Suro-Suro 15:28 - Kaili Ledo

²⁸ Sampesuvu-sampesuvu, hitumo asele polibu kami anu nipokono nu Nosa Gasa nu Alatala bo nipokono kami muni, ala komiu ledo mandasa mantuntuni atura-atura nakaja. Aga atura-atura hitu paraluu raoseakamiu:

Suro-Suro 15:28 ပူးပေါင်းရင်းမြစ်များ

Yohanes 16:13

Tapi ane makavamo Nosa Gasa haitu, Iamo mompopaisani ka komiu pura-pura anu nakana. Ia ledo motesa nangoseaka dotaNa mboto. Tapi anu niepeNa lako nte TuamaKu, haitumo ratesaNa. Bo ratesaNa ka komiu muni anu majadi ri tempo makava.

Matius 11:30

Nakana suka pasanga Kudika, bo panggeni Kudekei nangaa rasimbuakamiu.”

Pompakita 2:24

Tapi naria muni komiu toTiatira ledo nangoseaka pepatuduki nadaa haitu bo ledo nadota neguru anu niuli ntona ‘pangisani Magau nu Seta anu nalonto.’ Kuuli ka komiu ivei: Ledo Kutambai parenta-parenta ntanina ka komiu.

1 Petrus 1:12

Bo Alatala nompakalanto ka ira anu nibotora haitu ledo nosinggambela ante ira mboto tapi nosinggambela ante komiu anu natuvu sii-sii. Kajadia-kajadia nibotora haitu, nipatolele ntopanggeni Kareba Belo ka komiu sii-sii. Nikenira kareba haitu ante petulungi Nosa Gasa nu Alatala, anu nipopanau lako ri suruga. Kakanana malaeka-malaeka nTupu mboto nadota mangisani batuana kajadia-kajadia pangane anu nipatolele ka komiu.

1 Korintus 14:37

Ane maria tona mompekiri ia nabi anu nidekeika pompakule mompasimbayu tesa nitarimana lako nte Alatala, atau maria pompakule ntanina lako nte Nosa Gasa, tantu rasanina tesa-tesa nitulisiku hitu parenta lako nte i Pue Yesus.

1 Korintus 7:40

Nangoseaka panggavaku, masanapa ia ane ledo moberei mpanjili. Nau panggavaku mboto, niparasayaku Nosa Gasa nanggeniaka yaku.

Suro-Suro 15:19

I Yakobus nompapola tesana, “Jadi sampesuvu-sampesuvu, ivei panggavaku: nee rapakasusata katuvu ntona ledo toYahudi anu natundu nte Alatala.

Suro-Suro 15:8

Bo Alatala anu nangisani isi rara ntai manusia, nantarima tona ledo toYahudi. Nisanita, sabana nidekeiNa Nosa GasaNa ka ira, nasimbayu mpo nidekeiNa ka kita muni.

Suro-Suro 5:32

Kamimo hii sabina pura-pura kajadia haitu, kami bo Nosa Gasa anu nidekei nu Alatala ka pura-pura topangoseaka parentaNa.”

1 Tesalonika 4:8

Jadi isema-sema nombasapuaka pepatuduki hitu, ledo manusia nisapuakana tapi Alatala anu nombadekei Nosa GasaNa ka komiu nisapuakana.

1 Korintus 7:25

Ane pompekutanamiu ka tona dopa noberei, ledo ria parenta lako nte i Pue Yesus. Tapi kutesa ka komiu panggavaku mboto. Bo tesaku hitu masipato raparasayamiu sabana pompakule nidekei nTupu ka yaku lako ri pompotoveNa.

Suro-Suro 15:25

Haitumo sabana kami nolibu ri sii bo kami pura-pura nasintuvu nompelisi bara sako-ndua tona, bo nombatudu ira tou nte komiu mompasimbayu asele polibu kami. Ira tou singgani-nggani ante sampesuvuta i Barnabas bo i Paulus anu nipotove kami.

Matius 23:4

Ira aga nompakadea atura-atura bo ada-ada nakaja raoseaka bo ira nompasuu tona mangoseakana. Tapi ira mboto ledo nadota nombatulungi tona mangoseaka atura bo ada haitu.

Suro-Suro 16:4

Naupu i Timotius nisuna, nalaimo ira. Ri pura-pura ngata nikalaura nipasimbayura ka topangoseaka i Yesus kabotu polibu nu suro bo pakeni ntopomparasaya ri ngata Yerusalem. Bo nipatudukira tona hamai ala raoseakara atura-atura nipakatantu ri polibu haitu.