Suro-Suro 13:47 - Kaili Ledo

⁴⁷ apa Tupu nomparenta ka kami ivei: ‘NipelisiKu iko majadi reme anu mombavanta tona ledo toYahudi, ala rasani ntona ri umba-umba ri dunia, Alatala mompakasalama manusia.’ ” Yesaya 49:6; 42:6

Suro-Suro 13:47 ပူးပေါင်းရင်းမြစ်များ

Matius 28:19

Jadi koimo komiu, hau ri umba-umba ri dunia, mompatuduki tona lako ri umba-umba ngata majadi topangoseaka Yaku. Diumo ira ante kuasa nTuamata Alatala, Yaku AnaNa, bo Nosa Gasa.

Markus 16:15

NiulikaNa ira, <

Lukas 2:32

Iamo reme nombavanta rara ntai manusia pura-pura anu dopa nosisani nte Komiu, ala raparasayara Komiu. Bo Iamo sabana todeaMiu toIsrael rabila nu manusia pura-pura.”

Lukas 24:47

Kareba Belo kana rapatolele ka pura-pura manusia; ala ira majea lako ri dosara bo Alatala mombaampungi ira sabana anu nipovia nu Magau Topepakasalama. Kareba haitu kana rapatolele mompamula lako ri ngata Yerusalem hitu sampe ri njumangu dunia.

Suro-Suro 1:8

Tapi komiu manggava kuasa ane Nosa Gasa nu Alatala manau nte komiu. Bo komiu mompatolele karebaKu ka tona ri ngata Yerusalem, ri bagia Yudea bo Samaria, sampe ri njumangu dunia.”

Suro-Suro 22:21

Tapi nanguli vaimo i Pue ka yaku, ‘Koimo. Yaku nantudu iko hau ri ngata-ngata nakavao, nte tona ledo toYahudi.’ ”

Suro-Suro 26:23

haitumo, Magau Topepakasalama anu nijanji nu Alatala, kana mombarasai susa bo mamate. Ia kana majadi tona paratama anu namate bo natuvu mpanjili ala rakeniNa reme ka pura-pura manusia, ka toYahudi bo tona ledo toYahudi, ala rasanira berimbana Alatala mompakasalama manusia.”

Suro-Suro 9:15

Tapi nanguli i Pue, “Koimo! Apa nipelisiKumo ia mokarajaa ka Yaku mompatolele karebaKu ka tona ledo noagama Yahudi, ka magau-magau bo ka todea toIsrael muni.