Suro-Suro 16:12 - Kaili Ledo

¹² Lako ri sia kami nantende hau ri ngata Filipi, haitumo ngata mbaso ri propinsi Makedonia. Ngata Filipi haitu ngata ponturo ntodea nu Magau Mbaso. Kami nonturo ri sia bara sako-mbongi kasaena.

Suro-Suro 16:12 ပူးပေါင်းရင်းမြစ်များ

Suro-Suro 16:10

Jadi naupu nikita i Paulus haitu, kaliu-liu nanggalivomo kami hau ri propinsi Makedonia, sabana nipekiri kami, Alatala mpuu-mpuu nantudu kami mompatolele Kareba Belo ka tona hamai.

Suro-Suro 16:21

Nipatudukira tona movia anu nitagi nu atura-atura ri ngatata hitu! Ledo mamala kita todea Magau Mbaso mantarima atau mangoseaka ada nipatudukira!”

Suro-Suro 16:9

Bongina haitu ri ngata Troas, naria anu nipopakita nu Alatala ka i Paulus. Nikitana saito tona lako ri propinsi Makedonia neangga ri ngayona. Tona haitu nerapi mpuu-mpuu nte i Paulus, “Kaimo tumai mantulungi kami ri Makedonia!”

Suro-Suro 18:5

Nakavapa i Silas bo i Timotius lako ri propinsi Makedonia, nikabasaka i Paulusmo pokarajaana novia tenda, bo eo-eo nipatolelena Kareba Belo lako nte Alatala ka toYahudi. Nipakalantona ka ira i Yesusmo Magau Topompakasalama manusia anu nijanji nu Alatala.

Suro-Suro 19:21

Naliutaka kajadia-kajadia haitu, i Paulus nonia hau ri propinsi Makedonia bo Akhaya, pade mapola hau ri ngata Yerusalem. Niulina ka roana, “Maupu yaku hau ri ngata Yerusalem, pade hau ri ngata Roma.”

Suro-Suro 19:29

Kagado haitu natolele sampe ri njumangu ngata Efesus. Todea nombasaka i Gayus bo i Aristarkhus, haitumo randua roa i Paulus sampolipa lako ri propinsi Makedonia. Ira niumbunjai ntodea hau nesua ri tana lapa rangata haitu.

Suro-Suro 20:1

Nalinopa kagado ri ngata Efesus, i Paulus nompasiromu topomparasaya ri sia bo notesa nompakaroso rarara. Naupu sia, ia nopalakanamo pade nipapolana polipana hau ri propinsi Makedonia.

Suro-Suro 20:3

Talu-mbula kasaena ia nonturo ri sia. Naupu sia, ia nonia mesavi kapala ntasi hau ri propinsi Siria. Tapi dopame ia nalai, niepena kareba naria toYahudi ri sia nasintuvu mompatesi ia ri dala. Jadi nipakatantuna manjili mantuntuni dala kabatana moliu ri propinsi Makedonia.

Suro-Suro 20:6

Naupu haitu pade nituntuni kami dala kabatana sampe ri ngata Filipi. Naliutaka eo mbaso ntoYahudi niuli Posusa Roti Ledo Noragi, kami nesavi kapala lako ri ngata Filipi. Lima-mbongi kami ri dala pade nosintomu ante roa-roa kami ri ngata Troas. Jadi kami nonturo ri sia saminggu kasaena.

Suro-Suro 27:2

Kami nesavi kapala mbaso anu nakava lako ri ngata Adramitium. Kami nesavi lako ri ngata Kaisarea ante patuju mesai ri pesampo-pesampo ri talinti propinsi Asia. Naria muni saitopa tona nomporoa kami, haitumo i Aristarkhus lako ri ngata Tesalonika ri propinsi Makedonia.

Filipi 1:1

Sampesuvu-sampesuvu sampomparasaya anu nonturo ri ngata Filipi: Sura hitu lako nte yaku i Paulus, bo i Timotius, batua-batua i Yesus Kristus. Kami notulisi ka komiu pura-pura anu nosangu rara ante i Yesus Kristus, bo muni ka pakeni ntodea topomparasaya bo topotulungi pakeni ntopomparasaya.

Filipi 1:5

Yaku nosukuru sabana lako ri pamulana sampe sii-sii, komiu nasaro nantulungi yaku nompatolele Kareba Belo lako nte Alatala.

1 Tesalonika 2:2

Dopame kami nakava ri ngatamiu, kami mpuu-mpuu nipandasa bo nipakadaa ntona ri ngata Filipi. Nisanimiumo tesana. Nau nadea tona nangeva kami, tapi Tuputa nompakaroso rara kami ala kami ledo maeka mompatolele Kareba BeloNa ka komiu ri ngata Tesalonika.