Suro-Suro 13:48 - Kaili Ledo

⁴⁸ Tempo tona ledo toYahudi ri sia nangepe tesa haitu, nadamba mpuu rarara bo niulira, “Nabelo mpuu Tesa nu Alatala!” Isema-sema nipelisi nu Alatala manggava katuvua mabelo sampe ri kasae-saena, iramo nomparasaya i Yesus.

Suro-Suro 13:48 ပူးပေါင်းရင်းမြစ်များ

Matius 25:46

Bo i Yesus nompakaupu tesaNa ante nanguli, “Pura-pura tona nadaa haitu rahuku sampe ri kasae-saena. Tapi tona nanoa, matuvu mabelo sampe ri kasae-saena.”

Matius 28:16

Bo haumo sapulu saito anaguru i Yesus ri sangu bulu ri bagia Galilea anu nipakatantu i Yesus ka ira.

Lukas 7:8

Nisaniku ia mabelo sabana yaku muni natundu ri parenta nu tuaku. Bo naria muni tantara-tantara natundu nte parentaku. Ane kuulika saito tantara, ‘Koimo’, ia kana hau. Ane kuulika tantara ntanina, ‘Katumai,’ ia kana tumai. Ane kuulika batuaku, ‘Povia anu haitu,’ kana rapoviana.”

Yohanes 10:16

Da nariapa bimba-bimbaKu ntanina anu dopa nesua riara gimpu hitu. Ira muni kana Kukeni tumai. Ira mombatalingai suaraKu bo pura-pura bimbaKu majadi salunu rapoevu ntona saito.

Yohanes 11:52

Bo ledo aga toYahudi, tapi nibotusina muni i Yesus mamate ka pura-pura ana-ana nu Alatala ntanina ri umba-umba ri dunia, ala ira rapasiromu majadi sangu.

Suro-Suro 13:12

Nanggita kajadia haitu, niparasaya nu gubernurmo i Yesus. Nokumaa mpuu ia nangepe tesa i Pue Yesus, anu nipepatudukika i Paulus bo Barnabas.

Suro-Suro 13:42

Naupu sia, nesuvumo i Paulus bo i Barnabas lako ri banua petupu bo niperapi ntodea ala manjili vai ira ri eo penonto meonga mompapola anu nitesara pangane.

Suro-Suro 15:2

Tapi i Paulus bo i Barnabas mpuu-mpuu nosinjanai nte ira bo nangeva pepatudukira. Jadi kaupuna, todea topomparasaya nompakatantu i Paulus bo i Barnabas ante bara sako-ndua topomparasaya ntanina lako ri sia, kana hau ri ngata Yerusalem ala molibu ante suro-suro bo pakeni ntopomparasaya ntanina hamai bo motesaki pepatuduki haitu.

Suro-Suro 15:31

Nadamba mpuu rara ntodea topomparasaya nobaca sura haitu, apa isi sura haitu nompakavoe rarara.

Suro-Suro 2:41

Naupu nangepe tesa i Petrus, nantambaimo kadea ntona nomparasaya i Yesus, bo ira nidiu, tandana ira topangoseaka Ia. Bo ri eo haitu tona nomparasaya i Yesus natetambai talu-njobu kadeana.

Suro-Suro 2:47

Ira nasaro nombatoiya Alatala bo pura-pura todea ntanina nompodamba ira. Bo eo-eo nantambai kadea ntona nipakasalama nu Alatala.

Suro-Suro 20:13

Kami nesavi kapala mbaso bo nokolu hau ri ngata Asos mosinggavaka i Paulus sumai. Nipakatantu i Paulus ivesia, apa ia madota modala ri kabatana.

Suro-Suro 22:10

Jadi nekutana vai yaku, ‘Nuapa masipato kupovia, Pue?’ Nesanamo i Pue, ‘Peanggamo! Koimo pesua ri ngata Damsyik. Hamai pade rauli ka iko pura-pura anu nipakatantu nu Alatala kana mupovia.’

Suro-Suro 28:23

Jadi nipakatantura eo rakasiromura ante i Paulus. Nanggavapa eo niovora, nadea tona nakava nasiromu ri banua i Paulus. Lako ri mpadondona sampe nggoviana i Paulus nombatesa Poparenta nu Alatala ka ira bo nombatentei pepatuduki i Yesus. Nibacana lako ri Buku Atura Agama nitulisi Nabi Musa bo Buku Nabi-nabi ntanina, ala rasanira tesana nakana bo raparasayara i Yesus mpuu-mpuu Magau Topepakasalama.

Suro-Suro 8:8

Jadi nadamba mpuumo rara ntona ri ngata Samaria.

Roma 11:7

Jadi, kambukuna, todea toYahudi nadota najadi nanoa ri panggita nu Alatala, tapi ledo nikavara anu nielora. Topanggavana aga sakide, haitumo tona nipelisi nu Alatala. ToYahudi ntanina aga nakaa bagara.

Roma 13:1

Pura-pura kita kana matundu nte pomarenta sabana ledo ria pomarenta anu ledo nanggava kuasana lako nte Alatala. Pura-pura pomarenta anu naria nipakakuasa nu Alatala.

Roma 8:28

Bara nuapa-nuapa majadi, nisanita Alatala nompasiayuna ala manggeni belo ka kita topompotove Ia, haitumo kita anu nipokioNa majadi todeaNa nangoseaka niaNa mboto.

1 Korintus 16:15

Sampesuvu-sampesuvu, natantu nisanimiumo i Stefanus sambanua. Ira tona pamulana nomparasaya i Yesus ri propinsi Akhaya, bo ira nompasimbuku ante mpuu-mpuu rarara mantulungi todea nu Alatala. Jadi sampesuvu-sampesuvu, kuperapi nte komiu ante mpuu-mpuu raraku,

Efesus 1:11

Alatala novia mpengaya-ngaya nangoseaka patujuNa bo pobotusiNa mboto. Jadi, nangoseaka pobotusiNa lako ri lamba pamulana, Alatala nompelisi kita, apa patujuNa kita majadi todeaNa lako ri posangu rarata nte i Kristus.

Efesus 1:19

Yaku nerapi ala rasanimiu kaoge nu kuasaNa anu nipokumaaka, anu nombatulungi kita topomparasaya Ia.

Efesus 1:4

Dopame dunia nipajadi, Alatala nompelisi kita majadi todeaNa anu nosangu rara nte i Kristus. Kita nipelisiNa majadi todea anu matuvu magasa bo ledo maria salata ri panggitaNa.

Efesus 1:5

Lako ri lamba pamulana Ia nompakatantu manganggataka kita majadi ana-anaNa sabana Ia nompotove kita. Kita najadi ana-anaNa lako ri kamate i Yesus Kristus, sabana haitumo nia bo dota nu Alatala mami lako ri pamulana.

2 Tesalonika 3:1

Kapolana, sampesuvu-sampesuvu, posambayakamo kami. Perapi nte Alatala ala TesaNa masalisa matolele bo ratarima mabelo, mpo anu najadi nte komiu bara ipia.