Suro-Suro 13:15 - Kaili Ledo

¹⁵ Naupu nibaca sanggoto lako ri Buku Atura Agama bo Buku Nabi-nabi, pakeni-pakeni ri banua petupu haitu nantudu tona hau mompekutana i Paulus nte roana, “Sampesuvu-sampesuvu, ane maria tesamiu mompakaroso pomparasaya ntodea gahitu, radekei kami loga ka komiu motesa ka kami.”

Suro-Suro 13:15 ပူးပေါင်းရင်းမြစ်များ

Markus 5:22

Da ri tinggi rano Ia, nakavamo saito pakeni ri banua petupu ntoYahudi nosanga i Yairus. Tempo nikitana i Yesus, nantaputumo ia ri kadaNa

Lukas 16:16

Atura-atura agama nidekei Nabi Musa ka kita, bo pepatuduki nu nabi-nabi ntanina rapake sampe peonga i Yohanes Topediu. Nompamula lako ri tempo i Yohanes haitu, Kareba Belo anu notesa Poparenta nu Alatala, nipatolele njuu. Bo tona nompasimbuku mpuu majadi todea nu Alatala.

Suro-Suro 1:16

“Sampesuvu pura-pura. Anu nitulisi riara Buku Gasa nombatesa i Yudas kana madupa. Tempo nggaulu Magau Daud nompasimbayu tesa nu Nosa Gasa nanguli i Yudas manggeni tona mosaka i Yesus.

Suro-Suro 13:27

Tona nonturo ri ngata Yerusalem bo pakeni-pakenira ledo nisanira i Yesus Magau Topepakasalama. Ledo muni nisanira batuana pepatuduki nu nabi-nabi anu nibaca ka ira ri eo-eo penonto. Haitumo sampe nihukura mate i Yesus. Bo poviara haitu nompakadupa anu niboto nu nabi-nabi pangane!

Suro-Suro 15:21

Aga atura-atura haitu raperapita raoseakara ala mombajagai kasintuvura nte toYahudi, sabana nompamula lako ri nggauluname, Atura-atura i Musa haitu nipatolelemo ri pura-pura ngata, bo nibaca ri eo-eo penonto ri banua-banua petupu ntoYahudi.”

Suro-Suro 15:7

Nasae mpuu ira nosinjula pekiri. Kaupuna neanggamo i Petrus bo nanguli, “Sampesuvu-sampesuvu! Nisanimiu mboto bara sakuya kasaena naliu, Alatala nompelisi yaku lako nte komiu mompatolele Kareba Belo ka tona ledo toYahudi ala ira muni mangepe bo momparasaya.

Suro-Suro 18:17

Nesuvupa ira, nisakaramo pakeni ri banua petupu ntoYahudi anu nosanga i Sostenes, bo nibobara ia ri ngayo banua potangara. Tapi Gubernur Galio ledo ntoto nipeilina.

Suro-Suro 18:8

Pakeni ri banua petupu haitu nosanga i Krispus. Ira sambanua nomparasaya i Yesus muni. Nadea toKorintus ntanina nangepe kareba nikeni i Paulus, bo nomparasaya i Yesus bo nidiu, tandana ira topangoseaka i Yesus.

Suro-Suro 2:29

I Petrus nompapola tesana ivei; “Sampesuvu-sampesuvuku, kuuli pakalanto ka komiu, i Daud, magau ntotuata namate bo nitana. Dayona da namala nikita sampe eo hitu. Jadi natantu ledo karobatana mboto anu nipatujuna.

Suro-Suro 2:37

Tempo todea nangepe tesa i Petrus haitu, nasilonto ntoto riarara. Bo nipekutanara nte i Petrus bo suro-suro ntanina, “Sampesuvu-sampesuvu, ane ivesia, nuapa masipato rapovia kami?”

Suro-Suro 2:4

Ira pura-pura nikuasai Nosa Gasa nu Alatala bo nompamulamo notesa ante mpengaya basa ntanina nisovadakara nangoseaka anu nidekei nu Nosa Gasa ka ira.

Suro-Suro 20:2

Riara mpolipana, ia nompesayo ngata-ngata ri Makedonia bo nompakaroso rara ntopomparasaya hamai ante mpengaya-ngaya pepangajari. Naupu haitu, napolamo ia hau ri propinsi Akhaya, tana ntoYunani.

Suro-Suro 22:1

“Sampesuvu-sampesuvu pura-pura. Epemo tesaku manjaliku karoku hitu!”

Suro-Suro 4:36

Ivesia muni nipovia i Yusuf. Nipobaluna tanana bo doi haitu nikenina bo nidekeina ka suro-suro i Yesus. I Yusuf haitu toLewi lako ri levuto Siprus. Suro-suro nombadae ia i Barnabas, batuana, “topompakavoe rara ntona.”

Suro-Suro 7:2

Nesana i Stefanus, “Totua-totua bo sampesuvu-sampesuvu. Epemo tesaku hitu. Dopame i Abraham totuata nggaulu nolinja hau ri ngata Haran, tempo ia da nonturo ri tana Mesopotamia, Alatala toNeliu KaogeNa nakava nte ia.

Roma 12:8

Isema-sema nidekeika pompakule mompakaroso rara ntona ntanina, kana rapakarosona mpuu-mpuu. Isema-sema nidekeika pompakule mombadekei anu naria nte ia ka tona ntanina, kana radekeina ante joi rarana. Isema-sema nidekeika pompakule manggeniaka todea, kana rakeniakana ira ante rarana mpuu-mpuu. Isema-sema nidekeika pompakule mompoasi tona nandasa, kana rapoasina ante damba rarana.

1 Korintus 14:3

Tapi ane tona nompasimbayu tesa nu Alatala, ia notesa ka manusia bo tesana haitu nompakaroso rara roa ntanina bo nompakadidi rarara, bo nompakavoe rarara.

2 Korintus 3:14

Pekiri ntoIsrael haitu natetutui muni, ledo nisanira batuana anu najadi nte i Musa. Sampe sii-sii ane Atura-atura nokolu haitu rabaca ka ira, ledo nisanira mpuu batuana. Namala raulita da naria anu nombasalibumbuni pekirira. Pekiri manusia nisalibumbuni ivesia aga namala rabuka ane tona haitu mosangu rara ante i Kristus.

1 Tesalonika 2:3

Kami ledo nombaunaka komiu mangoseaka pepatuduki nasala. Ledo muni naria patuju nadaa riara ntai kami bo ledo muni kami nopatuju mombabagiu tona.

Ibrani 13:22

Sampesuvu-sampesuvu, kuperapi nte komiu posabaramo mangepe tesa nitulisiku hitu, sabana suraku hitu ledo nandoe ntoto.