa ivesia! Kakanana komiumo masipato mombatoiya yaku, sabana naupa yaku hii ledo naria nturoku, yaku ledo ntoto nakura ane rapoposisala ante tona nirekemiu suro-suro anu ledo ria kasimbayuna!

2 Korintus 5:14

Tove i Kristus nombakuasai kami sampe kami nokainggu ivesia. Apa niparasaya kami, saito tona namate nanjambei kita pura-pura, jadi nasimbayu mpo kita pura-pura namate.

Galatia 6:10

Jadi tempo da naria loga kita kana movia anu nabelo ka pura-pura tona, nelabipa ka sampesuvuta sampomparasaya.

Efesus 1:1

Sampesuvu-sampesuvu anu najadi todea nu Alatala bo naroo nomparasaya i Yesus Kristus ri ngata Efesus: Sura hitu lako nte yaku i Paulus, anu nianggataka najadi suro i Yesus Kristus nangoseaka dota nu Alatala.

Filipi 1:7

Masipato yaku mantora komiu pura-pura ivesia, apa komiu mpuu-mpuu nipotoveku bo komiu pura-pura nantulungi yaku novia pokarajaa nidekei nu Alatala ka yaku. Komiu nasaro nantulungi yaku, tempo yaku nitarunggu sii-sii, bo muni tempo yaku nanjaliku Kareba Belo bara ipia bo nompakalanto ka tona Kareba Belo mpuu-mpuu nakana.

Filemon 1:17

Jadi, ane nirekemu yaku roamu sampomparasaya, kuperapi nte iko, tarima mpanjilimo i Onesimus nasimbayu mpo pantarimamu yaku.

Ibrani 13:2

Nee makaja raramiu mantarima torata makava ri banuamiu naupa torata haitu ledo nisanimiu, sabana nariamo sanu tona nantarima bo nantande torata ledo nisanira, tano mai toratara haitu malaeka nu Alatala.

1 Petrus 5:12

Yaku notulisi sura nambuku hitu ante petulungi i Silas, sampesuvuta sampomparasaya. Nisaniku ia namala raparasaya. Patujuku notulisi sura hitu ala mompakaroso raramiu bo mompakalanto ka komiu Alatala mpuu-mpuu nompotove bo nombatulungi kita evamo nitesaku pangane. Jadi komiu kana batena manjarumaka pepotoveNa haitu.

2 Yohanes 1:10

Jadi, ane makava tona nte komiu mompatolele pepatuduki nosisala ante pepatuduki i Kristus, nee ratarimamiu tona haitu riara banuamiu. Nee rakadambanakamiu ira,

3 Yohanes 1:5

Vegaku, pokainggumu nosinggambela nte pomparasayamu tempo iko nantulungi sampesuvuta sampomparasaya anu nesai nte iko. Nau iko dopa nosisani ante ira, iko batena nombatulungi ira.

3 Yohanes 1:8

Jadi, masipato kita topomparasaya mombatulungi ira, bo ane nitulungita ira, nasimbayu mpo niporoata muni ira nompatolele pepatuduki nakana lako nte Alatala.