Suro-Suro 12:5 - Kaili Ledo

⁵ Jadi i Petrus nitaha riara ntarunggu. Tapi todea topomparasaya i Yesus nosambaya njuu ka i Petrus ante mpuu-mpuu rarara.

Suro-Suro 12:5 ပူးပေါင်းရင်းမြစ်များ

Matius 18:19

Pariara munimo tesaKu hitu! Nau aga nte randua komiu, ane mosangu raramiu mosambaya merapi sangaya, anu niperapimiu haitu tantu radekei nTuamaKu ri suruga ka komiu.

Lukas 18:1

Naupu haitu i Yesus nompatuduki anaguruNa ante notesa sangu porapa ala ira masaro mosambaya bo nee masau rara.

Suro-Suro 12:12

Naupu nompekirika kajadia haitu, haumo ia ri banua i Maria, tina Yohanes-Markus. Ri banua haitu nadea tona nasiromu nosambaya.

Suro-Suro 12:4

Naupu i Petrus nisaka, nisuarakara riara ntarunggu, bo Magau Herodes nantudu ampa lunu tantara mombajagai ia, ampa tantara salunu. Patuju i Herodes ala i Petrus ratangara ri ngayo ntodea maliutaka Eo Mbaso Paskah.

Suro-Suro 12:6

Bongina dopame Magau Herodes mombatangara i Petrus ri ngayo ntodea, i Petrus naturu ri tarunggu ri olo ntantara randua, nipou nu rante rompenga. Naria muni randua tantara ntanina nojaga ri vamba.

1 Korintus 12:26

Ane nadua sangu sipa, pura-pura sipa nu karo haitu nombarasaina muni. Ane sangu sipa nibila, pura-pura sipa nu karo muni nadamba.

2 Korintus 1:11

Nisani kami ane komiu muni mantulungi mosambayaka kami, Alatala bate-batena mompakasalama kami riara kasusa. RadekeiNa belo ka kami sabana madea tona mosambaya ka kami. Bo madea tona manguli tarima kasi ka Ia ane rakitara nipoiyoNa pomperapira ka kami.

1 Tesalonika 5:17

Nee masau rara mosambaya.

Ibrani 13:3

Toramo bo tulungimo tona nitarunggu evamo komiu mboto nitarunggu nosanggani-nggani ante ira. Bo toramo bo tulungimo tona nipakasusa sabana pomparasayara, evamo kasusamiu mboto.

Yakobus 5:16

Haitumo sabana komiu kana mangaku salamiu, bo mosiposambayaka, ala duamiu rapakabelo. Posambaya ntona nanoa nabisa mpuu.