Suro-Suro 13:11 - Kaili Ledo

¹¹ Hitupa Tupu mombahuku iko! Iko majadi maburo bo ledo mukita mata nu eo bara sako-eo kasaena!” Nangepe haitu kaliu-liu naburomo mata i Elimas, nirasaina eva kulimu vuri nombabungu matana, damo nigayo-gayona luona nangelo tona mombanini ia.

Suro-Suro 13:11 ပူးပေါင်းရင်းမြစ်များ

Yohanes 9:39

Nanguli i Yesus ka ia, “Patuju kakavaKu ri dunia hitu ala mompakalanto sala ntona ala tona naburo mamala mekita, bo tona nisarumakana nekita, majadi maburo.”

Suro-Suro 9:17

Jadi haumo i Ananias ri banua i Yudas ri Dala Noa. Bo nesuamo ia riara banua bo nidikana palena ri balengga i Saulus, bo nanguli, “Sampesuvuku Saulus. I Pue Yesus nikitamu ri tatanga nu dala tempo komiu nolipa tumai, Iamo nombatudu yaku tumai, ala komiu mekita mpanjili bo rakuasai nu Nosa Gasa nu Alatala.”

Roma 11:25

Sampesuvu-sampesuvu sampomparasaya! Ledo mabelo malanga gaga raramiu. Jadi yaku madota ala rasanimiu nia nu Alatala anu dopa nisani nu manusia nggaulu, haitumo, anu majadi nte toYahudi. Sii-sii nadea toIsrael nakaa bagara bo ledo nomparasaya. Tapi kakaa bagara haitu aga sampalai, sampe magana kadea ntona ledo toYahudi anu momparasaya i Yesus.

Ibrani 10:31

Natantumo maviora mpuu rara ntona anu mambela pehuku lako nte Alatala anu natuvu sampe ri kasae-saena!

2 Petrus 2:17

Guru-guru mpodava haitu nasimbayu mpo mata nu uve naotimo. Ira nasimbayu mpo kulimu vuri aga niburu mpoiri narimboso. Alatala nompakasadia ponturo nalanda mpirika ka ira.