Suro-Suro 15:19 - Kaili Ledo19 I Yakobus nompapola tesana, “Jadi sampesuvu-sampesuvu, ivei panggavaku: nee rapakasusata katuvu ntona ledo toYahudi anu natundu nte Alatala. အခန်းကိုကြည့်ပါ။ |
Tapi tona ledo toYahudi anu nomparasaya i Yesus, nipakatu kamimo sura ka ira nompakatantu atura-atura anu paraluu raoseakara. Haitumo, ira ledo mamala mangande kandea nipesomba ka tupu-tupu ntanina, ledo mamala mangande raa bara mangande bau nu binata nikoje, bo ledo mamala mosampaturu ante tona ledo bereira mboto.”
Yaku nompatolele ka pura-pura tona, kita kana majea lako ri dosa-dosata bo mombadekei katuvuta ka Alatala. Ane kita mpuu-mpuu majea lako ri dosa-dosata haitu, kana rapopakitatamo ante pokainggu mabelo. Pamula-mulana nipatoleleku kareba haitu ka toYahudi ri ngata Damsyik, pade hau ri ngata Yerusalem bo njumangu bagia Yudea. Bo nitesaku muni ka tona ledo toYahudi.
Tapi naria tona ntanina madota mompasuu i Titus rasuna, nangoseaka atura agama Yahudi. Panguli ntona haitu, ira topomparasaya i Kristus, tano aga davara. Ira nesua nggalino-lino ri kasiromu kami bo nomata-matai kami. Patujura ala pura-pura topomparasaya matundu nte atura-atura agama Yahudi. Tapi kita ledo paraluu matundu nte atura-atura haitu ala majadi manoa ri panggita nu Alatala. Kita nikabasaka lako ri atura haitu sabana kita nosangu rara ante i Yesus Kristus.