Suro-Suro 13:5 - Kaili Ledo

⁵ Nakava ri ngata Salamis ri levuto Siprus, nipatoleleramo tesa nu Alatala ri banua petupu ntoYahudi. I Yohanes-Markus muni nantuntuni nantulungi ira ri polipara.

Suro-Suro 13:5 ပူးပေါင်းရင်းမြစ်များ

Matius 20:26

Tapi ledo mamala ivesia ante komiu. Isema-sema komiu madota majadi pakenimiu, ia kana majadi topotulungimiu.

Suro-Suro 12:12

Naupu nompekirika kajadia haitu, haumo ia ri banua i Maria, tina Yohanes-Markus. Ri banua haitu nadea tona nasiromu nosambaya.

Suro-Suro 12:25

Naupu i Barnabas bo i Saulus nanggeni pedekei ntoAntiokhia ka pakeni-pakeni ntopomparasaya ri ngata Yerusalem, nanjilimo ira hau ri ngata Antiokhia. Nikenira i Yohanes-Markus mosanggani-nggani nte ira.

Suro-Suro 13:14

Lako ri ngata Perga, i Paulus bo i Barnabas nompapola polipara hau ri ngata Antiokhia ri propinsi Pisidia. Ri eo penonto, hau ira nesua nonturo riara banua petupu ntoYahudi.

Suro-Suro 13:46

Tapi i Paulus bo i Barnabas aga nantambai kabiara notesa ka ira ivei: “Masipato Tesa nu Alatala rapasimbayu ntani ruru ka komiu toYahudi. Tapi nipoaramiu tesa haitu. Nipakalantomiu mboto komiu ledo masipato manggava katuvu nabelo sampe ri kasae-saena. Sabana haitu, kami domo mompatolele tesa haitu ka komiu toYahudi! Hitupa kami hau nte tona ledo toYahudi,

Suro-Suro 14:1

Anu najadi ri ngata Antiokhia najadi munimo ri ngata Ikonium. I Paulus bo i Barnabas hau ri banua petupu ntoYahudi, bo ri sia nitesa-tesara ka tona sampe nadea toYahudi bo tona ledo toYahudi nomparasaya i Yesus.

Suro-Suro 15:37

Nangepe haitu nasitujumo i Barnabas. Ia madota manggeni i Yohanes-Markus muni,

Suro-Suro 17:17

Jadi, ri banua petupu, ia nosinjula tesa ante toYahudi bo tona ntanina anu nombasomba Alatala. Ivesia muni ri potomu, eo-eo ia nosinjula tesa ante isema-sema naria ri sia.

Suro-Suro 18:4

Ri eo-eo penonto i Paulus hau ri banua petupu ntoYahudi notesa nosinjula pekiri ante tona nasiromu ri sia, toYahudi bo toYunani. Ia nompasimbuku nanggeni ira momparasaya i Yesus.

Suro-Suro 19:22

Jadi nituduna randua topotulungi ia mokolu ka ia hau ri propinsi Makedonia. Sangara randua haitu, i Timotius bo i Erastus. Tapi i Paulus mboto da nonturo bara sakuyapa kasaena ri propinsi Asia.

Suro-Suro 19:29

Kagado haitu natolele sampe ri njumangu ngata Efesus. Todea nombasaka i Gayus bo i Aristarkhus, haitumo randua roa i Paulus sampolipa lako ri propinsi Makedonia. Ira niumbunjai ntodea hau nesua ri tana lapa rangata haitu.

Suro-Suro 19:8

Talu-mbula kasaena i Paulus hau njuu ri banua petupu ntoYahudi ri ngata haitu. Ledo nakaja rarana nombatesa Poparenta nu Alatala bo nosinjula pekiri nte ira. Dotana ala ira momparasaya i Yesus.

Suro-Suro 9:20

Tempo haitu muni, ia kaliu-liu hau ri banua-banua petupu ntoYahudi ri Damsyik nompatolele kareba i Yesus ka toYahudi. Ia nanguli, “Yesusmo Ana nu Alatala!”

Kolose 4:10

Tabe lako nte i Aristarkhus anu nosanggani ante yaku nitarunggu ri sii. Bo tabe lako nte i Markus sampesuvu i Barnabas. Toramo anu nitevaiku ka komiu bara ipia: ane ia tou nte komiu ri situ, tarimamo ia ante mabelo.

2 Timotius 4:11

Damo i Lukas naboli ri sii nte yaku. Ane tumai iko ngena, tuusaka muni i Markus, sabana ia mamala mombatulungi pokarajaaku ri sii.