Suro-Suro 14:1 - Kaili Ledo

¹ Anu najadi ri ngata Antiokhia najadi munimo ri ngata Ikonium. I Paulus bo i Barnabas hau ri banua petupu ntoYahudi, bo ri sia nitesa-tesara ka tona sampe nadea toYahudi bo tona ledo toYahudi nomparasaya i Yesus.

Suro-Suro 14:1 ပူးပေါင်းရင်းမြစ်များ

Yohanes 12:20

Ri tatanga ntodea hau metupu nte Alatala ri ngata Yerusalem tempo posusa Paskah haitu, naria muni bara sako-ndua toYunani.

Yohanes 7:35

Nangepe tesa i Yesus haitu, naingumo pakeni ntoYahudi. Nosimpekutanamo ira, “Hau ri umba tano Ia sampe ledo rakavata Ia? Bara hau nte toYahudi anu nonturo ri ngata-ngata ntona ledo toYahudi bo mompatuduki tona ledo toYahudi?

Suro-Suro 11:21

Kuasa nTupu naria nte ira sampe nadea toAntiokhia nomparasaya bo nombadekei katuvura ka i Pue Yesus.

Suro-Suro 13:43

Naupu puramo tona nesuvu lako ri banua petupu pangane, nadea toYahudi bo tona ntanina anu nesua agama Yahudi, nomporoa i Paulus bo i Barnabas. Suro-suro haitu nompakaroso rarara ala ira bate-batena manjarumaka kabelo nu Alatala.

Suro-Suro 13:46

Tapi i Paulus bo i Barnabas aga nantambai kabiara notesa ka ira ivei: “Masipato Tesa nu Alatala rapasimbayu ntani ruru ka komiu toYahudi. Tapi nipoaramiu tesa haitu. Nipakalantomiu mboto komiu ledo masipato manggava katuvu nabelo sampe ri kasae-saena. Sabana haitu, kami domo mompatolele tesa haitu ka komiu toYahudi! Hitupa kami hau nte tona ledo toYahudi,

Suro-Suro 13:5

Nakava ri ngata Salamis ri levuto Siprus, nipatoleleramo tesa nu Alatala ri banua petupu ntoYahudi. I Yohanes-Markus muni nantuntuni nantulungi ira ri polipara.

Suro-Suro 13:51

Jadi i Paulus bo i Barnabas nombasapulai sovu lako ri kadara, tandana tona haitu nipoara nu Alatala. Bo nalaimo ira hau ri ngata Ikonium.

Suro-Suro 14:19

Naupu haitu, bara sako-ndua toYahudi lako ri ngata Antiokhia ri propinsi Pisidia bo muni lako ri ngata Ikonium nakava ri ngata Listra. ToYahudi haitu nantanara todea ri ngata Listra ala ira muni mangeva i Paulus sampe ira nombarempe i Paulus ante vatu bo niumbunjaira hau ri savaliku ngata. Niulira namatemo ia.

Suro-Suro 14:2

Tapi toYahudi anu ledo nadota nomparasaya, aga nompakapane rara ntona ntanina ledo toYahudi sampe navuu matara nanggita topangoseaka i Yesus.

Suro-Suro 14:21

Ri ngata Derbe, i Paulus bo i Barnabas nompatolele Kareba Belo bo nadea tona nomparasaya i Yesus. Naupu haitu nanjilimo ira randua hau ri ngata Listra. Lako ri ngata Listra hau ri ngata Ikonium pade napola hau ri ngata Antiokhia ri propinsi Pisidia.

Suro-Suro 16:1

I Paulus bo i Silas nompapola polipara hau ri ngata Derbe, pade napola hau ri ngata Listra. Ri sia naria saito topangoseaka i Yesus nosanga i Timotius. Tinana toYahudi anu nomparasaya i Yesus munimo. Tapi tuamana toYunani.

Suro-Suro 16:2

I Timotius nitoiya ntopomparasaya ri ngata Listra bo Ikonium pura-pura.

Suro-Suro 17:12

Nadea ira toYahudi nomparasaya i Yesus, bo nadea muni toYunani anu naria nturona, nomparasaya muni, mombine bo langgai.

Suro-Suro 17:17

Jadi, ri banua petupu, ia nosinjula tesa ante toYahudi bo tona ntanina anu nombasomba Alatala. Ivesia muni ri potomu, eo-eo ia nosinjula tesa ante isema-sema naria ri sia.

Suro-Suro 17:4

Nangepe tesa i Paulus, bara sako-ndua toYahudi nomparasaya tesa haitu bo nantuntuni i Paulus bo i Silas. Ivesia muni toYunani, nadea natundu nte Alatala, bo mombine-mombine naria nturona ri ngata haitu, nadea muni nomparasaya.

Suro-Suro 18:4

Ri eo-eo penonto i Paulus hau ri banua petupu ntoYahudi notesa nosinjula pekiri ante tona nasiromu ri sia, toYahudi bo toYunani. Ia nompasimbuku nanggeni ira momparasaya i Yesus.

Suro-Suro 18:8

Pakeni ri banua petupu haitu nosanga i Krispus. Ira sambanua nomparasaya i Yesus muni. Nadea toKorintus ntanina nangepe kareba nikeni i Paulus, bo nomparasaya i Yesus bo nidiu, tandana ira topangoseaka i Yesus.

Suro-Suro 19:10

Aga ivesiamo nipovia i Paulus rompae kasaena, sampe pura-pura tona nonturo ri propinsi Asia, toYahudi bo tona ledo toYahudi, nangepe Tesa nTupu.

Suro-Suro 19:17

Pura-pura toYahudi bo tona ledo toYahudi, anu nonturo ri ngata Efesus nangepe kajadia haitu. Nokumaa puramo ira bo niulira i Pue Yesus nakuasa mpuu.

Suro-Suro 19:8

Talu-mbula kasaena i Paulus hau njuu ri banua petupu ntoYahudi ri ngata haitu. Ledo nakaja rarana nombatesa Poparenta nu Alatala bo nosinjula pekiri nte ira. Dotana ala ira momparasaya i Yesus.

Suro-Suro 2:47

Ira nasaro nombatoiya Alatala bo pura-pura todea ntanina nompodamba ira. Bo eo-eo nantambai kadea ntona nipakasalama nu Alatala.

Suro-Suro 20:21

Yaku nasaro nompainga komiu pura-pura, toYahudi bo tona ledo toYahudi, ala komiu majea lako ri dosamiu bo matundu nte Alatala bo momparasaya Tuputa Yesus.

Suro-Suro 21:28

bo nongare-ngare, “ToYahudi! Tulungimo kami! Hitumo tona hau ri umba-umba nompatuduki todea mangeva kita toYahudi. Nipatudukina tona mombabaliki Atura-atura agama anu nipapola Nabi Musa, bo nisalaina Banua nu Alatala hitu! Sii-sii nikenina tona ledo toYahudi nesua riara Banua nu Alatala nompakaruto ponturo nagasa hitu!”

Suro-Suro 9:20

Tempo haitu muni, ia kaliu-liu hau ri banua-banua petupu ntoYahudi ri Damsyik nompatolele kareba i Yesus ka toYahudi. Ia nanguli, “Yesusmo Ana nu Alatala!”

Roma 1:16

Ledo naeya mataku nompatolele Kareba Belo. Apa Kareba Belo haitu pareva nu Alatala mompakasalama pura-pura tona anu nomparasaya i Yesus, pamula-mulana toYahudi, bo muni tona ledo toYahudi.

Roma 10:12

Tesa-tesa hitu nambela ka pura-pura tona sabana ledo ria posisalana toYahudi bo tona ledo toYahudi. Aga saito Alatala, bo Ia Tupu nu manusia pura-pura. Ia nabelo raraNa nte pura-pura tona anu nekakai nte Ia.

Galatia 2:3

Tano ira nasituju nte pepatudukiku. Haitu nisaniku sabana i Titus, toYunani anu nosanggani ante yaku hamai, ledo nipasuura rasuna.

Galatia 3:28

Ri panggita nu Alatala domo ria posisalana toYahudi bo tona ledo toYahudi, batua bo tona ledo batua, langgai bo mombine. Komiu pura-pura nasimbayu ri panggitaNa sabana komiu nosangu rara ante i Yesus Kristus.

Kolose 3:11

Kita najadi manusia nabaru, jadi domo ria posisalana toYahudi bo tona ledo toYahudi. Tona nisuna nangoseaka ada agama Yahudi bo tona ledo nisuna, nasimbayu ri panggita nu Alatala. Alatala ledo nompelenje bara tosangatana bara toribulu bara batua bara tona ledo nipobatua. I Kristusmo nopoko, bo Iamo nonturo riara ntaita pura-pura.

2 Timotius 3:11

Nipeintamu mbotomo berimba yaku naroo tempo yaku nipandasa bo nipakasusa evamo najadi ri karoku ri ngata-ngata Antiokhia, Ikonium, bo Listra bara ipia. Yaku mpuu-mpuu nipandasa, tapi Tupu bate-batena nompakasalama yaku lako ri pura-pura kasusaku haitu.