Suro-Suro 13:1 - Kaili Ledo

¹ Ri tatanga ntodea topomparasaya ri ngata Antiokhia naria bara sako-ndua guru bo nabi anu nompasimbayu Tesa nu Alatala, haitumo, i Barnabas, i Simeon anu nidae i Vuri, bo i Lukius toKirene, i Menahem anu nipakambaso nosanggani-nggani ante Magau Herodes Antipas, bo i Saulus.

Suro-Suro 13:1 ပူးပေါင်းရင်းမြစ်များ

Matius 27:32

Ri tatanga dala tantara-tantara nosintomuka saito langgai lako ri ngata Kirene anu nosanga i Simon. Ia nibarusura manjimbuaka kayu salib i Yesus.

Lukas 3:1

Ri kasapulu lima-mpaena poparenta Magau Mbaso Kaisar Tiberius, i Pontius Pilatus najadi gubernur ri bagia Yudea, bo i Herodes noparenta ri bagia Galilea. I Filipus, tuaka i Herodes, noparenta ri propinsi Iturea bo propinsi Trakhonitis, bo i Lisanias noparenta ri bagia Abilene.

Suro-Suro 11:30

Sintuvura haitu nipoviara mpuumo, nitudura i Barnabas bo i Saulus manggeni pedekeira haitu ka pakeni-pakeni ntopangoseaka i Yesus ri ngata Yerusalem.

Suro-Suro 12:25

Naupu i Barnabas bo i Saulus nanggeni pedekei ntoAntiokhia ka pakeni-pakeni ntopomparasaya ri ngata Yerusalem, nanjilimo ira hau ri ngata Antiokhia. Nikenira i Yohanes-Markus mosanggani-nggani nte ira.

Suro-Suro 13:9

Tapi i Saulus, anu nidae muni i Paulus, nikeniaka Nosa Gasa nu Alatala. Nikanotosina toposibalimata haitu,

Suro-Suro 15:32

Naliu haitu, i Yudas bo i Silas nasae notesa nte topomparasaya ri Antiokhia ala mompakadidi rarara bo mompakaroso pomparasayara, apa ira randua nabi anu nompakule mompasimbayu tesa nidekei nu Alatala ka ira.

Suro-Suro 15:35

I Paulus bo i Barnabas muni nonturo bara sakuya kasaena ri ngata Antiokhia. Ri sia ira nompatuduki bo nompatolele tesa i Pue Yesus, nosanggani-nggani ante roa deara ntanina.

Suro-Suro 19:6

I Paulus nombadika palena ri balenggara bo kaliu-liu Nosa Gasa nu Alatala nombakuasai ira. Pade ira notesa ante basa-basa nidekei nu Nosa Gasa ka ira bo nipasimbayura tesa lako nte Alatala.

Suro-Suro 21:9

Naria ana i Filipus ampa randaa. Ira ampa mai nidekeika nu Alatala pompakule mompasimbayu tesa nitarimara lako nte Alatala.

Suro-Suro 4:36

Ivesia muni nipovia i Yusuf. Nipobaluna tanana bo doi haitu nikenina bo nidekeina ka suro-suro i Yesus. I Yusuf haitu toLewi lako ri levuto Siprus. Suro-suro nombadae ia i Barnabas, batuana, “topompakavoe rara ntona.”

Suro-Suro 9:1

Ri tempo haitu, i Saulus da nompararai njuu mompatesi topangoseaka i Pue Yesus. Ia hau ri ngayo nu Pakeni nTopanggeni Pesomba,

Roma 16:21

I Timotius, roaku sampokarajaa nompakavote tabe ka komiu. Ivesia muni i Lukius, i Yason bo i Sosipater, roa-roaku toYahudi.

1 Korintus 11:4

Jadi ane riara kasiromumiu naria langgai nosambaya atau nompasimbayu tesa nitarimana lako nte Alatala bo nibonggona balenggana, ia ledo nombabila i Kristus, pakenina.

1 Korintus 13:2

Bo ane kupakule mompasimbayu tesa-tesa nitarimaku lako nte Alatala, bo ane kusani mpengaya-ngaya anu nitabuniaka bo kusani muni mpengaya-ngaya pangisani ntanina, bo pomparasayaku maroso mpuu sampe yaku mamala mantudu bulu molinja, tapi ane ledo kupotove tona ntanina, katuvuku ledo ntoto ria gunana.

1 Korintus 13:8

Pepotove ledo maupu-upu. Ane pompakule mompasimbayu tesa nitarima lako nte Alatala, makava tempona pompakule haitu menonto. Bo ane pompakule motesa ante basa-basa nopuna lako nte Nosa Gasa, makava tempona pompakule haitu malipo. Bo ane anu nipopaisani nTupu ka kita, makava tempona pangisanita domo raparaluu.

1 Korintus 14:29

Ane tona mompasimbayu tesa nitarimana lako nte Alatala, nabelo ane randua atau tatalu motesa. Tona ntanina kana mompetalingai pakabelo-belo ala rataserera anu nitesa haitu bara lako nte Alatala bara ledo.

1 Korintus 14:32

Toramo! Tona nompakule mompasimbayu tesa nitarimana lako nte Alatala, nompakule nombakuasai karona mboto, haitumo ia namala notesa atau menonto notesa nantuntuni dotana mboto.

1 Korintus 9:6

Atau nisarumakamiu aga yaku bo i Barnabas kana mokarajaa ante pale kami mboto mompaelo? Ledo masipato kami muni ratande ntodea topomparasaya?

Galatia 2:13

Bo topomparasaya ntoYahudi ntanina nompasiala pokainggu i Petrus muni nau nisanira ledo masipato. Sampe nau i Barnabas mboto natekeni nangoseaka pokainggura haitu.

Galatia 2:9

I Yakobus, i Petrus bo i Yohanes, nireke pakeni ntodea topomparasaya i Yesus ri Yerusalem. Nikitara Alatala nombadekei pokarajaa nabelo ka yaku, haitumo majadi suroNa. Jadi ira nosijoko pale ante kami bo i Barnabas. Haitumo tandana kami pura-pura roa sampobago nanggeni Kareba Belo. Kami pura-pura nasituju ala kami bo i Barnabas manggeni Kareba Belo ka tona ledo toYahudi bo ira manggeni Kareba Belo ka toYahudi.

Efesus 4:11

Iamo nompalele pedekei-pedekei ka kita. Sanu nidekeikaNa pompakule majadi suro, sanu nidekeikaNa pompakule majadi nabi anu mompasimbayu tesa nitarimana lako nte Alatala. Sanu muni nidekeikaNa pompakule majadi topompatolele Kareba Belo, bo ntanina nidekeikaNa pompakule manggeniaka bo mompatuduki todea topomparasaya.

Filipi 4:22

Tarima muni tabe lako nte pura-pura todea nu Alatala ri ngata hitu, nelabipa ira lako ri banua Magau Mbaso Kaisar.

1 Tesalonika 5:20

Nee mompandaente tesa ntona anu nompapola tesa nidekei nu Alatala ka ia.