Suro-Suro 13:32 - Kaili Ledo

³² Jadi sampesuvu-sampesuvu, sii-sii kami nakava mompatolele Kareba Belo hitu ka komiu. Anu nijanji nu Alatala ka totua-totuata nggaulu,

Suro-Suro 13:32 ပူးပေါင်းရင်းမြစ်များ

Lukas 1:19

Nesana malaeka, “Yakumo hii Gabriel. Yaku nasaro nipojoa ri ngayo nu Alatala! Yaku niposumbaNa mompasimbayu kareba belo hitu ka iko.

Lukas 2:10

Tapi nanguli malaeka ka ira, “Nee maeka, apa yaku nakava nanggeni kareba belo ka komiu pura-pura, bo kareba haitu mompakadamba pura-pura tona.

Suro-Suro 10:36

Sampesuvu-sampesuvu, nisanimiu mbotomo isi kareba nipasimbayu nu Alatala ka kami toIsrael. Kareba haitu nanguli i Yesus Kristus anu nompoposinggabelo manusia ante Alatala. I Yesusmo Tuputa pura-pura, ledo aga Tupu ntoYahudi.

Suro-Suro 13:23

Lako ri muli i Daud, Alatala nompelisi ka toIsrael saito Magau Topepakasalama nangoseaka pojanjiNa nggaulu, haitumo i Yesus.

Suro-Suro 13:38

Jadi sampesuvu-sampesuvu, kami nompopaisani ka komiu dosamiu namala raampungi nu Alatala sabana anu najadi nte i Yesus.

Suro-Suro 14:15

“Nemo! Nee mpuu rasombamiu kami! Kami hii manusia biasa nasimbayu mpo komiu! Kami nakava ri sii mompatolele Kareba Belo ka komiu ala komiu mompalaisi kabiasamiu anu ledo naria gunana, evamo nombasomba viata-viata. Komiu kana metupu nte Alatala anu natuvu sampe ri kasae-saena. Iamo nompajadi langi, tana, tasi, bo pura-pura isina.

Suro-Suro 26:6

Hitupa yaku neangga ri ngayomiu ri sii ratangara, sabana yaku nanjarumaka Alatala mompakadupa pojanjiNa ka totua kami nggaulu.

Suro-Suro 3:19

Jadi sampesuvu-sampesuvu, komiu kana majea lako ri dosa-dosamiu bo matundu nte Alatala ala dosa-dosamiu ralelakaNa.

Suro-Suro 5:42

Bo eo-eo ri Banua nu Alatala bo muni ri banua-banua ntona, ira nompatolele Kareba Belo bo nompatuduki ka tona i Yesusmo Magau Topepakasalama anu nijanji nu Alatala.

Roma 1:2

Kareba haitu nijanjiNa nggaulu bo nipopaisaniNa ka nabi-nabiNa. Pura-pura haitu nitulisi riara Buku Gasa.

Roma 10:15

Bo berimba munimo tona mompatolele Kareba Belo ane dopa ria tona mombasuro ira manggeni kareba haitu? Riara Buku Gasa nitulisi ivei: <> Yesaya 52:7

Roma 4:13

Tempo nggaulu Alatala nojanji ka i Abraham bo muli-mulina, dunia majadi bagiara. Alatala nojanji ivesia ledo sabana i Abraham nangoseaka Atura-atura agama, tapi sabana niparasayana Alatala bo Alatala nombareke ia nanoa ri panggitaNa.

Roma 9:4

Iramo toIsrael, todea nu Alatala, anu nantarima mpengaya belo lako nte Ia. NianggatakaNa ira najadi ana-anaNa mboto bo nipopakitakaNa ka ira kuasaNa bo kaogeNa. NipoviaNa pojanji nte ira, bo nidekeikaNa Atura-atura agama ka ira. NipatudukikaNa ka ira ada-ada metupu nte Ia. Nadea mpuu janji nu Alatala ka toIsrael.