Suro-Suro 15:36 - Kaili Ledo

³⁶ Ledo nasae kaliuna haitu, i Paulus nanguli ka i Barnabas, “Hau kita manjili ri ngata-ngata nikalauta bara ipia nompatolele tesa nu Alatala. Kita kana hau manggita sampesuvu-sampesuvu anu nomparasaya i Yesus hamai, ala rakitata berimbamo katuvura.”

Suro-Suro 15:36 ပူးပေါင်းရင်းမြစ်များ

Matius 25:36

Tempo Yaku ledo ria pakeaKu, nidekeimiu ka Yaku pakea. Tempo Yaku nadua komiu nompelioda Yaku. Tempo Yaku nitarunggu komiu nakava nanggita Yaku.’

Matius 25:43

Yaku tosangatana tapi ledo nitarimamiu Yaku ri banuamiu. Yaku ledo nopakea tapi ledo nidekeimiu pakea ka Yaku. Yaku nadua bo nitarunggu, tapi komiu ledo nakava nompelioda Yaku.’

Suro-Suro 13:12

Nanggita kajadia haitu, niparasaya nu gubernurmo i Yesus. Nokumaa mpuu ia nangepe tesa i Pue Yesus, anu nipepatudukika i Paulus bo Barnabas.

Suro-Suro 13:4

Jadi naupu i Barnabas bo i Saulus nitudu nu Nosa Gasa, hau ira ri pesampo Seleukia bo nesavi kapala hau ri levuto Siprus.

Suro-Suro 13:51

Jadi i Paulus bo i Barnabas nombasapulai sovu lako ri kadara, tandana tona haitu nipoara nu Alatala. Bo nalaimo ira hau ri ngata Ikonium.

Suro-Suro 14:1

Anu najadi ri ngata Antiokhia najadi munimo ri ngata Ikonium. I Paulus bo i Barnabas hau ri banua petupu ntoYahudi, bo ri sia nitesa-tesara ka tona sampe nadea toYahudi bo tona ledo toYahudi nomparasaya i Yesus.

Suro-Suro 14:21

Ri ngata Derbe, i Paulus bo i Barnabas nompatolele Kareba Belo bo nadea tona nomparasaya i Yesus. Naupu haitu nanjilimo ira randua hau ri ngata Listra. Lako ri ngata Listra hau ri ngata Ikonium pade napola hau ri ngata Antiokhia ri propinsi Pisidia.

Suro-Suro 14:6

Tapi nisani i Paulus bo Barnabas nia ntona haitu, jadi nalaimo ira hau ri bagia Likaonia, haitumo ri ngata Listra, ngata Derbe bo ri ngata-ngata ntanina ri bagia haitu.

Suro-Suro 7:23

Nagana patapulu mpae umuruna, neumbamo dota rarana hau manggita sampesuvu-sampesuvuna toIsrael.

Roma 1:11

Apa naoge mpuu raraku mosinggava nte komiu ala yaku mamala mombabagi pedekei nu Alatala ka komiu, haitumo Nosa Gasa anu mompakaroso pomparasayamiu.

2 Korintus 11:28

Bo ntanina lako rahaitu, eo-eo nasesa raraku nompekirika pura-pura todea topomparasaya.

Filipi 1:27

Jadi, nau bara nuapa majadi nte yaku, komiu kana matuvu ante pokainggu masipato ka topangoseaka Kareba Belo i Kristus. Komiu kana matuvu ivesia ala nau kita mosinggava atau ledo, kuepe karebana komiu naroo nosangu rara bo nosangu pekiri bo singgani-nggani nompasimbuku nokarajaa ala madea tona momparasaya Alatala nangoseaka anu niuli riara Kareba Belo.

1 Tesalonika 3:6

Tapi hitupa nanjilimo i Timotius lako ritu nte komiu, bo nitesana ka kami karebamiu anu nompakadamba rara kami, ivei: “ToTesalonika naroso pomparasayara, bo nosimpotove. Ira bate-batena nantora kita ante damba rara bo ira nalentora manggita kita nasimbayu mpo kita nalentora manggita ira.”

2 Timotius 1:4

Nitoraku kasusa raramu tempo kita nogaa bara ipia, bo nalentora mpuu raraku manggita iko ala yaku mpuu-mpuu madamba.