Suro-Suro 13:2 - Kaili Ledo

² Naria saeo, todea topomparasaya pura-pura nosambaya bo nombatoiya Alatala bo nopuasa. Nosa Gasa nu Alatala nanguli ka ira, “Pelisi bo patani ka Yakumo i Barnabas bo i Saulus mantui pokarajaa nipakatantuKu ka ira.”

Suro-Suro 13:2 ပူးပေါင်းရင်းမြစ်များ

Matius 17:21

Tapi seta eva haitu pangane aga namala rapopalai ane komiu nosambaya bo nopuasa.”

Matius 6:16

“Ane komiu mopuasa nee molenje naburu eva kabiasa ntona aga nabelo ri sumba. Nitunggaira nompakaburu lenjera ala rasani ntodea ira nopuasa. Pariaramo tesaKu hitu! Nikavaramo pura-pura tambo nu puasara haitu. Domo ria ntanina.

Matius 9:38

Jadi perapimo nte Alatala tupu ntalua, ala ratuduNa tona hau mokato ri taluaNa.”

Lukas 10:1

Naliutaka haitu, i Pue Yesus nompelisi pitupulu topangoseaka Ia ntanina. Tona pitupulu haitu nituduNa randua-randua samporoa mokolu ka Ia hau ri pura-pura ngata rakalauNa.

Lukas 2:37

natimbalamo ia. Nau natimbalamo, ledo nipalaisina Banua nu Alatala. Eo bongi ia netupu nte Alatala ante nosambaya bo nopuasa. Tempo haitu i Hana noumuru valupulu bo pata-mpaemo.

Suro-Suro 10:19

I Petrus da nompekirika batuana anu nipopakita ka ia pangane, Nosa Gasa nu Alatala nanguli ka ia, “Petrus, naria tatalu tona nakava nompaelo iko.

Suro-Suro 10:30

Nesanamo i Kornelius, “Talu-mbongi naliu, nitasere jaa ivehitu muni, tinti tatalu ede eo, yaku nosambaya ri banuaku. Sampesanika naria saito malaeka nikitaku neangga ri ngayoku. Pakeana nenggila-nggila.

Suro-Suro 13:3

Jadi naliu ira nopuasa bo nosambaya, nidikara palera ri balengga i Barnabas bo i Saulus, bo nianggatakara majadi suro mompatolele Kareba Belo.

Suro-Suro 13:4

Jadi naupu i Barnabas bo i Saulus nitudu nu Nosa Gasa, hau ira ri pesampo Seleukia bo nesavi kapala hau ri levuto Siprus.

Suro-Suro 14:26

Ri sia ira nesavi kapala mbaso bo nanjili hau ri ngata Antiokhia ri propinsi Siria. Ri ngata Antiokhia haitumo nipanganggataka ira bara ipia bo niposambayaka ntopangoseaka i Yesus. Niposambayaka ala Alatala mompoasi bo mombajagai ira riara pokarajaara anu dako nipakaupura sii-sii.

Suro-Suro 20:28

Komiu kana mombajagai karomiu mboto. Jagai muni todea topomparasaya, anu niparasayaka Nosa Gasa ka komiu. Komiu kana mompiara todea nu Alatala, nasimbayu mpo topoevu nompiara bimbana. Apa Tuputa Yesus namate bo raaNa natiti mombasompo dosata ala kita majadi todeaNa.

Suro-Suro 22:21

Tapi nanguli vaimo i Pue ka yaku, ‘Koimo. Yaku nantudu iko hau ri ngata-ngata nakavao, nte tona ledo toYahudi.’ ”

Suro-Suro 4:36

Ivesia muni nipovia i Yusuf. Nipobaluna tanana bo doi haitu nikenina bo nidekeina ka suro-suro i Yesus. I Yusuf haitu toLewi lako ri levuto Siprus. Suro-suro nombadae ia i Barnabas, batuana, “topompakavoe rara ntona.”

Suro-Suro 6:4

Bo ivesiamo kami suro-suro mamala mombatui bago kami mboto, haitumo mosambaya ka Alatala bo mompatolele tesaNa.”

Suro-Suro 8:29

Jadi Nosa Gasa nanguli ka i Filipus, “Koi ragamo doka ntona hautu.”

Suro-Suro 9:15

Tapi nanguli i Pue, “Koimo! Apa nipelisiKumo ia mokarajaa ka Yaku mompatolele karebaKu ka tona ledo noagama Yahudi, ka magau-magau bo ka todea toIsrael muni.

Roma 1:1

Sampesuvu-sampesuvu ri ngata mbaso Roma: Sura hitu lako nte yaku i Paulus, batua i Yesus Kristus. Alatala nompelisi bo nombasuro yaku mompatolele Kareba Belo lako nte Ia.

Roma 10:15

Bo berimba munimo tona mompatolele Kareba Belo ane dopa ria tona mombasuro ira manggeni kareba haitu? Riara Buku Gasa nitulisi ivei: <> Yesaya 52:7

Roma 15:16

Ia nanganggataka yaku nokarajaa ka i Yesus Kristus nanggeni karebaNa ka tona ledo toYahudi. Bo pokarajaaku haitu namala rarapaka pokarajaa ntopanggeni pesomba, sabana yaku nompatolele Kareba Belo lako nte Alatala ka tona ledo toYahudi, bo ira anu nomparasaya i Kristus nirekeku pesomba nipesombaku ka Alatala. Bo pesombaku haitu tantu nitarima nu Alatala sabana Nosa Gasa nompakagasa ira bo nompatani ira majadi bagia nu Alatala.

1 Korintus 12:11

Pura-pura haitu nipovia nu Nosa Gasa sangu haitu. Ia nobagi pompakule-pompakule simbo ntanina, nangoseaka dota nu Nosa Gasa mboto.

1 Korintus 7:5

Nee mogaa mosampaturu ane ledo ria posimpoiyomiu njamboko. Ane rapana komiu mangelo loga mosambaya, ledo makuya komiu mogaa mosampaturu bara sakuya kasaena ane raposimpoiyomiu njamboko. Tapi ane maupumo tempo nipakatantu haitu, komiu kana manjili mosampaturu ala nee komiu rapesori Magau nu Seta mogau sala sabana komiu ledo mamala mantaamaka dota raramiu.

2 Korintus 11:27

Nabundumo yaku nokarajaa ntamo. Nadea ngganimo yaku ledo nakapo namonjo, ledo nangande, ledo nanginu. Nadea ngganimo yaku nombatidamaka ara ntai bo nindi bo ledo nagana pakea.

2 Korintus 6:5

Kami niboba bo nisuaraka riara ntarunggu. Todea nonasu nangeva kami, kami nokarajaa ntamo, biasa kami ledo namonjo, biasa ledo nangande.

Galatia 1:15

Tapi dopame yaku nipoanaka, Alatala nompelisi yaku bo nompokio yaku majadi suroNa lako ri kabelo nu raraNa.

Efesus 3:7

Lako ri kabelo nu raraNa, Alatala nombadekei ka yaku pokarajaa nompatolele Kareba Belo. Bo lako ri kuasaNa anu nokarajaa riara ntaiku, nipopompakuleNa yaku mompapola pokarajaa haitu.

Kolose 4:17

Bo ulika i Arkhipus ivei: “Pakaupumo pokarajaa nidekei nu Alatala ka iko!”

1 Timotius 2:7

Bo haitumo sabana yaku nianggataka nu Alatala majadi suroNa. NituduNa yaku hau mompatolele Kareba Belo ka tona ledo toYahudi. NituduNa yaku mompatuduki pepatuduki nakana ka ira ala raparasayara i Yesus. Anu nitesaku hitu nakana mpuu, yaku ledo nodava!

2 Timotius 1:11

Yaku nianggataka nu Alatala majadi suroNa ala mompatolele bo mompatuduki Kareba Belo haitu ka tona ledo toYahudi.

2 Timotius 2:2

Niepemumo pepatudukiku bo nadea tona ntanina nangepe bo nosabikina muni. Jadi pepatuduki haitu kana mupatuduki ka tona anu namala raparasaya bo anu nompakule mompatuduki tona ntanina.

2 Timotius 4:11

Damo i Lukas naboli ri sii nte yaku. Ane tumai iko ngena, tuusaka muni i Markus, sabana ia mamala mombatulungi pokarajaaku ri sii.

2 Timotius 4:5

Haitumo sampe niuliku ka iko, Timotius, iko kana mombakuasai karomu mboto nau bara nuapa majadi. Tidamakamo tempo nasusa. Pasimbukumo mompatolele Kareba Belo, bo povia puramo pokarajaa niparasaya nu Alatala ka iko.

Ibrani 5:4

Ledo ria saitoa tona nanganggataka karona mboto majadi Pakeni nTopanggeni Pesomba, tapi ia nipelisi bo nianggataka nu Alatala, nasimbayu mpo i Harun nggaulu nipelisi bo nianggataka nu Alatala majadi Pakeni nTopanggeni Pesomba ka toYahudi.