Suro-Suro 14:21 - Kaili Ledo

²¹ Ri ngata Derbe, i Paulus bo i Barnabas nompatolele Kareba Belo bo nadea tona nomparasaya i Yesus. Naupu haitu nanjilimo ira randua hau ri ngata Listra. Lako ri ngata Listra hau ri ngata Ikonium pade napola hau ri ngata Antiokhia ri propinsi Pisidia.

Suro-Suro 14:21 ပူးပေါင်းရင်းမြစ်များ

Matius 28:19

Jadi koimo komiu, hau ri umba-umba ri dunia, mompatuduki tona lako ri umba-umba ngata majadi topangoseaka Yaku. Diumo ira ante kuasa nTuamata Alatala, Yaku AnaNa, bo Nosa Gasa.

Suro-Suro 13:14

Lako ri ngata Perga, i Paulus bo i Barnabas nompapola polipara hau ri ngata Antiokhia ri propinsi Pisidia. Ri eo penonto, hau ira nesua nonturo riara banua petupu ntoYahudi.

Suro-Suro 13:51

Jadi i Paulus bo i Barnabas nombasapulai sovu lako ri kadara, tandana tona haitu nipoara nu Alatala. Bo nalaimo ira hau ri ngata Ikonium.

Suro-Suro 14:1

Anu najadi ri ngata Antiokhia najadi munimo ri ngata Ikonium. I Paulus bo i Barnabas hau ri banua petupu ntoYahudi, bo ri sia nitesa-tesara ka tona sampe nadea toYahudi bo tona ledo toYahudi nomparasaya i Yesus.

Suro-Suro 14:15

“Nemo! Nee mpuu rasombamiu kami! Kami hii manusia biasa nasimbayu mpo komiu! Kami nakava ri sii mompatolele Kareba Belo ka komiu ala komiu mompalaisi kabiasamiu anu ledo naria gunana, evamo nombasomba viata-viata. Komiu kana metupu nte Alatala anu natuvu sampe ri kasae-saena. Iamo nompajadi langi, tana, tasi, bo pura-pura isina.

Suro-Suro 14:19

Naupu haitu, bara sako-ndua toYahudi lako ri ngata Antiokhia ri propinsi Pisidia bo muni lako ri ngata Ikonium nakava ri ngata Listra. ToYahudi haitu nantanara todea ri ngata Listra ala ira muni mangeva i Paulus sampe ira nombarempe i Paulus ante vatu bo niumbunjaira hau ri savaliku ngata. Niulira namatemo ia.

Suro-Suro 14:26

Ri sia ira nesavi kapala mbaso bo nanjili hau ri ngata Antiokhia ri propinsi Siria. Ri ngata Antiokhia haitumo nipanganggataka ira bara ipia bo niposambayaka ntopangoseaka i Yesus. Niposambayaka ala Alatala mompoasi bo mombajagai ira riara pokarajaara anu dako nipakaupura sii-sii.

Suro-Suro 14:6

Tapi nisani i Paulus bo Barnabas nia ntona haitu, jadi nalaimo ira hau ri bagia Likaonia, haitumo ri ngata Listra, ngata Derbe bo ri ngata-ngata ntanina ri bagia haitu.

Suro-Suro 14:7

Nipatolelera muni Kareba Belo i Yesus ri sia.

Suro-Suro 14:8

Ri ngata Listra naria saito langgai napunggu lako ri pompoanakame. Ia ledo sanggani nolipa sabana kadana ledo naroso.

Suro-Suro 15:36

Ledo nasae kaliuna haitu, i Paulus nanguli ka i Barnabas, “Hau kita manjili ri ngata-ngata nikalauta bara ipia nompatolele tesa nu Alatala. Kita kana hau manggita sampesuvu-sampesuvu anu nomparasaya i Yesus hamai, ala rakitata berimbamo katuvura.”

Suro-Suro 16:2

I Timotius nitoiya ntopomparasaya ri ngata Listra bo Ikonium pura-pura.

Suro-Suro 2:47

Ira nasaro nombatoiya Alatala bo pura-pura todea ntanina nompodamba ira. Bo eo-eo nantambai kadea ntona nipakasalama nu Alatala.

2 Timotius 3:11

Nipeintamu mbotomo berimba yaku naroo tempo yaku nipandasa bo nipakasusa evamo najadi ri karoku ri ngata-ngata Antiokhia, Ikonium, bo Listra bara ipia. Yaku mpuu-mpuu nipandasa, tapi Tupu bate-batena nompakasalama yaku lako ri pura-pura kasusaku haitu.