Suro-Suro 13:14 - Kaili Ledo

¹⁴ Lako ri ngata Perga, i Paulus bo i Barnabas nompapola polipara hau ri ngata Antiokhia ri propinsi Pisidia. Ri eo penonto, hau ira nesua nonturo riara banua petupu ntoYahudi.

Suro-Suro 13:14 ပူးပေါင်းရင်းမြစ်များ

Lukas 4:16

I Yesus hau ri Nazaret, ri ngata pompakambaso Ia. Nangoseaka kabiasaNa ri eo penonto, Ia nesua ri banua petupu, bo neangga nombabaca isi Buku Gasa.

Suro-Suro 13:42

Naupu sia, nesuvumo i Paulus bo i Barnabas lako ri banua petupu bo niperapi ntodea ala manjili vai ira ri eo penonto meonga mompapola anu nitesara pangane.

Suro-Suro 13:44

Eo penonto sunjuna haitu, pura-pura tona riara ngata haitu nasiromu mangepe tesa nu Alatala.

Suro-Suro 13:46

Tapi i Paulus bo i Barnabas aga nantambai kabiara notesa ka ira ivei: “Masipato Tesa nu Alatala rapasimbayu ntani ruru ka komiu toYahudi. Tapi nipoaramiu tesa haitu. Nipakalantomiu mboto komiu ledo masipato manggava katuvu nabelo sampe ri kasae-saena. Sabana haitu, kami domo mompatolele tesa haitu ka komiu toYahudi! Hitupa kami hau nte tona ledo toYahudi,

Suro-Suro 13:5

Nakava ri ngata Salamis ri levuto Siprus, nipatoleleramo tesa nu Alatala ri banua petupu ntoYahudi. I Yohanes-Markus muni nantuntuni nantulungi ira ri polipara.

Suro-Suro 14:19

Naupu haitu, bara sako-ndua toYahudi lako ri ngata Antiokhia ri propinsi Pisidia bo muni lako ri ngata Ikonium nakava ri ngata Listra. ToYahudi haitu nantanara todea ri ngata Listra ala ira muni mangeva i Paulus sampe ira nombarempe i Paulus ante vatu bo niumbunjaira hau ri savaliku ngata. Niulira namatemo ia.

Suro-Suro 16:13

Ri eo penonto ntoYahudi, kami hau ri tinggi binangga ri savaliku bobaa nu ngata, sabana nisarumaka kami hamai rakasiromu ntoYahudi mosambaya. Jadi kami nonturo notesa-tesa ante mombine-mombine nasiromu ri sia.

Suro-Suro 17:2

Jadi i Paulus hau ri banua petupu haitu nangoseaka kabiasana bo nosinjula pekiri ante tona nasiromu ri sia. Talu-minggu nosunju-sunju ri eo penonto, ia notesa isi Buku Gasa ka ira.

Suro-Suro 18:4

Ri eo-eo penonto i Paulus hau ri banua petupu ntoYahudi notesa nosinjula pekiri ante tona nasiromu ri sia, toYahudi bo toYunani. Ia nompasimbuku nanggeni ira momparasaya i Yesus.

Suro-Suro 19:8

Talu-mbula kasaena i Paulus hau njuu ri banua petupu ntoYahudi ri ngata haitu. Ledo nakaja rarana nombatesa Poparenta nu Alatala bo nosinjula pekiri nte ira. Dotana ala ira momparasaya i Yesus.

Suro-Suro 9:20

Tempo haitu muni, ia kaliu-liu hau ri banua-banua petupu ntoYahudi ri Damsyik nompatolele kareba i Yesus ka toYahudi. Ia nanguli, “Yesusmo Ana nu Alatala!”

2 Timotius 3:11

Nipeintamu mbotomo berimba yaku naroo tempo yaku nipandasa bo nipakasusa evamo najadi ri karoku ri ngata-ngata Antiokhia, Ikonium, bo Listra bara ipia. Yaku mpuu-mpuu nipandasa, tapi Tupu bate-batena nompakasalama yaku lako ri pura-pura kasusaku haitu.