Suro-Suro 14:17 - Kaili Ledo

¹⁷ Tapi nau ivesia, ledo nalinga raraNa nombadekei tanda-tanda ka kita ala rasanita Iamo Alatala. Ia nabelo mpuu nte kita, nidekeiNa ka kita uda lako ri langi, bo asele panggaviata ri tempona. NidekeiNa kandea ka kita bo nipakadambaNa rarata.”

Suro-Suro 14:17 ပူးပေါင်းရင်းမြစ်များ

Matius 5:45

Ane komiu mokainggu ivehaitu, komiu majadi ana-ana nu Alatala, Tuamamiu ri suruga. Apa nipotoveNa pura-pura tona bo nipopebondaNa mata nu eo ka tona nadaa bo ka tona nabelo. Bo nidekeiNa uda ka tona nanoa bo ka tona natenggo muni.

Lukas 6:35

Kakanana ledo ivesia! Komiu kana mompotove balimiu, bo povia anu nabelo ka ira. Ane tona meada nte komiu, dekei ka ia bo nemo rapopea rapopanjilina. Ane ivesia pokainggumiu, naoge mpuu belo radekei ka komiu bo komiu majadi ana-ana nu Alatala toNeliu KaogeNa, apa Ia muni novia anu nabelo ka tona nadaa bo tona ledo nisanina notarima kasi.

Suro-Suro 14:18

Nau suro-suro notesa ivehaitu, sakidepa ledo nipakulera mombataamaka todea manggeni pesomba ka ira.

Suro-Suro 17:26

Lako ri saito manusia nipopomuliNa pura-pura todea ri dunia bo nituduNa ira hau monturo ri njumangu dunia. Lako ri pantepuuna nipakatantuNa ngata mbana raponturora, bo nipakatantuNa kasaena ira matuvu ri ngata haitu.

1 Timotius 6:17

Timotius, ulika tona nakalumana ri dunia hitu ala nee majadi malanga rarara bo nee aga manjarumaka mbara-mbara ri dunia anu sakide-sakide malipo. Ira kana manjarumaka Alatala anu nompopelabi-labi ka kita mpengaya-ngaya anu niparaluuta rapodamba-dambata.