Suro-Suro 13:29 - Kaili Ledo

²⁹ Naupu nipandasara i Yesus, evamo nitulisi ri Buku Gasa, karobataNa nitoraka lako ri kayu salib bo niboli riara nu dayo.

Suro-Suro 13:29 ပူးပေါင်းရင်းမြစ်များ

Markus 15:42

Eo haitu nambela eo pompasadia ka eo penonto, apa mailena eo penontomo. Uru nggovia haitu,

Lukas 23:50

Naria langgai nosanga i Yusuf, lako ri ngata Arimatea ri bagia Yudea. Ia tona nabelo bo pokaingguna nanoa. Ia nantongoraka tempona Alatala moparenta mpo Magau. Ia saito lako ri Polibu Mbaso Agama Yahudi tapi ledo nasituju ia ante potangara bo poviara nompatesi i Yesus.

Lukas 23:53

Nitaurakana karobata i Yesus lako ri kayu salib, pade nisompuna ante kae gandisi nabelo. Naupu haitu nibolina karobata i Yesus riara dayo, ri vatu nipaa. Dayo haitu da nabaru dopa ria sanggani nipodayo.

Lukas 24:44

Naupu haitu, niuliNamo ka ira, “Hitumo niuliKu ka komiu bara ipia tempo Yaku da naria nosanggani ante komiu. Pura-pura anu niboto nu nabi-nabi nggaulu nantesaki Yaku, kana rapakadupa. Haitumo, anu nitulisi ri Buku Atura Agama nitulisi Nabi Musa, Buku Nabi-nabi ntanina, bo Buku Mazmur.”

Yohanes 19:28

Nisani i Yesus naupu puramo bagoNa. Jadi notesamo Ia ala madupa tesa nitulisi riara Buku Gasa. NiuliNa, “Nabai tamboloKu.”

Yohanes 19:30

Naupu i Yesus nompetami uve anggur napoi haitu niuliNamo, “Naupu puramo.” Naupu haitu notunggamo Ia bo naponjimo.

Suro-Suro 13:27

Tona nonturo ri ngata Yerusalem bo pakeni-pakenira ledo nisanira i Yesus Magau Topepakasalama. Ledo muni nisanira batuana pepatuduki nu nabi-nabi anu nibaca ka ira ri eo-eo penonto. Haitumo sampe nihukura mate i Yesus. Bo poviara haitu nompakadupa anu niboto nu nabi-nabi pangane!

Suro-Suro 2:23

I Yesus haitu nidekei nu Alatala ka komiu bo nipatesimiu. Ia nidekeimiu ka tona nadaa nombapaku ri kayu salib. Tano mai, anu najadi haitu nangoseaka nia nipakatantu nu Alatala lako ri pamulana, apa nisaniNa mami lako ri pamulana anu majadi ante i Yesus.

Suro-Suro 26:22

Tapi sampe sii-sii yaku da nisaliku nu Alatala sampe da namalapa yaku neangga nosabi ka pura-pura tona, tona nalanga panggana bo todea biasa. Anu nitesaku hitu ledo nosisala ante anu niboto i Musa bo nabi-nabi ntanina nggaulu,

Suro-Suro 4:28

Ira nasintuvu nompatesi i Yesus. Tapi kakanana anu nipoviara aga nompakadupa anu nipakatantuMiu mami lako ri pamulana nangoseaka kuasaMiu bo dotaMiu.

Suro-Suro 5:30

Komiu nantudu tona mompatesi i Yesus bo mombapaku Ia ri kayu salib. Tapi Alatala anu nisomba ntotuata nggaulu, Iamo nompakatuvu i Yesus mpanjili lako ri kamateNa.

1 Korintus 15:4

Ia nitana ri dayo, bo ri eo katataluna nipakatuvu mpanjili bo haitu muni najadi nangoseaka anu nitulisi riara Buku Gasa.