Suro-Suro 12:7 - Kaili Ledo

⁷ Sampesanika neongamo malaeka nTupu neangga ri sia, bo reme nevanta riara ntombi nu tarunggu haitu. Malaeka haitu nombagoya-goya karo i Petrus bo nilikena. Nanguli malaeka, “Pembangumo masalisa!” Kaliu-liu nakabasaka mbotomo rante ase lako ri pale i Petrus.

Suro-Suro 12:7 ပူးပေါင်းရင်းမြစ်များ

Matius 2:13

Nalaipa tona lako ri mpandakena, nakavamo saito malaeka nTupu riara pangipi i Yusuf bo nanguli, “Pembangumo, kenimo ngana ntali tina haitu masalisa hau ri tana Mesir, sabana Magau Herodes mangelo ngana haitu rapatesina. Ponturomo hamai sampe yaku makava vai nte iko.”

Lukas 2:9

Sampesanika neongamo saito malaeka nu Alatala ri sinjorira, bo reme nu Alatala nombavanta ira. Nanggita haitu naeka mpuu ira.

Lukas 24:4

Tempo ira neangga ri sia bo da naingu rarara nompekirika kajadia haitu, sampesanika neongamo randua malaeka nu Alatala nopakea nenggila neangga ri sinjorira.

Suro-Suro 10:30

Nesanamo i Kornelius, “Talu-mbongi naliu, nitasere jaa ivehitu muni, tinti tatalu ede eo, yaku nosambaya ri banuaku. Sampesanika naria saito malaeka nikitaku neangga ri ngayoku. Pakeana nenggila-nggila.

Suro-Suro 12:23

Ri tempo haitumo malaeka nTupu nompakadua Magau Herodes, sabana ia ledo nompakaoge Alatala, ledo nitagina todea nanguli tesa haitu. Jadi da natuvu ia, nikande ndoromo sampe namate.

Suro-Suro 12:6

Bongina dopame Magau Herodes mombatangara i Petrus ri ngayo ntodea, i Petrus naturu ri tarunggu ri olo ntantara randua, nipou nu rante rompenga. Naria muni randua tantara ntanina nojaga ri vamba.

Suro-Suro 12:8

Naupu sia malaeka nanguli, “Pasuamo bajumu bo sapatumu.” Jadi, nipasuana mpuumo bajuna bo sapatuna. Pade niuli nu malaeka vai, “Pasuamo baju ndoemu bo tuntunimo yaku!”

Suro-Suro 16:26

Sampesani naria lingu narimboso mpuu sampe pandasi banua ntarunggu nogoya muni. Pura-pura vamba natebuka bo rante pobalanggu tona nitarunggu navole sanggani.

Suro-Suro 2:24

Komiu nompatesi i Yesus, tapi Alatala nompakatuvu mpanjili Ia lako ri kamateNa. NikabasakaNa Ia lako ri kuasa kamatea, sabana Ia ledo ntoto namala rataamaka ri ponturo ntona namate.

Suro-Suro 5:19

Tapi bongina haitu saito malaeka nu Alatala nombaungge vamba-vamba ntarunggu bo nanggeni suro-suro hau ri savalikuna. Nanguli ia,

Suro-Suro 9:3

Riara polipana hau ri ngata Damsyik, tempo napara ngata haitu, sampesanika naria reme nevanta lako ri langi nantiku ia.

Efesus 5:14

Bo pura-pura anu rapakalanto ivesia, mabali majadi mareme. Haitumo batuana tesa niuli ivei: “Pembangumo komiu anu namonjo. Pembangumo lako ri tatanga ntomate, Bo reme i Kristus mombavanta komiu.”

Ibrani 1:14

Jadi, isema kakanana malaeka-malaeka nTupu? Ira pura-pura topotulungi Alatala anu nisuroNa mantulungi bo manggeniaka tona rapakasalamaNa.

Pompakita 18:1

Naupu malaeka pangane notesa, nikitaku saito malaeka ntanina nanau lako ri suruga. Naoge mpuu kuasana, bo lako ri karemena njumangu dunia nareme.