Suro-Suro 13:12 - Kaili Ledo

¹² Nanggita kajadia haitu, niparasaya nu gubernurmo i Yesus. Nokumaa mpuu ia nangepe tesa i Pue Yesus, anu nipepatudukika i Paulus bo Barnabas.

Suro-Suro 13:12 ပူးပေါင်းရင်းမြစ်များ

Matius 27:54

Tempo balengga ntantara nu Magau Mbaso bo tantara-tantarana anu nombajagai i Yesus ri sia, nombarasai lingu mbaso haitu bo nanggita mpengaya-ngaya anu najadi, naeka mpuumo rarara. Niulira, “Tona hitu mpuu-mpuu Ana nu Alatala!”

Lukas 4:22

Pura-pura tona ri sia nokumaa nangepe Ia, sabana nabelo mpuu anu niuliNa. Niulira, “Nabelo mpuu anu nitesaNa! Berimba bo mamala Ia motesa ivehaitu? Ia aga ana i Yusuf!”

Lukas 7:16

Tona nanggita kajadia haitu, naeka puramo bo nitoiyara Alatala ivei: “Nabi nakuasa neumba ri tatangata! Alatala mpuu-mpuu nakavamo mombatulungi todeaNa!”

Yohanes 7:46

Nesanamo topojaga Banua nu Alatala haitu, “Dopa naria niepe kami tona notesa mpo Ia.”

Suro-Suro 13:48

Tempo tona ledo toYahudi ri sia nangepe tesa haitu, nadamba mpuu rarara bo niulira, “Nabelo mpuu Tesa nu Alatala!” Isema-sema nipelisi nu Alatala manggava katuvua mabelo sampe ri kasae-saena, iramo nomparasaya i Yesus.

Suro-Suro 13:49

Bo Tesa nu Alatala natolele ri umba-umba ri bagia haitu.

Suro-Suro 15:35

I Paulus bo i Barnabas muni nonturo bara sakuya kasaena ri ngata Antiokhia. Ri sia ira nompatuduki bo nompatolele tesa i Pue Yesus, nosanggani-nggani ante roa deara ntanina.

Suro-Suro 15:36

Ledo nasae kaliuna haitu, i Paulus nanguli ka i Barnabas, “Hau kita manjili ri ngata-ngata nikalauta bara ipia nompatolele tesa nu Alatala. Kita kana hau manggita sampesuvu-sampesuvu anu nomparasaya i Yesus hamai, ala rakitata berimbamo katuvura.”

Suro-Suro 18:12

Tempo i Galio najadi gubernur ri propinsi Akhaya, toYahudi ri ngata Korintus nasintuvu nangeva i Paulus. Ia nisakara bo nikenira ratangara ri ngayo Gubernur Galio

Suro-Suro 19:10

Aga ivesiamo nipovia i Paulus rompae kasaena, sampe pura-pura tona nonturo ri propinsi Asia, toYahudi bo tona ledo toYahudi, nangepe Tesa nTupu.

Suro-Suro 19:20

Jadi, lako ri kajadia-kajadia nabaraka evamo haitu, kadea-dea tona nangepe Tesa nTupu, bo kadea-dea tona nomparasaya.

Suro-Suro 19:38

Ane i Demetrius ante roana sampokarajaa maria pangaduara nte tona, aginapa parakara haitu rakenira ri ngayo ntopotangara. Naria mami jaa nipakatantu ka potangara bo naria topotangara nasadia mombatimba parakara.

Suro-Suro 19:7

Kadea ntona haitu, nitasere sapulu randua.

Suro-Suro 28:7

Ledo nakavao lako ri sia, naria tana i Publius. Ia gubernur levuto Malta. Nitarimana ante damba rara kami bo talu-mbongi kasaena kami nonturo ri banuana.

Suro-Suro 6:10

Tapi ledo nipakulera nombasapu anu niuli i Stefanus, sabana Nosa Gasa nu Alatala nombadekei kapande ka ia notesa.

Suro-Suro 8:25

Naupu i Petrus bo Yohanes nosabi bo nompatolele tesa i Pue ka todea, nanjilimo ira hau ri ngata Yerusalem. Bo riara polipara haitu nipatolelera Kareba Belo ri ngata dea ri bagia Samaria.