Suro-Suro 12:24 - Kaili Ledo

²⁴ Namatepa ia, kasae-sae nantambai-mbaimo kadea ntona nangepe Tesa nu Alatala, bo nomparasaya i Pue Yesus.

Suro-Suro 12:24 ပူးပေါင်းရင်းမြစ်များ

Matius 16:18

Pomparasayamu tutu tuu sampe sangamu i Petrus—batuana ‘vatu’. Bo Yaku mompakajadi iko pakeni ntodea anu nomparasaya Yaku, ala iko mompakaroso rarara, masimbayu eva pandasi vatu nompakaroso banua. Bo ledo maria nuapa-nuapa mamala mombadagi todeaKu, nau kuasa kamatea.

Suro-Suro 11:21

Kuasa nTupu naria nte ira sampe nadea toAntiokhia nomparasaya bo nombadekei katuvura ka i Pue Yesus.

Suro-Suro 19:20

Jadi, lako ri kajadia-kajadia nabaraka evamo haitu, kadea-dea tona nangepe Tesa nTupu, bo kadea-dea tona nomparasaya.

Suro-Suro 5:39

Tapi ane pepatudukira bo anu nipoviara nopuna lako nte Alatala, ledo rapakuleta mombadagi ira. Ledo aga haitu! Nee sampe kita mangeva Alatala!” Naupu toPolibu Mbaso nangepe tesa i Gamaliel, nitarimaramo tesana.

Suro-Suro 6:7

Ivesiamo kareba nu Alatala nipatolele njuu bo kadea ntopomparasaya i Yesus ri ngata Yerusalem nantambai mpuumo. Bo nadea muni topanggeni pesomba nangoseaka i Yesus.

Kolose 1:6

bo natolele ri umba-umba ri dunia sampe da kapantambai-mbaina kadea ntona nomparasaya i Yesus bo katuvura nipakabaru. Ivesia muni najadi ante komiu, nompamula lako ri tempo niepemiu Kareba Belo bo mpuu-mpuu nirasaimiu kabelo nu Alatala.

2 Tesalonika 3:1

Kapolana, sampesuvu-sampesuvu, posambayakamo kami. Perapi nte Alatala ala TesaNa masalisa matolele bo ratarima mabelo, mpo anu najadi nte komiu bara ipia.